هدى

١٥

#هدى
للكاتبة ام مصطفى
البارت الخامس عشر

دفعني فخير ويسحل بفريال وانه اركض وراه فدوه فخير هدها
-هدة الحكيلي فدوه هدة رايح يكتلني كلشي مامسويه ولا معاركة سهيله وحك علي
وهو يجر بيها وانه اركض فخير بس هدها اروحلك فدوه هاي مسودنه ماتفهم
وج اليوم اذبحة واشرب من دمها خل اغسل العار وجن صخمتن وجهي
يحجي ويسحل بيها وانة اكوم اجرها وهو يدفع
لحد ماوصلها لغرفتهم شمرها وقفل الباب وطلع صاح سهيله لو طلعت اذبحج بدالها هسة راجع

راح يركض
وانه اجيت وصلت لبابهم دفعتني سهيله وخري ماسمعتي شكال
وج سهيله بس احجيها بس خل اكلها ياهو هيج مسويلها فدوه حاجيني فريال
-هدة طلعيني هدة كلشي ماسويت حتى انه مريضة ونايمة هدة انه خايفة طلعيني يمج
دفعت سهيله وخري
جرتني وهم وخرتني تالي فقدت دفعتها واكسر بالباب ادفعة حيل بلكت ينفتح
بس ماكو اطك بيه حيل وترجع سهيله تجرني وادفعها
وج فريال احجي ياهو وصلج
-خيبه شوصلني انه جنت نايمة راسي يوجعني حتى مامعاركة سهيله
-وج فريال حاجيني ياهو شال ثوبج ياهو نزعج كولي
سكتت
احجي فريال كبل لا يرد فخير
هدة اخاف احجي
ولج ليش احجي
مو هو كال لو حجيتي اذبحج واذبح اختج هدة
اني احبج واخاف عليج
-خيبه خل يذبحني بس احجي
ضربتني سهيله براسي حيل وكعت بالكاع
رديت كمت
طب فخيير يركض بيد خنجر وراه يركض نويظم ابن عمي وعمي ابو كاظم

صاح سهيله ردي جيبي الجده
صحت فخير اتعوذ من بليس هاي خبله عوفها
وخري غاد لا اذبحج كبلها
اذبحني افخير اذبحني وخلصني يله
كبل لا تجيسها
صاح عمي طبي جبح هالشوفة كل المصايب من وراجن لا بارك الله بيجن مات صالح وبس الضيم والعار عافة علينا
-انت شلك شغل نعرفك تعرفنا ناشد علينا شايفنا
-ايا ..... هيج تحجين وي عمج ضربني ناظم راشدي
صرحت وحك علي افضحكم فضيحة لو تذبحوها
فريال تصيح هدة طلعيني هدة
اجت الجده ام احمد
سئلها عمي صدك الي سمعته
-اي ابو كاظم واذا تريد اخذها لاي دكتورة البت حبله والجاهل يتحرك بيه نبض شني مااعرف خبرة ٢٥ سنه اجيب نسوان انه
خوش اطلب منج طلب
كول
اطيج فلوس جياب عشر نسوان بس كون ماتجيبن طاري خوش
-اطيني الفلوس ولا اعرفكم ولا تعرفوني
-طلع عمي ضبة فلوس وحطهن بيدها
حبتهن وراحت
شويه ارتاحيت كلت بلكت راح يسدون الموضوع
ضليت ساكته
صاح نويظم فخير شوفوا شغلكم
طبوا للغرفة
صحت شسوون

ركضت لزمني عمي ودفعني امشي غاد واستري ع نفسج يله
قفلوا الباب عليهم
واسمع صريخ فريال
هدة هدة الحكيلي
جانوا يضربوها مدري يخنكوها

وهي تصرخ تصرخ
واني اصرخ وياها
دفعني عمي للاستقبال وسرك الباب علي
وانه ادك اصرخ

ماكو بالربع ساعة
اجة فخير فك الباب ودشداشته ملها طفار دم
كال ذبحتها واذبحج لو نطقتي بكلمه
دفعته ورحت اركض بغرفة سهيله
واشوف الرس مذبوح مثل الدجاجة وترافس
ولج فرياال يبوووي
صرخت ووكعت عليها تلطخت بدماها الله لا يوفقكم ليش هيج
اخيتي فريال كومي حبيبتي
جروني منها
فقدت كلش كمت مااركز مثل الكابوس واريد اكعد منه توها تضحك تكلي راح اجيب ولد توها تركض توها تصيح هدى
متي وماكلتي ياهو هيج سوالج تخافين علي فريال لا تعوفيني انه محتاجتج
ياروحي انت يا اطهر من كل هاي الوادم المنافقة
حقراااء جلاب جبناء كلكم دايرين ع منغولية وتذبحوها انتم موش زلم انتم حرم حرام تسمون زلم
الله يوفقكم الله يبهذلكم ان شاء الله حوبتها تسحك وتلحك
اه ولج يمة الحكيلي ذبحوا فريال
كوم بوية الحكولي اه مامش احد بيه رحم انه وين عايشة ولكم
صرخ عمي سكتوها خزتنة
وشيلوا المنغولية جيبولها تابوت وكلوا غركة ومانسوي فاتحة جيفن منغولية ومسودنه مانريد فضايح
وانت لو سمعت طالع منج حجاية اذبحج فوكاها تف عليجن وع ساسجن لوما عدجن ساس نجس متسون هيج فضحتنا بين العربان طيحتن عكلنا
امشي طبي لا بارك الله بيجن
-لا بارك الله بيك ولا بفخير كتلتوا اختي حوبتها ماتعداكم
ليش هيج مسودنه شمفهمها هي جان سئلتوها ياهو الهيج سوه بيها
-شتردين نتانيها لحد ماتكبر وتخلف نغل النا لو نروح نهد ونصيح ياهو اخذ شرفها سدوه الموضوع
وانت سهيله كومي اغسلي الدم وان جان سمعت طالع خبر منج لخلي فخير يطلكج ويشمرج يم اهلج
جروا فريال جثة وركبتها اتلولح
مثل الفلم رعب شفتها وتعارضت اصرخ
هدوا فريال وشبعوني دك وفوتوني للغرفة وسدوا الغرفة علي
كمت اشيل روحي وادكها اشيل روحي وادكها
تسودنت لحد ما نهد حيلي وراسي احس صار جبل نار بكلبي مشتعلة ماتطفى
هنا وكعت بالكاع.
ماحسيت بروحي
اله ثاني يوم كعدت انتبهت عيوني مغوشة وادي ورجلي وجسمي كله بايد ويرجف
بسع صارت ع بالي وتذكرت الي صار
كلت يجوز حلم اي حلم كمت صحت فريال وينج خية
عاينة اهدومي كلها مدامية تذكرت طحت عليها
يعني صدك موش حلم
ضليت ادك بالباب افتحولي الباب ياظلام الله يوفقكم اختي وين اريد فريال
بس محد يجاوب دكيت لمن مليت تعبت ورديت كعدت كعود
اعاين ع هدومها فراشها غريضاتها
اخخخ كسرتيني فريال وحك علي امي من ماتت ماهيج انقهرت عليها
كومي ركضي نكزي العبي يمي كومي يبعد بيتي كليلي ياهو سوه هيج بيج
كمت ادك والطم
انوب شفت اللعابة
رديت اتذكر اي هو هو جنت مامركزه بوكتها من شدة الموقف
هسة اذكرت اي هو حسن ماكو غيره
ولج خية ليش ماحجيتي ليش تخافين علي مخوفج يذبحني من عساتي كون مذبوحة ولا انت
رديت كمت ادك الباب سهيله افتحيه الله لا يوفقج انت واخوج كون بجاه الكاظم
ماكو غيرج انت اخوج هيج خططتوا
ولج افتحي الباب سهيله
اخخخ يمةةة الحكيلي ولك بويه عدمن عفتوني ............