#هدى
للكاتبة ام مصطفى
البارت الحادي عشر
ضليت اسبوع نايمة بالفراش تمرضت وصلت الموت
وفريال تبجي يمي تمرضت وياي
ومحد النه محد كال شلونهن شكلن اشربن ميتات عدلات اسبوع احنه بالغرفة بس طلعتنا للحمام
حتى جدر مامركبين
فريال تجيبلي روبه جبن كيمر وتمرات
واكل انوب هي حارت بيه اتداريني وتكابلني وتبجي
جانت نفسيتي تعبانه مالي خلك كلشي كرهت الدنيا كرهت العيشة اتمنيت اموت واخلص محد الي
حتى خالتي كالتلي هالكلمتين وراحت ماردت بعد علي ولا كالت شصار عليها شلونها
شفت فريال بدت تذبل وبس تبجي
كلت ربي قويني لخاطر خاي المسكينه مالها احد غيري
فكت الثلاجة فريال كالت هدة ماكو خبز ولا شي ناكله اروح اجيب من بيت فخير اكل
كتلها لا لو يردون همة يودولنا جا نشدوا علينا شكبنا اشربنا
موش تشوفنا ماطالعين
كومي وياي نعجن ونخبز
اشوقها ضحكت
انت صرتي زينه يعني راح تخبزين خبز حار الي
-اي يبعد روحي انت الشي الوحيد الحلو بحياتي ولازم اعيش ع مودة
كمت اعجن ورحت حصدت النا طماطة
خيار وخضورات شزارعين جبت منه
وحلبت الهوايش لكيتهن مورمات محد حالبهن جن
فريال تركض وراي جنها رد الدم بيها
شافتني سهيله
كالت مثل البزون بسبع رواح وغمتني
ومشت
كتلها الج يوم ان شاء الله
صحت ع فريال روحي جيبيلي جيمة (حطب) خل اجيم التنور واخبز
راحت خطية تركض
جابت سعف وكعدت يمي وانه ادولج بالعجين وشعلت التنور
وكمت اخبز وهي تاكل اليكول مفجوعة ماشايفة خبز
شكد انقهرت عليها مالها ذني هي
مالها غيري ومالي غيرها
قررت اعيش الها من يومها
فخير من شافني رديت كمت ع حيلي
اجة وكال حدج للكاع تشتغلين بس بعد طلعة ماالج انه اسرح بالغنم والهوش عود
كتله بعد احسن
ضليت اروب والمرة الجانت تجي تاخذ!من امي وتبيع روبة بالولاية وكيمر دزيت
فريال عليها
اجتني ها خالة دازه اختج علي صدك
-اي خالة انه كمت اروح واسوي جبن وكيمر مثل امي تجين تاخذين مني نشترين
-اذا زينه روبتج وكيمرج اخذ
-اي والله نفس مالت امي بالضبط
-عدج منها
اي عدي
ركضت جبت الها روبة
عاينة عليها كالت من شكلها طيبه
ضاگتها
-صلاوات كلش طيبة خوش هاي الروبه
والكيمر
-هم عدي تعاي طبي للثلاجة وشوفيه
طبت كلت منه كالت خوش اتفقنا ارد اخذ منكم بعد
-شكد فرحت لان ماعدنا فلوس افخير مايطينا شي صدك ناكل ونشرب كلشي عدنا مكوم
بس هاي فريال تريد تشتري نوبات من الدكان حلويات نستلة شربت مصاص تحب هاي السوالف وانه ماعدي
كمت الوكت الجنت اسرح بيه
اروب واسوي كيمر عرب وخراطة
والمرة تجي تاخذ مني كل يوم لو كل يومين
كامت تطيني فلوس
فرحت بيهن كمت اضم وفريال تشتري تروح كامت
التهيت بهاي السوالف لهيت نفسي ودعيت الله يشيل ميثم وسالفته من بالي وانسة كلما اتذكر اموت قهر واكول ربي خاف يحاسبني جنت احب اخوي
الحمد لله
بديت انسة واشيله من بالي ومااذكره ابد
