The Paramount Code (The Odd Ones, Book 1)

002. Youngblood

Alam ni Jacob na dapat siyang matuwa pagkatapos matanggap ang admission letter mula sa Faircastle High School, pero hindi niya mapigilang mawalan nang gana nang makita ang laman ng sulat. Ayaw niya naman kasi talagang tumuloy doon, at mas gusto niya pang bumalik na lang sa probinsiya at ipagpatuloy ang pag-aaral sa dati niyang pinapasukan. Iyon nga lang, wala siyang choice dahil gusto ng nanay niya na sa Faircastle na siya mag-aral.

Still, he felt relieved that he passed the entrance examination. Ayaw niya rin kasing ma-disappoint ang nanay niya na alam niyang pursigido na ibigay sa kanya ang lahat.

Pinisil ng ina ang mga pisngi niya. "Sabi ko na eh, sigurado talaga akong papasa ka! Proud na proud ako sa'yo, anak!"

Kahit sino naman kasing magulang ay talagang matutuwa kapag pumasa ang anak nila sa Faircastle High School. Kilala kasi ito sa napakahirap nitong entrance examination para sa mga incoming students. Everybody knows that Faircastle only takes the best and produces the best youngsters that will definitely excel in their respective careers.

Maliban doon, kakaiba rin ang pagkakahati ng mga estudyante. Kung ang iba ay hinihiwalay base sa mga strands na pinili nila o sa grades na meron sila, ang mga estudyante sa Faircastle High School ay nakagrupo base sa mga 'intelligences' na qualified sila. Ang entrance examination results ang susi para malaman kung saang intelligence division didiretso ang isang enrollee.

Habang binabasa ni Jacob ang sulat, napansin niya ang isang hindi pamilyar na term. "Interpersonal Intelligence Division... Ano 'yun?"

Tinawanan na lamang siya ng ina. "Hindi na 'yan importante, anak... Ang mahalaga, nakapasa ka." Bakas sa tinig nito ang pagka-proud sa achievement niya. "At dahil maganda ang mood ko, ano ang gusto mong kainin for dinner?"

Isang ngiti ang sumilay sa mukha ni Jacob. "Chicken at pizza!"

His mother smiled and poked his cheek. "Chicken and pizza it is... Sandali at magpapa-deliver na lang ako..."

Dumiretso ang ina sa kwarto nito para kunin ang phone niya upang maka-order na sila ng kakainin. Habang abala ang nanay niya sa pakikipag-usap sa tawag, umakyat si Jacob sa kwarto niya dala ang admission letter na natanggap niya. Pagpasok niya sa kwarto ay agad siyang naupo sa kama at binasa ang mga nakalagay sa sulat.

Habang iniisa-isa niya ang iba pang mga nakalagay sa loob ng envelope, doon niya napansin ang isa pang kulay asul na papel na nakasiksik sa loob.

It was a thicker piece of paper, and the letters are all written in gold and with a more refined font. Nakalagay rin sa itaas ng sulat ang official seal ng Faircastle High School, katulad ng iba pang official communication na nanggagaling doon.

"Placement Examination?" bulong ni Jacob sa sarili, "Hindi ba natatapos ang exam sa school na 'yun?"

Not much was written on the letter, but it did mention the schedule of the 'placement examination', his room and seat number, and some reminders. It was just a typical letter; nothing mysterious about it.

Pero dahil napukaw nito ang interes niya, agad siyang dumiretso sa harap ng laptop niya at sinearch ang tungkol sa placement examination na iyon. Dinala siya ng paghahanap niya sa official website ng Faircastle High School, sa mismong webpage na may nakasulat na The Paramount Class sa header.

Habang binabasa niya ang mga nakasulat na contents ng webpage, napagtanto ni Jacob na ang placement exam na iyon ang paraan para matukoy ang mga magiging miyembro ng Paramount. Para lang sa mga Grade 12 students ang exam, kaya qualified siyang mag-take.

Ang siste, tanging ang mga estudyante sa kada intelligence division na magkakaroon ng pinakamataas na puntos ang magiging qualified na maging miyembro ng Paramount. Sila rin ang magiging representative ng intelligence division nila sa pinakaimportanteng grupo ng mga estudyante sa Faircastle High School.