*🎻🖤 كــــنــــت لـــك عـــــدو وصـــرتـــي لــي مــــــلاذ 🖤🎻*
~الـبــارت الــواحـد والعـشـرون..~
عزام بهدوء : تكلم ..
جلس كايد ع الكنب بمساعده شاهين وغمض عيونة بألم ,
يحاول يمنع الصداع من تخريب كلامه .
عزام : صرت أصم ؟
شاهين : خلاص هد يمكن صدع بعد ضربتك !
كايد بصوت هادي ورزين : كل اللي سويتة محاوله انتقام ,
خطفتها من باب مدرستها بعد ما اتفقت مع الحارس..
ركز نظرات عينه ع يد عزام اللي يقبض عليها وهو يحاول يمسك اعصابه
كايد : تزوجتها من أخوكم عُمر
شاهين بنظرات حيره دارت بين كايد وعزام ..
كايد : بعد ماتزوجتها حاولت اذلها بس كانت أقوى من انها تنذلّ بتصرفاتها
ابتسم كايد بعفويه بعدها : ضربتها وسببت لها عمى بحادث .
التفت عزام بنظرة حاده لكايد : أختـي انعمت !
كايد وهو محافظ على ابتسامته : كـانت
شاهين وهو يحاول مايفتح موضوع للنقاش الا لما يخلص كايد كل كلامه : كمل كلامك ..
كايد : سافرت انا وياها شهر للخارج عشان عمليتها ..
________
دلال ببكاء : ملاذ اخاف يطلقني ..
ملاذ بابتسامة : مو قلتي يحبك ,
كيـف بيتخلى عنك؟
دلال تمسح دموعها : ماتعرفين عزام ..
لو بحلف اللحين ان كايد انضرب متأكده انه بيصير شىء ..
ملاذ تمسح ع يدينها بحنيه : تطمني ..
مافيه مشكله الا ولها حلّ
____
خلص كايد كلامه بعد ما فسر لعزام انه ندمان أشد الندم على تصرفاته .
عزام بتنهيده كبيره : انا ماني ناقص ذنُوب ولا مشاكل
ابي ارتاح واريح كل اللي أعرفهم ..
أنا مسامحك , لا بيننا محاكم ولا شرطـه , لا راح انتقم وراح اكون صريح معك ..
كايد : يعني ..
عزام يقاطعه : بشرط تطلقها ,
رجعت نبضات قلبه تخفق بتوتر مره ثانيه
كل شىء الا الطلاقّ ياخوها لاتجيب طاريـه
كايد يحاول يكون هادي : بس أنـ
عزام ببرود حاد : ماحب اكرر كلامي ..
حاول كايد يتجمع ثقته وينطق كلامته بوضوح : قلت لك ياولد الاجواد أنا نادم
ولا اعتبر نفسي رجال على فعلتي و ..
عزام ببرود : تشوف المزهريه اللي على الطاوله قدامك ..
التفت كايد للمزهريه باستغراب شديد من كلام عزام .
كايد : شفيها ؟
عزام ببرود : أكسرها ..
كايد بصدمه : هـاه ؟
عزام بحده اكثر : قلت لك اكسرها ..
التفت كايد لشاهين بتساؤل من كلام عزام الغريب ؟
شاهين هز راسه برضى .
حرك كايد ذراعه وطاحت المزهريه على الارض وتحولتّ لأشلاء صغيره..
التفت لعزام يدور جواب لأوامره الغريبه ..
عزام بهدوء : رجعها زي ما كانت يالله
كايد بصدمه : هـاه !
عزام وهو حاط يده على دقنه بمنظر هاديء : قلت لك رجعها ؟
عض كايد شفته بتوتر واضح ..
عزام برفعه حاجب : ماتقدر ؟
كان الجوابّ واضح قدام عيون شاهين وكان قصد عزام واضح الا ان كايد مافهمه
او بالاحرى مايبي يفهمه ..
وقف عزام بثقه وهدوء طاغي : اذا قدرت ترجعها زي ما كانت
بارجعك لدلال ..
الاشياء بعد ماتنكسر يا كايد , ماترجع زي ما كانت.
مثل ثقتي .. او نظرتي لك من اول لقاء بيننا
صدقني لو انك انسان عاقل و واعي , كان قدرت ارميك بالسجن على اللي سويته باختي ..
بس اللي اشوفه ..
ناظر بكايد من أطراف قدمه الى اخمص رأسه .
عزام بأبتسامة : ما اظنك بلغت 23 بعد ..
طلع من المجلس وكايد على الان على وضعه
منصدم من ردة فعل عزام , بالأساس ماكنت اتوقع ردة فعل أحسن من كذا ..
لكن كلامه
خلاني أفقد الاملّ في رجوعي انا ودلال ..
فاق من سرحانه على يد شاهين اللي تربت عليه بمواساه .
شاهين بابتسامة عطف : هو مب حاقد عليك اللحين
لكن مايقدر يسلمك أخته .
توكل على الله ياكايد وانت صغير وبنات الناس واجد ..
كايد بنظره خائبه : انا ابيها ما ابي بنات الناس ..
لما نفكر مع حالنا كثير .
نستوعب أن مو كل حاجة تصير مثل مانبي
مثل حياتي .
ما قدرت أخلي أمي وابوي معي .
ما قدرت اكرس حياتي لميهاف..
ولا قدرت .. أحصل على اللي أحبهاّ
كان هذا الكلام اللي يقولة كايد لنفسه وهو مستلقي على السرير ويتأمل سقف غرفتهّ
وكانه يهرب من واقع عجز يستوعبه ..
برجع نفس روتين حياتي ؟
دوام سفر ميهاف .. دوام سفر ميهاف ..
أنا مخلوق على هـ الاشياء الثلاثه ؟
ويوم دخلت دلال لحياتي وخلت لها طعم
أختـفت ..
لازم استوعب هالحقيقة , أنا مستحيل يبقى لي اللي أحبه وأبيه.
لأني وبكل بساطة .. أنسان غبي
شد على شعره وهو يرجعة على ورا ويتنفس بضيق ..
لو أقدر ارجع للحظة اللي خطفتها من مدرستها ..
ما كان صار اللي صار وتعلقت فيها
إذا نادى الهوى والعقل يوماً فصوت العقل أولى إن يُجابا.
______
فتح باب الغرفه والتفت له دلال
بلعت ريقها بصعوبه ..
كل الكلام أختفى يوم شافت أخوها.
قرب منها وهو الى الان بنظراته الجامده
توقعت ملاذ درة فعل عنيفه لكن..
.
.
.
.
سحبها لحضنه وضمها !
بنتهَ مو أخته وبس.
لأول مره يسمح لضميره يتحكم فيه
ماغلطت هي انا اللي غلطت يوم غبت عنهم وانشغلت بحياتي
شدها اكثر وهو يحضنها بين أكتافه الكبيره..
حس بدموعها على قميصهّ .
عزام بهمس : لاتخافين .. أنا معك اللحين
أنا اسف
والله أسف ..
كان فيه شخص صامت يراقب هالمنظر وهو يحاول يصدق
عزام تغير بكل مافيه ..
أنا اللي غيرته ؟
اطلقت ضحكة ساخره بداخلهاّ وهي ماتبي تحط براسها أمل يحطم خططها مع ياسر.
لكن قلبها كان يرفرف بشوية فرح لأنها تشوف الجلمود اللي عذبها ببداية معرفتها بهّ
صار شخص دافي ملا لها حياتها داوى على جروحها..
أو بالاحرى , حاول يداوي.
مليانين حكي ؟ لو باح لساننا فيه غرقت عيوننا بكي.
______
الايام سريعه !
تركض ورا بعضها ..
يوم ورا يوم , مُجرد تاريخ ورقم يتغير .
ومشاعر ترفرف بقلُوب ابطالنا عزام وملاذ ..
حزن طغى على كايد اللي حاول يرجع لدلال أكثر من مرة
ولكن عزام مُحتم بالرفض تلقائي ..
وحزن كايد , ماهو اقل من حزن دلال ..
اللي أقسمت قدام أخوها ماتتزوج غير كايدهاّ.
نسى عزام حلوفها ووعُودها ولهى بحياتة الجديده مع ملاذ
اللي توقع أنها نهايه سعيدة لكل اللي عانُوه مع بعض
ولكن هاذي كانت بداية معاناة جديده ماتوقعها..
والأهم من كل هذا .. الايام سريعه لدرجة
حان يُوم موعد زواج أروى وشاهيـن () .
الساعه 1:55 الظهر .
جالسه قدام الطاولة وتاكل من كل شىء قدامها .
ريم بعيون مفتوحه على الاخر : شوي شوي رايحه افريقيا أنتي ولا بتتزوجين ؟
اروى وفي فمها أكل : أص بس اص ماتعرفين الاتكيت والادب أنتي كيف تبيني اكل قدامه باول أسبوع؟
دلال بهمس لملاذ : مستحيه تاكل منه وهي قبل ماغير تلاسنهّ العوبا ياطول لسانها ..
اروى بفم مليان أكل : وشش تقولون ؟
ملاذ بضحكة : كملي كملي أكلك ..
ريم : بنات من توصل الكوفيرا ؟
دلال تناظر بالساعه : خلاص على ثنتين وهي بالقصر أن شاء الله .
كانو يضحكون ويسولفون مع أروى ..
بينماّ ملاذ تناظر فيهم بأبتسامة مُشتته ..
كأنها أخر مرة تشوفهم ..
أخر مره تضحك وتسولف معهم ..
كانت نظراتها لهُم بالاحرى والمعنى الصحيح , وداع .
ولأن الكل كان لاهي .. مالاحظو تصرفاتها الغريبه
________
كان ماسكّ دقنة المجروح بعصبيه وهو يمسك نفسه لايقوم يدفن عزام اللي يكتم ضحكته قدامه ..
شاهين بعصبيه : الله ياخذك وش ذا ؟
: أنا أسف سيـ ...
شاهين بعصبيه : ياحححيوان اليوم زواجي !!
عزام بضحكة : خلاص ياخي لاتكبرها بس جرح بسيط أصلاً مب بين
شاهين بنظرات حقد : هذا حلاقك التركي اللي مزعجني فيه ؟
عزام : حظك زي وجهك عاد لا تسب اللي أجيبهم
مسح الرغوه من وجهه بعصبيه ورما المنشفه على وجه عزام اللي أطلق ضحكته بصوت عالي
شاهين : والله لو انك مب اخوها اني ما اخليك تطب القصر
عزام : اقول اعقب ترا يمديني أهون ..
شاهين : ماراح اعطيك وجه بكبر عقلي عنك اليوم شوي
ضربه عزام مع رقبته بضحكه : والله وصرت معرس يالسبيكة
___________
الساعه 7:58 المغرب .
صوت الزغرطة اللي تسمعه وترها وزاد نبضات قلبها أكثر..
اروى تشد على مسكة الورد اللي بيدها : مـلاذ خايفه ..
ملاذ وهي تبتسم وتحط يدها على كف أروى : لاتخافين ياقلبي
بالعكس المفروض تستانسين , وأخيراً صار حبيبك من نصيبك..
نزلت راسها بحيا الين سمعت صوت ضحكة ريم القويه
ريم وهي تبخر : أروى اروى تستحين ؟
التفت اروى بعصبيه تدور شىء جنبها وناظرت كاسات العصير اللي قدامها : والله متحسفه عليها فيك ماتستاهل اكسرها عشانك
ريم تمد لسانها : لا كسريها عشان لا جاء حبيب القلب اعلمه عن دفاشتك ..
ملاذ بضحكة : ريم خلاص ! يالله روحي تميلحي عن الحريم يمكن تنخطبين خل عني الغثه ..
التفت ملاذ لأروى وهي تتأملها من جديد ..
أروى : فيه شىء غلط بشكلي ؟
ملاذ بأبتسامة : لا ..
أروى : مكياجي ثقيل صح ؟
ملاذ بابتسامة : لا ..
اروى : شفيك كذا تناظريني ؟
قربت ملاذ وضمت أروى بقوة ..
اروى : ملاذي ترا بتزوج مب مهاجره والله
ضحكت ملاذ وبعدت عنها وكانت عيونها تلمعّ وكانها بتبكي ..
اروى بتكشيره : يالله عاد لاتخليني اخرب مكياجي وأصيح
ملاذ وهي تقوم : لا لا تكفين ماصدقنا لقينا احد يتزوجك تبين شاهين ينحاش بعد ؟
اروى بضحكة وهي تتصنع العصبيه : أنقلعي بس زين انتي اللي اخوي مقتنع فيك ..
ابتسمت وهي تخفي الالم اللي جوا قلبها من طاريه..
ملاذ : يالله انا بروح اشوف المعازيم ..
اروى بابتسامة : يالله روحي
مشت بأتجاه الباب وقبل لاتطلع التفت لاروى بنظرات غريبه ..
اروى : وجع شكلي خرب ؟
ملاذ بابتسامة صادقه : تدرين أني أحبك صح ؟
أروى تبتسم أكثر : غضب عنك يالشينه هذا اللي عندك بس ؟
ضحكت وطلعت برا الغرفه بسرعه ..
حست قلبها بينخلع ..
أنا متأكده من اللي راح اسويه
ماراح افكر اتراجع ابداً
كانت بتطلع من القسم اللي فيه كوشة أروى وقابلت دلال قدامها..
دلال تمسح فستانها : الله ياخذها والله لاوريها ..
ملاذ : شفيك ؟
دلال وكأنها بتبكي : بنت الكلب القهوجيه كبت علي عصير ..
والله لاوريها الوصصخخخه !!
ضحكت ملاذ وقرب منها تمسح معها الفستان ..
ملاذ : هاه لاتخافين مب بين ابداً ..
دلال : صدق امانه بين ولا تسلكين لي ؟
ملاذ تضربها على كتفها : قلت لك مب بين يالخبله ..
دلال تبتسم : يالله أجل بروح اتفاهم مع الوصخه ذيك وبعدين أرجع لك ..
جت بتطلع مع الباب بس تفاجأت بملاذ اللي ضمتها من الخلف..
دلال بصدمه : ملاذ ؟
ملاذ بصوت هادي : كنتي اقرب لي من أختي..
دلال بخوف : ملاذ قلبي فيك شىء ؟
ملاذ تبتسم وتحاول تخفي دموعها : لا بس مشاعر جياشه ماطلعت الا بعرس هالخبله
دلال ضحكت : أشوا , يالله ياصاحبة المشاعر الجياشه أنا بطلع للصاله ..
طلعت وتركت ملاذ اللي تلاشت ابتسامتها المزيفه أول ماراحت دلال..
باقي خالتي ..
قلبي مايطاوعني أودعها ..
وباقي هُو
.
.
.
أستجمعت قواها وارسلت له رساله : قابلني عند باب النساء ممكن ؟
طلعت وهي تستنشق الهواء وكأنها كانت مكتومة طول هاليومّ
لمحت طرف ثوبه وهو يدخل ويأتي لها من بعيد ..
زادت نبضات قلبها
حست بتوتر أخر ..
في شىء بضلوعها راح ينخلع
