#هدى
للكاتبة ام مصطفى
البارت الرابع عشر
هدى
كعدت ع حافة الشط ومحمد بصفي وماضل شي ماحجيته اله احجي وابجي
خويه محمد تعبت المن اشكي همي
-كل هذا وضامته علي لويش من اجي متكلليلي
-خوية انت ماتنشد علينا رحت ومارديت
-اي حقج هم صدوك اني هملتكم بس منا وهيج اعرف شلون اصرف
-محمد خوية انه كلشي مااريد هسه بس كون يفك ياخة مني فخير ومرته
ترضه اخوي اخذلي شايب عليش شناقصني انه ولو عرست ياهو يضل يم هاي المكرودة فريال
انه بطلت حتى عرس مااريد اعرس كرهت العرس
-ليش هجي تحجين حبيبتي انت من حقج تزوجين وتختارين الي ترديه
-خوية هو وينه الي اجاني حتى اختار ماكو غير سالم ومرت عمي هدت علينا
وهالشايب الوادم حسبالها صدك انه صايحة الصايحة علي
-بله شنو من عقل متخلفة انت طفله بذاك الوكت صف سادس ابتدائي شنو الصايحة صاحت عليج
شنو هالخرط هذا
-خوية انه مااريد منك شي بس خلصني من هالشايب وفخير لا يجبرني ع شي ولا يمشيني ع شور سهيله خل يهدني نعيش انه واختي بكاع ابوي لا ماخذه منه فلس ولا واصله يمة بيش طالبني
كام محمد عصبي اول مرة هيج اشوفة بطبعة هو هادي وجهه يضحك تعصب وكام عافني ويمشي سريع مشيت وراه
محمد خويةة ع كيفك موش اتعارك وياه
ماحاجني
اركض وراه ركض يمشي سريع
وصلت لبيتنا اشوف سهيله طلعت وره المرو وصلتها للشارع وهي تعاين علي وتضحك
صاح محمد
فاخر فاخر
كالت سهيله موش هنا يم فلح غاد راح
فريال طفرت منها
انه انه اصيحة واجي الكم راحت تركض
-خوية محمد احلفك بكل عزاز كلبك ع كيفك موش تسوي طلابة
احجي وطبيت انه وياه لغرفة الخطار
حجت خالتي
شنو القصة شكو شصاير
-ماكو شي
سندس كالت هدى حبيبتي اريد اغسل لمصطفى لاعب بالطين وشوفيه متسين
اي خل انه اغسله الج
-لا مااتعبج اني اني اغسله بس تعالي وياي
-تره البيت بيتج لا تستحين امشي حبيبه امشي
طلعت وياه وسهيله واكفة فتت منها
لزمتتي من ايدي
هديوه شكلتي لمحمد
وخري مالج شغل وجريت ايدي
ورحت غسلت سندس لابنها
ورديت واكفة تروح وترد تريد اتسنط
ثاري فاخر جاي
سندس شافت محمد يحجي وي فاخر بعصبيه
كالت خل اروح لغرفتج اخاف عدهم حجي ويستحون كدامي
اي تعاي
وخالتي لحكتنه
فريال اجت حطت الولد بحضنها وتضحكة
وانه بالي يمهم
صاح فخير
هدة هدة
ها
تعاي
رحت يمهم
-هدة انه شني مسويلج وتشكيني يم محمد
-كول شني ماسويته الي
منين ابديك من سالفة ذهب امي المرتك باكته وتلبسه جدامي وترك كلبي
لو ضربك الي
لو اهمالك صار سنين من ماتت امي اطيتنا فلس عانه اشتغل حالي حال الفلح وانت الربح الك تبيع المحصود وتحط بجيبك
ومرتك تلبس ذهب ويومية لبس شكل
لو اخر شي تريد تزوجني الشايب
-طلعتي كلش من ع ز الجلب كلشي مامسويلج
-اي
-جا وذاك اليوم موش وكفت بوجه مرت عمي وحتى سهيله مارضيت عليها
-شني ماتحجين الزينات
وانه من اطيج فلوس ادري تبيعين حليب وكيمر وربه وكلهن الج
هم اكلج اطيني منهن
محمد كله
-لا خلف الله عليك متفضل ع اساس انت
اسمع فاخر تره النه بالكاع اكثر من ما الك مرتين حصتي وحصة فريال وهدى
يعني مالك بس ربع بالكاع والحلال والبيت اكدر اطيهن الك واطلعك
بس اني اكول البيت لام خواتي بيه اني هناك بحاجة الفلس شوف هاي السيارة جمعتهن فلس بفلس وامي ومرتي باعن ذهبهن يله جبتها ومااجيت وكتلك اطيني حصتي لخاطر خواتي اكول خاف ابيع الكاع وين يرحن وع كولتك مريهمن مرتك يكعدن سوه واكيد مراح تقبلون اخذهن وياي
-شني تاخذهن وياك هنه خواتي من امي وابوي تره كعدتهن عدي انت مالك حك تاخذهن هناك
-لعد مدام هيج لويش هيج تسوي بيهن
-شمسوي الله ولحد صدكت بهاي هاي اكاله نكاره هديوة وبعدين عادي نسوان يتعاركن شني شفتني شمرتهن بالشارع
سويت شي الهن موزين
-عوف كل هذا شنو موضوع الرجال الجبير ترد تنطي اختك
-جاشسوي خويه محد دك بابها غيرة
-كافي شنو محد دك بابها ليش ناقصها شي
واذا محد تقدم الها تجبرها
-انه ماجبرتها
-لعد الغي هالموضوع وهدى ماتزوج غصب عنها الي زين
-هذا هو خوية التريدة يصير
-فاخر ذن خواتك اذا متعاجز منهن اطيهن حصصهن وحصتي واخذهن لبغداد اشتريلهن بيت
-لا لا خوية شني السالفة اوعدك مااغصبها ع شي ابد وعد خوية
-مو بس هاي اداري اخواوتك ومرتك تحترمهن ترة هذا بيتنا وحلالنا وكاعنا كلنا مو بس الك واحنه مامنيهن عندك
-بركبتي محمد خويه وهاي راسها ابوسة
اه اسف خوية ووعد جدام اخوي مااغصبج والشايب ماترديه هاي هيه نرد خبر الهم ماصارت
طبت سهيله
وصاحت بس انه كتلهم رضينا ستوها المره اجت وكتلها رضينه
-وانت منو اخذ رأيج ومنو انطاج الحق تدخلين بين خواتي ها وشنو داخله علينا بله احم ودستور
-سهيله امشي غاد يله
-لا شني انت مالك راي ع خوتك شني شتكول الناس ردوا بحجايتهم اطيت خبر للوادم
محمد : اطلعي برة يله واتادبي واحذرج تدخلين باخواتي فاخر رد زوجتك سمعت
جرها فخير وطلعها امشي شجابج انتي
طحت ع ايد محمد وحبيتها
جر ايده
استغفر الله رب العالمين
شبيج شنو محشم عليج اني غير اختي
شوفي هدى انه بعد كل كم شهر واجي
حتى اطمن عليج
وهم اريد احاسب فاخر حتى ناخذ حصصنا من شغل الكاع اعتقد مابيه زعل
-لا لا انه اريدك تاخذ حصتك احسن ماضال لفخير وسهيله البومه
-وحصتج وحصة فريال اخذوهن اشتروا ذهب ضموا فلوس
حقكم هذا ....
