#هدى
للكاتبة ام مصطفى
البارت العاشر
بارت مفاجئ الكم 😘
رديت للبيت اجر بنفسي جر خابت ضنوني كلها جنت متانية يجي ويكلي امي قبلت وابوي وراح نتزوج
بس اختفة رديت للبيت ابجي
ليش مااجة خالتي مارضت
صارله شي
تمرض
بيت خالتي بيهم شي مامعقولة مايجي وهو اكد علي تعاي تعاي يكلي موش ما تجين جا ليش مااجة
رديت لكيت فريال تبجي شبيج تبجين خايبة
سهيله طكتني ع ايدي 😢
شوداج لدهيرة موش كايلتلج لا ترحين يمها
احب اشيله الفرخة بت فخير
هي جانت بالمطبخ وانه رحت حطيتها بحضني حتى تضحكلي زهورة
واجت سهيله خذتها مني وطكتني ع ايدي وكرصتني من زندي تكلي خلستي البت جم مره كايلتلج لا اطبين النه
-تستاهلين انه موش كتلج لا ترحين يمها انت تجيبين الطلايب الي لو طارت
-شمالج خيبه والله انه احبها وحتى هي ضحكتلي ماسويت شي
-فريال انه روحي طالعة كومي دشي للغرفة يله
-يعني مااطكين سهيله لان طكتني
-لا مااطكها وحيل بيج
-انت موش حلوه اريد امي امي تحبني يمةةةة تعاليلي سهيله اطكني ومحد يحاميني
-فريال كومي دشي للغرفة امي ماتت وعافتج علي وارتاحت
-شبيج انه شسويتلج وتصايحين علي
-استغفر الله دكومي وخل تولي سهيله عود انه اكل لفخير عليها يله امشي
حسبي الله عليكم انه مليت تعبت يربي
موتني وخلصني كون انه حاركني وميته ولا امي
سويت عشة خليته بالكاع
كومي فريال تعشي
-مااريد مااحبج
-خيبة كومي انه البية كافيني
-شني شبيج هم طكتج سهيله
-خايبة لا بس تعبانه من الشغل
-لا تشتغلين جا انتي فلاح صيري مثل سهيله واكعدي لا تشتغلين
-وين حضي مثل سهيله انه حضي مصخم وملطم
الليل مانمت اكول باجر اروح لبيت خالتي وانشد عليهم
انوب اكول لا عيب شيكولون علي خفيفة وتريد بس تعرس
يربي شسوي كون احد عدي ويروح
انشدمن عنه اسولف المن لا صاحبة ولا اخت ولا ام يربي شبيه محد يختلط بيه
انت تدري يربي بحالي ساعدني
الليل شطولة اريدة يخلص ماكوو
ثاني يوم هم من حلاة روحي رحت هم رديت لنفس المجان كلت هو خلص امتحانات بلجن يجي هناك بس ماكوو هم رحت جعدت ماكوووو
رديت
بالطريق لاكيت مرت عمي ام كاضم وابن عمي وياها سالم
رحت سلمت ع عمتي شلونج عمة
هلا هلا بيج وتباوسني جذب كوه عليها
سلمت ع سالم شلونك
هلة بيج انتم شلونكم
الحمد لله ماتمرون علينا
صاحت مرت عمي لا لا مستعجلين يله امش سويلم لا اتاخرني
عايلي وتبسم مع سلامة
-الله وياك
والحظ شمالها مرت عمي تشوف العمة وماتشوفني
انه شني ذنبي محد يصدك انه ما سويت شي ....
اربع ايام فوك الموعد وميثم مابين وانه مامليت اروح وارد بلجن يجي
الى ان يوم كاعدة الصبح احش للهوش
واشوف خالتي اجت من بعييد
خالتي ماطبت بعد علينا من يوم الطردها فخيير
من شفتها تبوسمت وردت روحي اكيد ميثم دازها اكيد صايرله شي وهالمااجة ودز خالتي اي اي اكيد
ذبيت من ايدي المنجل ركضت تلكيتها
-هلا خاله شلونج حضنتها شميت بيها ريحة امي غوركة عيوني
هي هم بجت هلا يمةة شلونجن طك كلبي عليجن اذا انه مااجي هلبت تجن علي تخلني اشوفجن
-خالة شوفة عينج انة حالي حال الفلح الهنا اشتغل ومحد يرضى اجيج اخاف تصير سالفة يسويلي فخير
