مساء الخير متابعيني الاعزاء نبدي وياكم بقصة حقيقية اتمنى ان تنال رضاكم
#هدى
للكاتبة ام مصطفى
البارت الاول
من فتحت عيوني للدنيا واني اشوف ابوي طريح فراش ومريض وامي اداريه
جان ابوي رجال جبير بس امي حيل صغيرة عبالك بنتة مو زوجته
جانت الدنيا حلوه نلعب ونركض بين الزرع جانت اختي فريال اكبر مني تلعب ويانه هي جبيرة بس مخبلة كلها تصيح الها المنغولية ماجنت اعرف شني منغولية
بس جنت احب العب وياها ومن تسويلي شي اصيح الها مسودنه منغوليه جانت تضوج وتعض اديها وتشمر علي طابوك لو تضربني تجي حيل جانن ضربتها قوية كلش
اخوي الجبير فاخر جان يحب وحدة من الديرة ويومية يصيح ع امي حتى تخطبها اله
جنان عمري بذاك الوكت ثمان سنوات تقريب
لهسة اذكر بيوم كام يصيح ويعيط هسة تخطبوها الي ترحون
ابوي وهو ع فراش المرض كال لأمي روحي اخطبيها الة
ثاني يوم امي امي اخذت خالتي نعيمة وراحت
وبقت يمنا خالتي جهالها جنت العب وي ميثم وحله لعبنا بيت بيوت عود هو ابونا مرض ونايم ع الفراش واحنه نروح نشتغل
لان جنا نصور كل اب مريض ونايم بفراشة
طبعا فريال دوم تخرب لعبنا وتضل تصرخ وتلزك بكلشي لزكت بالمنجل عود اني جنت الام واحصد اروح الزرع
وهي متقبل اله تريدة كامت تصرخ
وابوي سمعها كام يصبح هدى هدى
شبيها اختج
اخوي فاخر جان بالديوانية سمع فريال تعيط وهي جبيرة جان عمرها ١٥ سنه صوتها مال كبار يعني
كام شبعنا كتل اني وياها واخذ المنجل
من عدنا
رجعت امي وخالتي نعيمة شافتنة نبجي بالغرفة
ها ولجن شبيجن تبجن
كال ميثم فاخر كتلهن
يااع عليمن شسويتن يمفلوكات
-والله مسوينا شي نلعب بيت بيوم وفريال جلبت بالمنجل وضلت تصرخ واجة كتلنا
-حيل بيجن وتستاهل شني ع كلشي تتكافشن
طب فاخر
ها شسويتن
-رحنه وشفنا البت وحاجينا امها وكالت ارد الكم خبر يومين
-ها خوش
نعيمة :- بس خالة البت ماعجبتني
-شني شبيها موش حلوة شني
-لا بس جنها وكحة ولسان وتلبك لبك
-كل النسوان وكحة ولسان خلها انة قابل مالجن شغل انتن
-شلون خالة جا مو راح تعيش وي اهلك عدك خوات خاف مايتراهمن
-شحدها التحجي افصم ضهرها وطلع
خالتي ضربت ع خدها يا خية اغسلي اديج من ابنج هذا ومن هسه اكلج جاسمية انت فقيرة وهاي بت عودة ملسنة ووكحة وكل الديره تعرفهن هي وامها واهلها لا اتورطين وياهن
-خية شسوي شوفت عينج الولد رايدها ومعاند عليها وانه مااكدرله هو هسه لازم الكاع والمصرف بيدة وشغل ابوه كلشي بيدة
-صوجج جاسمية شني فرخ مسلمتة كلشي
-خية جا شسوي هو وحيدي وابوه طريح فراش صارله سنتين ياهو الي اروح للجيران
-اي تسلمينه الشغل فهمنا بس موش يشيخ عليج ويمشي جلمته عليج شمالج جا غير امة انتي
-شسوي خية ابوه هو شيخة علينا وحيدة
-اكلج صدك ابن رجلج هم يجي الكم
-اي بس كل سنه بالعطلة بس
-اي اعرف بس يعني ماناوي يظل عدكم
-لاخية ذاك تربات بغغغداد ومتعلم ع المدينة شجايبة للعرب هنا يجيله اسبوع ويرد يم امة
-جا امة ماتزوجت لهسة
-لا من طلكها صالح ماتزوجت ابد وضلت ع ابنها جاعدة
-خوش والله مرة انه اعرف المدنيات ياخذن اثنين وثلاث
-ياع شلون اثنين وثلاث
-قصدي حتى لو يتطلكن ياخذن ماعدهن عيب مثلنا
-ها اي صكد
-اروح انه خية يلة ولك ميثم كوم وانت حليوه يله امشونه
-وين خية بعد وكت
-لا خية الزلمة مناك يريدله لجمة اسويله للعشة يرد تعبان من الكاع
-ها
-اكلج ماتطيني بانيه شواي السنة مازرعنا
اطيني اخذ اسوي غدة باجر بيها
-اي موش تدللين
راح اطيج للغده وهم بعد اطيج نص كونية يبسها الكم
-انعم الله كون صدك
