*البارت والرابع والعشرون*
(أعشق هذا الرجل الذي أنهى بوجوده كل الرجال )
ملاذ: أبي عزام الحين .. الحين أبيه
حاتم وهو خايف على اخته : طيب انتي هدي الحين وبكرة الصبح بخبره يجي لحد عندك
ملاذ : لا لا الحين أبيه .. مستحيل أنام
حاتم يدخل يدينه بين شعره : لا حول ولا قوة إلا بالله .. انت حلمتي حلمن شين عنه ؟!
ملاذ بخوف وهي تبكي : بسم الله عليه .. بعدين بخبرك بس اتصل به الحين
حاتم : طيب بس أنا ما عندي رقمه
ملاذ : هاك جوالي اتصل به أنا ماني قادرة أكلمه بالجوال
راح حاتم واتصل بعزام .. عزام كالعاده النوم مفارقه .. سمع صوت الجوال يرن .. أخذ الجوال بدون نفس .. بس الصدمه لما شاف مكتوب على اسم التصل
..(ملاذي) ..
عزام ع طول رد: حسيتي فيني عرفتي اني أحبك بصـ...
حاتم قاطعة : عزام أنا حاتم وأسف متصل بك في هذا الوقت بس ملاذ قامت من النوم تبكي وتقول أبي عزام الحين
تعال شوفها شكلها محتاجه لك
عزام بخوف عليها : الحين جاينكم مسافة الطريق .. وين تسكنون
حاتم قال لعزام المكان ورقم الشقة .. سكر الخط وراح يبدل ملابسه وبعدها راح لها
عزام وصل الشقة .. يدق الجرس دقات متتالية مثل دقات قلبه الي تبض بسرعة ..
حاتم فتح الباب : السلام عليكم
عزام : وين ملاذ وين
حاتم : تعال معي
دخله غرفة ملاذ إلي شافها تبكي وهي تحضن ولدها
عزام : ملاذ
ملاذ بصوت مبحوح وهي تحط الولد ع السرير : عزاام
راحت تركض له و حضنته ..
حضنته بكل قوتها ..
عزام خانته دمعه ونزلت ..
ملاذ تبكي بصوت مسموع ..
حاتم شاف هالموقف وما حب يحرجهم طلع من عندهم وراح لزوجته ..
شافها نايمه ولا داريه بإلي صار باسها من راسها ونام جنبها.............
عند ملاذ وعزام......
ملاذ وهي نايمه ف حضن
ملاذ : عزام سامحني
عزام بإبتسامه : هو أنا زاعلتك عشان أسامحك !
ملاذ شافت عليه وبادلته بإبتسامه ذوبت قلبه
عزام بفرح : خلاص يعني بتسكني معي وترجعيلي ؟؟
ملاذ هزت راسها بالإيجاب ورجعت تحضنه .....
عزام : يلا عيل بكره الصبح لمي عفشك وعفش ولدك بتسكنين معي فالفندق.......
أثمَن الأشيّاء التي أملكهَا انت وهذا يُغنيني في الحيَاة عنْ الحياة
عزام وملاذ وصلوا الفندق
ملاذ: عزام
عزام : عيون عزام
ملاذ: تسلم عيونك .. سكتت شوي بعدها قالت : اشتقت لأهلي اشتقت لهم كثير
عزام ما عرف ويش يرد عليها حضنها وباسها من راسها . .
أما ملاذ نزلت دمعه من عيونها تعبر عن الشوق لأهلها........
_____________
في نفس الوقت ومن مكان آخر فيه من هو يفكر بملاذ وهزه الشوق لها
<ابد مارحتي عن بالي فاقدك وانا ابوك ي ملاذي
فاقد حلو الحياه من بعدك والي خلقني وانا ابوك انا ولا شي بعد مارحتي كساني الهم والشيب عيالي وهم عيالي بوضعك ماحترمو شيباتي>
.. مو قادر يذكر وين خلاها ..
ولا يتذكر من الرجال الي بنته بين يدينه ..
خايف إذا هالرجال حافظ عليها أو لا ..
نزلت دمعه حاره من عينه ودعا ربه يحفظها ....
___________
دلال تشوف الصور لما كانت مع كايد
دلال: يالله متى ترجع هالأيام ؟!
والله اشتقت له ليش عزام مو راضي يفهم انه يحبني وأنا أحبه ورح نعيش حياة بدون مشاكل
شافت صورة لهم كانت مره حلوه ومعبره وما قدرت تتحمل أكثر
قالت: والله لما يرجع عزام أنا الي راح أكلمه ورح أوقف بوجهه ..
أخوي وعزيز علي لكن كايد زوجي وكل حياتي.....
____________
ملاذ: طيب خلني بس أشوف أبوي لما نرجع السعوديه أو على الأقل أكلمه الان
عزام: أبوك ما يبك
ملاذ حست هالكلمتين مثل السكين تجرح قلبها ..
صرخت بوجه عزام وهي تضرب صدره وتبكي : لا لا أبوي يعرف اني بريئة .. انت ما عندك أهل تشتاق لهم .. حتى أنا أشتاق لأهلي
عزام حس إنه تسرع بهالكلمتين .. حضنها وقال : رح أخليك تشوفين أهلك
ملاذ : انت مصدق اني بريئة صح
عزام هز راسه بالايجاب
ملاذ : طيب لما نرجع السعودية قول لأهلي الحقيقة
عزام : يصير خير حبيبتي انتي الحين هدي نفسك
-----
انتهى
