احبهُ لست ادري ما احب به ، حتى خطاياه ماعادت خطاياه....
تقرب مني خالد وهو يبعدني عن مكان الزجاج
واني متصنمة ماابديت اي حركة_ابتعدي لتنجرحين
سكوت
رفع صوته _رحمة تسمعيني
باوعتله _يي اسمعك
_ابتعدي عن الزجاج حتنجرحين
نزل يلم الزجاج واني بقيت صافنة
وراها نزلت الم ويا بدون وعي
مصاحني من شرودي غير الألم الي حسيت بي من دخل الزجاج بأيدي بس كان الألم ميتقارن بالألم الي حسيت بي بقلبي وروحيلزم ايدي_هاي شسويتي جرحتني نفسج
كومي خل اطلعهة واضمدهاسحبني ويا وكعدت على الميز طلع علبة الاسعافات وضمد ايدي
باوعلي بأستغراب_شبيج رحمة دتتأذين ايدج ليش ترجف
ركزت نظري علي واني الخوف علية بعيونه حسيت اذا بقيت اكثر رح انهار كدامه_لا
خالد اني لازم اروحطلعت للصالة اخذت جنطتي
_من توصلين طمأنيني عليج
مجاوبته وطلعت اول ماركبت سيارتي نزلت دموعي معقولة يطلع الي دا افكر بي صح لا ياربي لا هيج اختبار كلش صعب علية
حركت السيارة واني بالقوة اسوق ايدي ترجف مدا اكدر اسيطر والدموع الي دتنزل بلا توقف مغوشة عن النظر بقيت الطريق كله ادعي انو الي دا افكر بي غلط وصوت الهورنات الي يدكوها الناس الي سطرني لان مدا اسوق بأتزان ماعرف شلون وصلت للبيت بدون حادثاول مادخلت صعدت ركض لغرفتي
ايدي على راسي وافتر بالغرفة جسمي كله يرجف مدا اكدر اكعد مدا اكدر اهدأ اريد اي طريقة اتأكد بيها من الي بباليفجأة تذكرت حسابه ركضت جبت لابتوبي فتحته وايدي ترجف دخلت لحسابه على الانترنت واني اشوف صوره الجديدة الي شايفتها هالفترة رجع ليورة بالمنشورات الي مشايفتها شفت صورة اله وية نسخه طبق الأصل منه ناشرها قبل سنة تقريبا حسيت بألم قوي بقلبي
رجعت كلش بصفحته ليورة واني اشوف منشور سفره لبرا الي كان قبل الحادثة الي صارت يعني كان اصلا مموجود هناك
حسيت نفسي بدأ يضيق رجعت بذاكرتي لليوم الي سممته بي تذكرت ابتسامتي واني اشوفه يصارع الموت كدامي
كمت افتر بالغرفة واني خالة ايدي على حلكي ودموعي تنزل كلام ريما صدك اني مجرمة اني كنت حقتل إنسان مسوالي اي شي
صرخت أه بعلو صوتي
صورتي بالمراية صارت كدامي
صورتي بالمراية صارت كدامي كرهت حتى وجهي اخذت العطر الي على الميز وركعت بي المراية بكل قوتي ماريد اشوف نفسي
مشيت على الزجاج الي اتناثر واني اريد احس بالالم بس مكدرت احس ابداً الم روحي كان اقوى اضعاف
كعدت بالكاع واني ابجي فجأة حسيت نفسي دا ادوخ وبدت الغرفة تغوش كدامي الا ان محسيت غير بظلام مثل ظلام قلبي وروحي ومحسيت بنفسي بعدها
أنت تقرأ
انتقام
Mystery / Thrillerاشتعلت نار الانتقام في قلوب لم تعرف الانتقام يوما امرأة خسرت 6 سنوات من حياتها وهي تقرر الانتقام ياترى من من ولماذا