#هدى
للكاتبة ام مصطفى
البارت الثالث
بلحظة اسودت الدنيا بعيني من سمعت سهيله تصرخ وتصيح
دهر فرج مات الولد
اذكرت شكله الولد من لحكني ومن فاخر ركض وضربة من وكع وراسه يصب دم
ومن فاخر عافة وشرد
لحد ماامي تصرخ
وعمي وسهيله احس اندار راسي صرخت
وكمت اطك براسي بالحايط مات مات
اسمع سهيله تكلي ها شعدج وياه تبجين عليه
وفريال تبجي وتكلها اطلعي مانحبج عوفي هدة شتردين منها
وردت لزمتني
هدة لا تبجين اسكتي انه احبج والله
سهيله تصيح
يمةةة ام الفنون انوب هي تصرخ
راح الزلمة راح من وراج
طبت امي
سمعتها تحجي وشافتني ارجف وابجي واضرب راسي
صاحت بيها امشي اطلعي موش وكتج هسه
-جا شوكت من يعدمون زلمتي من وره بتج كله منها ام الزلم
-امشي اطلعي امشي
طلعت
امي تدنت يمي وج يمةة هده كولي عدج شي وياه
هزيت راسي الها لا يمة لا وحك اخو زينب مااعرفة ولا شايفته
بس شافني بطريج المدرسة واجة يمشي وراي
كلشي ماعدي
كامت ادك ع رجلها وتحجي
-منين يربي اجتني هالمصيبة شلون بيه انهجم بيتي كون سامعة حجايت فاخر وبطلتج من المدرسة
ماجابتلي. بس الطلايب ساعة السودة عليها
طب عمي
صاح
-وينجن
_ها خويه ابو كويظم
-امشن اطلعن من البيت
-ياعع وين نولي
-شوفلجن بيت روحي لبيت اختج نعيمة لبيت سهيله
لان راح يدكون بيوتنا
-شني يابيوت
-شني ماتدرين بالعشاير يدكون بيوت العمام وجبير العشيرة
كومن بساع اطلعن
راح ادز كاظم ياخذجن يله بساع البسن
عايلي وانت حسابج بعدين
-عمي والله كلشي مامسويه
-بعدين هسه موش هسه نحجي امشن بساع
امي بسرعة طلعت فلوسها وكالت اخذن ذهبجن وامشن
لبسنا وكل وحده حطت ذهبها بعلاكة
جان عدنا ذهب امي تشتغل وتبيع وتشتري تضم النا دكول يفيدجن باجر الذهب
سدت امي الغرفة
انوب ردت تذكرت عدها فلوس جوه النظيده
كاظم جان واكف متانينه وعمي مشة جدامنا
صاح كاظم
-يله امشن ماظل وكت خاف يجون
وي طلعت امي من غرفة ابوي
وصار الفشك (الرمي) انكلب الجو احمر
وصياح وينهم اليوم نحرك البيت عليهم
صاح كاظم اطلعن امشن ع الشط واعبرن بالبلم
امي صاحت وانت امش
اي اي بس امشن امشن وكام يصيح
طب واحد صاح
اوكف
كال كاظم اركضن اركضن
ركظت سهيله كدامنا وفريال مجلبة بامي وامي نجر بيها
صار رمي درت وجهي واشوف كاظم
سابح بدمة
صرخت كاظم
يمةةة كاظم
زاد الرمي
وامي جرتني
كمنا نركض بين الزرع بخوف ورعب وفريال تصرخ يمةةة اخاف اخاف
كوه وصلنا الشط وصعدنا والرمي گایم
نسمع بالرمي نصرخ ونصرخ
وامي تمشي البلم ورحنا لذاك الصوب
ماعدنا احد بالصوب الثاني
ضلينا كاعدين ابستان
نسمع صوت الفشك والطك من بعيد
وشفنا نار شبت من بيتنا
كامت امي تصرخ ع كاظم و راح البيت
جان عدنا غنم ووهوش ودجاج
بالبيت
كتلنا الخوف
وسهيله تلوم بيه
كلة منج ام المصايب والفنون
-كافي خايبة احنه بيا حال انهجم بيتنا
ع ساعة الگصیره
يايابة يابوية
شلون بينة راح الولد كاظم مات وراح تصير كاتل ومكتول راح تصير ناس تكتل ناس وين نولي يربي شيخلصها
فريال :-يمةة خل نرد للبيت اخاف من الواوي ردينا يمةة
-وين اردج يمة ماشوفين انهجم البيت واحترك
-يمةةة انه خايفة يمةة رديني لو ودينا يم خالتي نعيمة
-وج اسكتي انه بحالج هسه بس خل يسكت الطك واخذج
جنت ارجف وابجي خايفة رعب رعب والله
