Chaotic Love (Completed)

Chapter 18

"Good afternoon po."sabi ko na lang at napangiti sa kanya. Magtatakip silim na kaya hindi ko alam kung ano ba talaga ang dapat na bati ko dito. Ngumiti naman siya sa akin.

Walang sabi sabi na hinila ako ni Bluster ara pumasok sa loob. Napatingin naman ako kay Isha na nakahawak sa laylayan ng damit ko.

"Are you Kuya Blake's girlfriend?"tanong niya at pinanliitan ako ng mata. Agad naman akong umiling doon. Napangiti naman ako ng lumipat siya sa tabi ni Bluster at hinila hila ang laylayan ng damit nito. Mas lalo pang lumawak ang ngiti ko ng makita kong buhatin ni Bluster ito.

"Isha, huwag mong pagurin ang Kuya mo, pagod 'yan sa byahe."sambit ng Mama niya ngunit nakita ko ang pagngiti nito.

"It's okay, Mom."sabi ni Bluster na medyo nag-aalinlangan pa sa pagtawag sa ina. Alam ko kung gaano niya kagustong tawagin ito.

Pagkapasok namin sa loob ng bahay nila, madilim sa loob, mukhang hindi pa rin binubuksan ang ilaw. Napatawa naman ako ng mahina nang makita ko ang isang mas bata lang sa amin ng tatlong taon na batang babae, siguro'y kinse anyos, nanonood ito ng movie ni Bluster. Tinignan ko naman si Bluster na medyo nagulat doon.

Sinindi ng mama ni Blake ang ilaw dahil mukhang hindi pa rin kami napapansin ng batang babae dahil busy pa rin sa panonood. Siguro ito 'yong Remi na sinasabi ng ina.

"Ma! Mamaya na lang po isindi 'yang ilaw!"sabi nito at napalingon pa sa pwesto kung nasaan ang kanyang ina. Agad na nanlaki ang mga mata nito nang makita kung sino ang katabi ng Mama niya. Napatayo pa siya sa prenteng prente na pagkakahiga niya kanina.

"Kuya Blake?!"malakas nitong sigaw at gulat na gulat na tinignan si Bluster. Maya-maya lang ay tumakbo na agad ito para lang yakapin si Bluster.

"Mama?! Si Kuya Blake po ba talaga ito?"tanong pa ulit nito. Hindi naman gumagalaw si Bluster sa kinatatayuan tila naestatwa nanaman. Napatawa na lang ako ng mahina.

"Kuya! Anong ginagawa mo dito? Kilala mo na ba si Mama?"sunod sunod ang tanong nito.

"Remi, lumayo ka muna sa Kuya mo, mukhang hindi na siya kumportable sayo."pinagsabihan siya ng kanyang ina kaya napalayo siya kay Bluster at napanguso. Mas lalo akong napangiti nang makita kong ginulo ni Bluster amg buhok ng kapatid at simple itong nginitian.

"Y-you smiled!"malakas na sambit nito at hindi makapaniwalang tinignan ang Kuya niya.

"Mabuti pa at dito na kayong matulog dalawa, delikado naman kung magmamaneho ka pa pauwi, Blake."sabi ng Mama ni Bluster. Mukhang natauhan naman ito ng hindi magsalita ang anak. Napatingin naman ako kay Bluster na mukhang hindi sanay sa pag-aaruga ng ina.

"Pasensiya ka na, nag-aalala lang ako pero kung hindi ka naman kumportableng dito matulog, sana ay mag hotel na lang kayo dito sa malapit,"sabi nito at nilingon kaming dalawa. Nilingon ko naman si Bluster na nginisian ako. Napairap ako ng dahil doon.

"Po?! Hindi na po! Dito na lang po kami matutulog!"agad kong saad kahit na hindi pa alam ang desisyon ng kasama ko. Aba't ako naman ang magugulpi ng nanay ko kung sakali. Napatawa naman sa akin ang Mama niya.

"Kumain muna kayo, paniguradong nakakagutom ang byahe."sabi pa nito at nauna na sa kusina. Napangiti na lang ako dahil mukhang kahit na ngayon pa lang ulit sila nagkasama ay talaga namang gustong gustong bumawi sa mga taong nasayang. Alam ko rin na bago pa lang pumunta si Bluster dito ay napatawad niya na ang ina, hindi rin naman siguro niya ito hahanapin kung panay galit lang ang nararamdaman niya.

Napangiti lang ako habang pinagmamasdan siyang nakasunod sa ina.

"Hey, huwag mong sabihin sa aking girlfriend ka ni Kuya Blake?"tanong sa akin ni Remi at pinagmasdan ako mula ulo hanggang paa. Napabuntong hininga ako ng maalala nanaman na nakapambahay ako.

"Hmm, no, hindi ko bet ang Kuya mo."sabi ko sa kanya.

"Huh? Bakit?!"malakas na tanong nito. Aba't mukhang mapapalaban ako dito sa kapatid niyang mukhang maldita ha?

"Gwapo naman ang Kuya ko, talented pa, tapos magaling pang umarte!"pamumuri niya sa kapatid. Napatawa na lang ako ng mahina.

"Maattitude nga lang.."bulong ko sa sarili kaya lang ay narinig niya ata 'yon dahil agad niya akong sinamaan ng tingin.

"Bakit mo kasama si Kuya Blake?"tanong niya sa akin. Napakamot na lang ako sa ulo ko, hindi naman kami magkaibigan nitong si Bluster.

"Girlfriend ko 'yan, Remi."seryosong saad ni Bluster kaya nanlaki ang mga mata ko. Ganoon din ang katabi kong si Remi. Nginisian naman ako ni Bluster na dapat ay hahampasin ko kaya lang ay biglang dumating ulit ang Mama niya kaya pasimple ko na lang siyang inirapan.

"Huh? Hindi ahh! Huwag kang maniwala sa Kuya mo."sambit ko na lang kay Remi ngunit mukhang buo na ang ideya nito.