ويبكي وحيدًا،لا شيء يدري غير الوسادة
نايشوكف
....
متمددة بفراشي ودموعي تنزل لحد مابللت مخدتي
ذكريات هذيج الليلة دتنعاد ببالي اخاف حتى اغمض عيني لان تجي اشكالهم ببالي
مكدرت انام بقيت كاعدة للصبح
كمت من فراشي ودخلت للحمام
اول ماباوعت بالمراية انصدمت بشكل عيوني كانت مورمة بشكل مو طبيعي حاولت شكد ماكدر اخفيها بالمكياج
بدلت ورحت لداومي
بديت اشتغل بس بدون اي واهس
سألتني بنين _جوجو عمري شبيها عيونج
_مبيها شي هي كل فترة يصير هيج
مشيت اليوم على أعصابي كانت بية صرخة تسمع كل الناس بس ماكدر بقت هاي الصرخة مكتومة بداخل قلبي
رجعت للبيت
كانت ماما بالمطبخ دتسوي غدا
_ها حبيبتي رجعتي
روحي بسرعة بدلي وتعاي تغدي
_لا ماما ماشتهي نعسانة اريد انام من اجوع انزل اكل
صعدت بسرعة فوك واني احاول ماخلي عيني بعينها ماريدها تنتبه لشكل عيوني لان حتعرف باجية
غسلت ورحت لفراشي واحس راسي حيطك من الوجع شربت حبوب وردت انام
دك فوني كانت ريما
_هلو جوج
_هلو
_شبي صوتج اكو شي
_تعاليلي اليوم عندي حجي وياج
_شكو خوما صاير شي
_يي صاير من تجين افهمج
سديت منها وهي بعدها دتسأل مكان بية حيل اسولف ابد
حاولت انام وكلما اغفى شوية افز من نومي واحاول اطرد اي فكرة تجي ببالي
كعدت من النوم كانت الساعة ب ٦ وشوية
غسلت وجهي ونزلت جوة
صبيت من الغدا واكلت شوية لان مماكلة اي شي من البارحة
ورا شوية سمعت صوت الجرس عرفت هاي ريما
طلعت افتحلهة
_جمانة احجي شصاير ترى خوفتيني وهاي شبيها عينج شنو باجية
_ امشي نصعد فوك وافهمج خاف احد من اهلي يسمع
صعدنا لغرفتي
_يلا هسة احجي مو وكفتي قلبي
باوعتلها _لكيتهم
أنت تقرأ
انتقام
Mystery / Thrillerاشتعلت نار الانتقام في قلوب لم تعرف الانتقام يوما امرأة خسرت 6 سنوات من حياتها وهي تقرر الانتقام ياترى من من ولماذا
