عشقت مجنونة (الجزء الأخير )

الحلقة الثانية⁦♥️⁩

الحلقة الثانية ...⁦♥️⁩

لا تستعجل علي زواج او رزق فإن الله يخبئك لمن يشبهك ⁦♥️⁩

قام الشخص من مكانه بخبث واتجه اليها ... اقترب منها ليكتشف أنها فتاه عادية للغاية ولكنها لا تضع الكثير من مساحيق التجميل كما الفتيات هناك ...

الشخص بخبث ....: احم ... هو القمر تايه ولا ايه ...!!
يارا بغضب ....: مين حضرتك ...!!
الشخص بخبث ...: انا وائل ... وانتي ...!!
يارا بغضب ...: هو انا بسألك عن اسمك يا بني ادم يا سمج انت ...!! استغفر الله العظيم يا رب ...
الشخص بغضب ...: ليه كدا يا موزة دا احنا لسه بنتعرف ...

_ تتعرف علي مين يا رووووح اممممك ...

نظر الإثنان لهذا الصوت لتشهق يارا بشدة ....

يارا بصدمة ...: معتز ...!!!

معتز وهو يوجه نظره بغضب لمن يعاكس اخت خطيبته ....: تتعرف علي مين يا روح امك ما تنطق ...!!

نظر الشخص بخوف الي معتز فهو يعلم جيداً من هو ابن الدمنهوري ويعلم أنه قد يمحي مستقبله كله ...

الشخص بخوف ...: انا اسف يا معتز باشا ...
معتز بغضب ...: امشي من قدامي ولو اتكررت تاني انت عارف كويس انا اقدر اعمل ايه ...

أومأ الشخص بخوف واتجه بعيداً عنهم ...

وجه معتز في تلك اللحظه نظره الي يارا لينظر بصدمة وانبهار شديد إليها والي بساطتها تلك والتي لا يجدها في حياته أبداً ... ملابسها بسيطه كل شيئ بها بسيط حتي جمالها هادئ وبسيط وهي راضيه به ليس كالفتيات الذين يعرفهم أو يراهم من يضعون الكثير والكثير من مستحضرات التجميل والمكياج ...

يارا بخجل من نظراته المصوبه نحوها فقط ...: احم ... شكرا يا استاذ معتز ...

معتز بإنتباه الي خجلها الجميل هذا والذي جعلها جميله قليلاً ...: لا العفو يا يارا ... احم ... انتي جاية الجامعه ليه ... مش المفروض انك في ثانوي مش جامعه ...!!

يارا بجدية ...: اختي في الشغل وقالتلي اجي اخدلها المحاضرات ... عن ازنك ...

معتز بسرعة ...: آنسة يارا ... انا عاوز أسألك سؤال لو سمحتي ...
يارا بإنتباه ...: افندم ...!!

معتز بخبث ...: لا مش دلوقتي .... خلصي محاضرات اختك وانا هستناكي بعد المحاضرة قدام الكليه ... صمت ليتابع بخبث ... انا عارف ان اختك نقلت لكلية علاج طبيعي وانا هستناكي قدام الكليه بعد ما تخلصي محاضراتها ...

يارا بغضب ...: معلش وتستناني ليه انا اسفه لكن ...
معتز بمقاطعة وخبث ...: علي مهلك يا جميل بس ... انا عاوزك في موضوع يخص اختك مش اكتر بما انها خطيبتي يعني انتي مش هتخرجي مع حد غريب دا انتي يعتبر خارجه مع جوز اختك ...

يارا بتفكير واقتناع ساذج ...: تمام ... عن ازنك عشان الحق المحاضرات ...

قالت جملتها وانطلقت الي كليه اختها لينظر معتز في أثرها بخبث شديد تعود عليه ....