#هدى
للكاتبة ام مصطفى
البارت الثامن عشر
بقيت شهر ع هاي حالتي
بهذا الشهر محد اجة علي من عمامي ومحمد احتار بيه هو وخالتي مرته خطية اخذت ابنها وراحت لهلها
انوب اجيت حملتهم همي وهمة حالتهم ع كدهم
جنت احاول اصير زينه وانسى
بس الصورة والحلم ميفاركني ابد
اخت خالتي مرة جبيرة اجتنا خطار
وصدفة سمعتني اصرخ
-هاي شبيه ام محمد ومنو هاي
-والله يا خية هاي بنت رجلي اخت محمد
شايفة اختها ميتة كدامها وصارت حالة عدها متروح من بالها مثل الي تعاؤضت
-ياا خطية
ليش متاخذوها لسيد بكربله يقرة عليها ومناك اخذوها لكربلاء عوفيها يومين ٣ وتعاي والله تصير زينه
هاي بنت سميعة تذكرين من ابنها اتكهرب ومات بيدها هم هجي واخذوها لسيد روحاني بكربلاء يقرة عليها ايات قرانية وصارت زينه ع ايدة
-والله ياريت خطية تكسر الخاطر ويتيمة
-اي بس ياخذ فلوس منكم ترة
-اي ندبر ميخالف والله يجي محمد ونكلة
جنت ارجف بوكتها واسمع الهن اتمنى صدك اصير زينه وارجع لحالتي
اجت المرة تقربت مني
-ها باجي اسم الله الرحمن بنيتي ان شاء الله مابيج شي حبيبتي
خلت ايدها ع راسي مدري شقرت وشالتها الله يباوعلج بنيتي
حسيت براحة
جنت حيل مكسورة وتعبانه اتمنى اموت واخلص تعبت وتعبت كل من حولي
راحت اخت خالتي
واجة محمد
اسمعة يكل لامة اشتاقيت لمصطفى
-روح جيبهم
-لا عوفيهم الولد يبجي يخاف لا يصيرله شي
اسمع اني وابجي ياربي شنو ذنبه حرمته من ابنه وزوجته
-انوب خالتي حاجته ع اختها
-والله علواه اخذيها انتي وياها وروحوا
بس دكول خالتك يريد فلوس
-ميخالف ادين الها من اصدقائي ع مااروح اجيب حصتي وارجع الدين
اني غير حالتها هي اخرتني جان رحت جبت حصتي واجيت
-زين لعد اتصل ع خالتك واشوف جابت العنوان لولا
طب محمد علي
-ها هدااوي شلون صرتي عيوني
هزيت راسي زينه وبجيت
-اي ليش تبجين
-تعبتك وياي بس والله مو بيدي
-لا دكولين هيج عيوني الج بس صيري زينه انتي
-محمد عندي فلوس وذهب لا تتداين
اني من ماتت امي وانه اروب واسوي جبن كيمر عرب دهن حر زبد كلشي اسوي من غير المكانيس
واجمع واضم هاي صار كم سنه وانه مااصرف ابد ضامتهن
-لا ذن الج ميصير اخذ منج
-خويه عدي والله انه فوك تعبك انوب تداين فلوس علي ذن فلوس عدي شلي بيهن بس خل اخلص من هالكابوس
-تخلصين ان شاء الله
ثاني يوم توجهت لكربلاء اني وخالتي واختها ام سرمد
صعدنا نفرات لكربلاء
ونزلنا بنفس المكان
طبينا لبيت السيد مدري شيخ
لكيت سره نسوان وزلم
لزمنا سرة حالنا حالهم
انه جنت خايفة وارجف لحد ماوصل النه السرة
طبينا جان رجال جبير بالعمر شكله وقور
كال لخالتي ام محمد تفضلي
-والله جايتك ع بنيتي هاي
وبدت تحجيله شلون شفت اختي مذبوحة
وتعارضت كامت تشوفها بالحلم وتخاف
هز راسة السيد
احجيلي انت بنيتي ششوفين
-انه اشوف اختي يذبحون بيها ويجي اخوي يريد يذبحني وحتى بالنهار اشوفة جاي يذبحني
هز راسة
وطلع القران وحط ايده ع راسي وضل يقره قران بالنص ساعة
انوب اطاني عوذة
كال هاي ماتذبيها ابد
وهذا مي تغسلين وجهج بيه
وكال لخالتي طلعوها حاولوا تطلع من البيت وتغير جو
-اي ان شاء الله
وهسه اخذوها للامام العباس خل تبات بيه ورجعوها للبيت اذا تحلمت ردوها الي
-اي ان شاء الله
-بس اهم شي تلتزم بصلاتها وتقرة قران وخل تطلع اخذوها زيارات اماكن مفتوحة اي مكان المهم تطلع وتنسى
-اي تدلل
بس خل تصير زينه
شكد تامر سيدنا
بكيفكم
طلعت خالني فلوس الي انطيتهن الها
وانطته
وطلعنا صدك اني من طلعت من بيته اعاين بالطريق احس نفسيتي ارناحت انوب قره علي ردت انام وانه كاعده
