#هدى
للكاتبة ام مصطفى
البارت التاسع
سهيلة .. هذا اكيد حرامي طب على غرفتجن يبوي
-حراميش بالنهار يجي وبعدين احنا صار سنين هنا امان مامش يوم طب علينا حرامي شني شمعنا اليوم والحرامي جاي كبل ع غرفة امي ويندل بوفية امي وذهبها شو مامحرك شي بس بوفيتها
هذا حرامي بيت موش غريب
-شني قصدج
-قصدي واحد من البيت ماخذ ذهب امي وانه اليوم احلف
-صاح فاخر شني تحلفينا ولج حرامية احنه شني شو ماتستحين
-اكلك فخير انه موش عليك انه ع مرتك هي ماكو غيرها ماخذه ذهب امي
-اسس ولج انت صدك صلفة تبوكين مرتي وانه واجف
-اكلج هديوه خافنج انت خذتي ضميتي وتذبيها براسي تردين
-ليش اكو واحد يبوك روحة هو مالتي الذهب
-لا هذا موش مالتج مالت عمتي ورث كلنا بيه
-يعني انت تعرفينه هاا جا انت بايكته عدج طلعيه بساع بواكة
-انه بواكه خيله البايرة لو بيج خير جا تزوجتي محد يدك بابج من مصايبج
-سهيله طلعي الذهب لا اشهرج هسه والم الولدم عليج
-هدة شني تجاوزين ع مرتي وانه واكف طرطور انه شني
-مرتك ماتخاف منك خل اطلع ذهب امي لو افضحها بالطوايف ام السحوره النشاله
-ولج انجبي طاخ ✋✋👊👊✊🤛🤜🤜🤜
-اخخخ هدني فخير
-اسس اليوم محد يفكج مني انت كلش تكويتي
-الله لا يوفقك فخير لا انت ولا مرتك هدني
-بعدج تحجين 👊✋✋✋👊👊
-يمةةة الحكيلي اخخ
شبعني دك ومحد يفكني منه وسهيله تصيح حيل ربيها مامتربية
موتني خلاص كمت ازحف زحوف وجرني شمرني بالغرفة
كمت ازحف ع فراشي
يمةة ولج يمةة كومي فخير موتني خلاص يمةةة محد يفكني منه
يمةة سهيله باكت ذهبج بي ريحتج يمة ردت اضمه واحتفض بيه
اخخ يمة عليش عفتيني مو تدرين مالي احد
كمت ابجي من وجع كلبي اكثر من جسمي وج يمة كومي من كبرج تعاي
شبعت بجي وهضيمة مكرود يا المالك احد
الله عليج سهيله
نمت متوجعة محد دك علي وصبرني
الصبح كعدتني فريال
هدة كومي كومي انه جوعانه صار الشمس وانت نايمة
ردت اكوم ومااكدر اكوم جسمي كله يوجعني متكسره تكسر
كتلها مااكدر اكوم فريال كومي انت جيبي من الثلاجة كيمر وجيبي صمون وتعاي اكلي
هدةة مو اريد جاي انت مريضة
اي مريضة
شني اجتج ...
مو فريال من تجيها تمرض جانت فعبالها اجتني الشهرية
-اي اجتني فريال ومريضة مااكدر اكوم
-جا انه راح اسوي جاي انت نامي ارتاحي
دنكت علي وباستني
حبيبتي بس انت ضليتي الي والله لوما انت لهج يم محمد وماارد
كامت خطية فريال
انوب خفت عليها تحترك بالطباخ
كمت كوه واجر برجلي جسمي مكسر تكسر
طبيت عليها تشعل الطباخ
كتلها اوكفي انه اشعله
-انت مريضه هدة ارجعي نامي
-لا حبيبتي اخاف عليج
خطيت الجاي وكفت عليه
وهي يمي تنكز اووف عقلها مال جهال يربي مره شكبره تكمز شلون يربي
حطيت الريوك بصينية
وكعدنا نتريك
هي طلعت للكاع تلعب وتركض
وانه رديت تلفلفت ونمت
للضهر
طبت فريال فحطانه من الركض
كالت اجت اخت سهيله واخوها طبوا يمها
انوب راحوا
اي اطتهم الذهب وراحوا عساها ماتهنت
وفخير سئلني عليج كال ليش ماطلعت للكاع تشتغل شاورته كتله اجتها ال..
-يا دهر فرج مو عيب هيج تحجين
-لا شاورته محد سمع بس هو انوب سكت وراح موكلت خاف يصيح عليج
-اخخخ عاين ع حالنا يربي اريد حوبتنا بيج ياسهيله
