#هدى
للكاتبة ام مصطفى
البارت السادس
ضليت طول الليل احلم بيه وشوكت يجي الصبح واروح لبيت خالتي نعيمة
واشوف ميثم
يمااي شكد حلو مدري ليش من اذكرة ترد روحي وتلزمني رجفة بكلبي وابرد
نمت وانه اتخايل باجر شحجي وياه شكلة وشراح يكلي
اول مره احس بطعم الفرح بحياتي جنت كلش فرحانة بيه
غفيت واني اتبسم
كعدت ع صوت الديج يعوعي
من الصباح كمت لكيت امي مامش (ماكو) بفراشها
فركت عيوني اعاين ع فريال نايمة حبيتها (بستها) وكمت كلش احبها لفريال ع نياتها وفقيرة
طلعت من الغرفة اعاين (اشوف) امي
كاعده تحلب الهايشة (بقرة)
رحت يمها
ها يمة صباح الخير
هلة بنيتي صباح العافية عليج
تعاي شربي احليبة خل تقوي عظامج
مااريد هسه بعدني ماغاسله وجعي
خوش جا روحي غسلي وردي احلبلج من الجاموسة احسن
يمةة اليوم نروح للعرس
-اي جا شلون خالتج تزعل
ها شوكت نروح يعني الظهر لو كبل الغدة
لا ورة الغدة يمة عيب ما نكلف عليهم
-جا خوش اروح اخلص شغلي
تريكي بالاول
اي
اختج كعدت
لا بعدها نايمة
رحت غسلت وجهي
ورديت خليت الجاي ع الطباخ
وطلعت دهن حر وجبن امي مسويتهن خليتهن بالصينية
عدنا خبز بايت
تلكتني امي بيدها دبة الحليب
يمةة تعاي تريكي
اي بس اغسل ادي وارد كعدي اختج
طبيت للغرفة خليت الصينية بالكاع
فريال فريال خايبة كومي تريكي
-مااريد عوفيني انام
خيبه نروح للعرس وتلعبين وي سمير هناك
طفرت صكد
اي اي
جا خوش خل اكوم
دروحي اغسلي وجهج وتعاي
راحت وانه طرگت (سفطت) الفراش
اجت امي كعدت وراها فريال
كالت امي كفن ايدجن وخلصن شغلجن من وكت حتى نروح
اي يمةة ان شاء الله
هدة انت روحي احوي الجت للطليان مامكلات من البارحة
وانت فريال اخذي جدر التمن ذاك البايت للدجاج
اي يمة كامت
موش وهسه ولج كملي ريوكج
لا لا شبعت اروح اوكل الدجيجات حتى مروح نشوف حليوه شلون عروس
نكزت وراحت تركض
امي ضحكت الله يطيج ع نيتج
والله شايله همج من اموت وين تضلين يافريال يا يمةة
اسم الله عليج يمةة عمرج طويل
خلصنا شغل
بساع انه حوية وكلت الغنم
ورديت سبحت طلعت دشداشة عدي جابته عمتي من بيت الله هدية الي ابد مالابسته ابيض ومطرز
رحت اخذت مي من الشط وحطيته بالحمام
واخذت هدمي ورحت سبحت
ولبست ثوبي
لكيت امي تظفر لفريال
كالت يله يمة هم يله خلصي
اي يمو امشط شعري بس
مشطت حطيت كحلة وفركت اسنوني بديرم
والبس بذهبي طبت سهيلة شافتني البس
شني وين رايحة
للعرس مال حلة
شني موش البارحة رحتي كل يوم رايحة شني وانه طنطل عايافتني بالبيت
-تردين ترحين تعاي ياهو كاضج
-لا مااروح اخاف ع الفرخ الي ابطني
-جا خوش اكعدي شلنه غرض احنه انتي ماتردين ترحين
-لا ضلي انت لا ترحين
-لا شلون خالتي تزعل
عاينتلي ورافعة حواجبها وماعجبها وراحت
شمالها هاي حطيت بتوتي بيدي ولبست ربطتي وعباتي
طلعت امي واكفة متانيتني
واشوف فاخر طلع من غرفته وسهيله وراي
صاح وين ردي
-شني علي
-اي جا ع ابوي شعدج رايحة ردي يله وصل يمي
وشعدج محمره ومكحلة ماتستحين موش بت بيت انت
-لا موش حمرة ديرم فركت سنوني مصوفؤه جانت ولكط ع شفتي
اي خوش ردي
-لا ٨ويه خالتي تزعل حلفتني اجي
-ماكو ردي يله امي تروح وفريال
امشي اسرحي بالهوش الهن يومين محد سارح بيهن يله وانه رايح احوي البيتنجان وطرح مكوم
سمعته امي وردت
فخير عوف البت تروح عيب من خالتك
مالج غرض بيها يمة عوفيها ورحي يله كليلها فاخر مارضى وخل تزعل
خل تروح تسرح بالهوش
اعاين ع سهيله تضحك بحيله وتعايلي
انقهرت متت
فدوه فتخر ارد واسرح بيهن
لا هسه يله امشي ردي ذبي ذن هدومج والبسي غيرهن يله
