لم يكُن سهلًا على أن أحمل كل هذا بصدري وأظهر بكل تلك الصلابة ولكن فعلت
....
كاعدة بالصالة دا انتظر ريما تجي
شوية واندك الجرس
طلعت فتحت الباب ودخلنا
_يلا احجي شنو الموضوع
_امشي نصعد فوك ونحجي
صعدنا
_محتاجة شغلة مهمة منج باجر
عقدت حواجبها_شنو هي
_اريد تدبريلي شخص تثقين بي بمعرفتج
_ليش بشنو محتاجته
_رح ابدي باجر
_شحجينا احنا جمانة ترى بعد متعرفين عنه هواية لتجازفين
_حتى لو انتظرت فترة مرح اعرف الة اتقرب منه انتي كنتي وياية من دا اراقبه ما عنده علاقات هواية وية ناس ماعدا من مرة التقى وية بنية وشفتي كان بيدهم ملفات يعني شغل فماكو احد مقرب نتعرف عليه من عنده
_زين شحسوين بهذا الشخص
_من خلال رح ارتب خطة بحيث اتعرف على هذا الحيوان
_شلون
_باعي رح يكون الشخص الي رح تجيبي انو ديتحرش بية بالشارع واكيد هذا الحيوان رح يتدخل هاي اذا عنده غيرة
_ زين فرضاً متدخل
_عود نجرب غير شي بس هسة لازم ندبر احد
_منين اجيبلج
_اي احد تثقين بي بس ميكون يعرفني
_زين شنو رح نقوله بالضبط
_باعي رح نقوله انو اني وخطيبي عساس متزاعلين وهاي خطة علمود يصالحني لهذا ماريد شخص يعرفني ويعرف اني ممخطوبة
_مادري مدا يجي ببالي احد ابد
_احد من ولد خالتج
_امممم يي ممكن بيها مجال بس خل اشوف
زين اكلج خاف يضربه لابن خالتي
_لا ماتصور لهدرجة غيور هذا واحد كلب وبلا أخلاق
_ادري بس احتمال كدامج يسوي روحه جنتل
_باعي اني مدا احسه عنده علاقات ويا بنات احتمال عنده حبيبة ووفي آلهة ولو ماتوقع بس باختصار ماحس مثل أحمد اكدر ادخله من هالسالفة والا جان دبرت ويا اللقاء مثل أحمد بس ماحسه كلش يم البنات لهسة مشفنا طلع وية بنية او بنية اجتي لبيته الا اذا تجي بنص الليل لبيته بس هاي الشغلة ممكن فايتتنا
_ولج احتمال يطلع شاذ
هزيت رأسي _يي ليش لا كلشي توقعي من هالحيوانات
وهسة يلا خابري احد من ولد خالتج
_منو منهم اخابر
_شمعرفني قابل اعرفهم اني خابري الي مقرب عليج
اتصلت ريما بأبن خالتها
_هلو حسوني شلونك
_هلو ريوم وين مختفية شخبارج
_الحمدلله بخير
رايدتك بشغلة
_آمريني
_هي ماتخصني تخص صديقتي متعاركة وية خطيبها
وهو مدا يصالحها ولا هي تقبل تصالحه فنريدك واسطة خير
_يي شكدر اسوي تدللين
_نريد تتحارش بيها
اشرتلها بمعنى لا تحجيها هيج بكل
_شششنو شتردين
_باوع احنا حنوكف قريب من مكان شغله من يطلع وانو انت واكف يمها وهيج فهو حيغار ويصالحها
_ولج خاف يضربني هاي خطيبته مو وحدة عادية
_يي عادي شكو بيها انضرب
اشرتلها بمعنى علية هالموضوع
_ دا اشاقة وياك البنية تكول علية الموضوع هذا اني ماخلي ينضرب
اتفقنا ويا الولد واعطينا العنوان والوقت الي يجي بي
_جمانة حبابة خل نتراجع خايفة عليج احس ذولة اخطر من أحمد خاف يكشفوج ويأذوج
_لتخافين ميكشفوني وحتى لو كشفوني وقتلوني ميهمني اهم شي احاول اخذ حقي منهم
_وهي سهلة يقتلوج شنو موقف اهلج من يفقدوج واني مفكرتي بينا
سكتت مجاوبتها
_اعرف مرح تتراجعين بس دربالج على نفسج شكد ماتكدرين
....
الظهر واكفة بمكان هو يمر بي برجعته من الشركة
اتصلت ريما
_ها وصل حسن
_بعده
_هسة شوية ويجي
_دا اشوف سيارة ركنت يمي يمكن هو
باعي من يطلع من الشركة اتصلي علية راسا
سديته من ريما ونزلت من السيارة وهو هم نزل من سيارته
_السلام عليكم
ابتسملي _عليكم السلام حضرتج جمانة مو
_يي نعم
_تشرفت بمعرفتج
ابتسمتلة_الشرف الي تسلم
بقى ساكت كان يطي شبه قليل لريما بالشكل وشفتة يسترق نظرات الي بس مو مباشرة
سألني _شوكت يوصل
_من تقريبا يريد يوصل تتصل بية ريما
سكتت شوية
_ آسفة انو دندخلك بهاي الشغلة
_لا ولو تدللين
ورا شوية اتصلت ريما
عرفت انو طلع من الشركة فمجاوبتها
انداريت علي _حيوصل
_شنو الي نسوي هسة
_اني حدخل بالسيارة وانت توكف يم الباب عساس انو تريد تنزلني من السيارة ومن اكلك روح روح
_فهمت
صعدت بسيارة وهو بقى واكف يم الباب
كان الشارع فارغ تقريبا
شفت سيارته فاتت
_وصل هذا هو
بدأ يعلي صوته _دا اكلج انزلي
صرخت _ماانزل وخر ايدك من الباب شدتسوي
_دا اكلج افتحي الباب
بهاي الاثناء فاتت سيارته من يمنا شفته التفت النا وكمل مشي انصدمت معقولة مرح ينزل المشكلة الفشلة يم الولد هسة اكيد يعرف دنكذب اني وريما وانو هذا مو خطيبي لان ممعقولة واحد يشوف يتحارشون بخطيبته ويعوفها ويمشي
أثناء تفكيري شفته وكف سيارته قريب من عدنا ودينزل
عيطت _وخر منا لا الم عليك الناس
اجاني صوته _هاي شكو شديصير
حسن _وانتو شكو وتدخل
قلت لحسن بصوت ناصي_ روح بسرعة
مشى حسن وهو صاحه _اوكف وين رايح مو دا احجي وياك اني
صعد حسن لسيارته وهو مشى بأتجاهه
نزلت من السيارة ووكفت بطريقه بهاي الاثناء حسن تحرك
اعوفه
اول ماباوعتله اجتاحني شعور بالخوف واني اشوف عيونه
حسيت نفسي رجعت ذيج الطفلة الي تخاف للحظة تمنيت اعوفه وانهزم
اداركت نفسي واني احاول امثل القوة حتى على نفسي علمود متضعف
باوعتله بتوسل_عوفه ماريد تصير لحضرتك مشاكل بسببي
باوعلي بغضبوبصوت عالي _اي مشاكل هذا الساقط جان يتحارش بيج وترديني اعوفه
بديت امثل البكاء لان ماكدر ابجي من صدك لابسة عدساتي
بس صدك حسيت نفسي محتاجة ابكي بهذيج الدقيقة
حسيته ارتبك _آسف مقصدي اصرخ عليج اعذريني بس استفزني الموقف
حجيت بصوت ناصي _مصار شي
ومشيت علمود اركب بسيارتي وكفني صوته _تعرفي لهذا الشخص
تصنعت صوت البكاء ومجاوبته
_ياريت تفهميني علمود اساعدج
هم سكتت وبديت امثل انو اشهك
_هدأي نفسج ميكدر يسويلج شي بس فهميني شديصير وياج
باوعت علي _صار أكثر من مرة يلاحقني
_امشي لمكان علمود افهم منج زين وهم علمود تهدأين
سكتت
_يلا الحكيني بسيارتج
هزيتلة رأسي
ركب سيارته واني هم ركبت سيارتي ومشيت وراه
الى ان وكف يم كوفي واشرلي اوكف اني هم
دخلنا سوة كان واضح انو يعرفوا من ترحيبهم بي
كعدنا على طاولة و الكرسون
_اريد واحد عصيرليمون وواحد قهوة
حتى مسألني شأشرب
التفت علية
ابتسملي_اعرفج بنفسي اني خالد
_وياك رحمة
_تشرفنا وهسة احجيلي شنو موضوع هذا الشخص وياج
_صار هاي ثاني مرة يلحكني
_زين انتي تعرفي لو لا
_لا
_ياريت تحجيلي الحقيقة علمود اساعدج يعني لتخجلين مني اذا هو حبيبج واحتمال ديهددج
_لا لا ماكو هيج شي ماعرفه
_زين ليش مكلتي لاهلج علي يصرفون ويا
_الصراحة متوقعت رح يتمادى توقعت مرة ولمن مااعطيه وجه رح يعوفني
_غلطتي كان لازم تخبرين اهلج عن الموضوع
دا احجي واجى الكرسون جاب الطلب
باوعلي _طلبتلج ليمون علمود تهدأين اعصابج من الي صار
ابتسمتلة ومجاوبت
ميدري انو شوفته وحدها كافية انو تسويلي انهيار عصبي
_حضرتج طالبة او خريجة
_خريجة
_زين شنو الي جابج هنا هيج وقت تصورتج طالبة بالجامعة القريبة من المكان
_كنت رايحة ازور صديقتي بيتها قريب من هاي المنطقة وهو تعرضلي بنص الطريق
بقى يشرب قهوته بهدوء وهو يباوع من الجامة واني هم شربت عصيري
التفتلي ورا شوية وهو يطلع بطاقة وقلم وكتب عليها رقم _تفضلي هذا رقمي الشخصي مو رقم الشغل اي مشكلة تصير وياج تتصلين علية حتى لو كنتي بالشارع واذا عرفتي اي معلومة عن الولد كوليلي
بقلبي كلت شكد شهم وتخاف على أعراض الناس
هزيت رأسي _ماشي
ورا شوية _ياريت تعذريني اني مضطر امشي عندي موعد مهم بعد شوية
_ اني هم تأخرت هواية على صديقتي
كمنا احنا الاثنين من مكاننا وطلعنا برة وكل واحد توجه لسيارته قبل ميركب التفت علية
_ياريت تطمنيني عليج سواء تعرضلج علمود اوكف عند حده او اذا مشفتي هم طمنيني انو انتي بخير
ابتسمتلة _ماشي شكرا على المساعدة والعزيمة
_ولو تدللين
ركبنا سيارتنا وكل شخص توجه لطريقه
رجعت للبيت
بدلت ونزلت اتغدى جانوا اهلين ماكلين لان تأخرت اليوم
أثناء ما دا اكل اتصلت بية ريما
_ها رجعتي
_يي رجعت قبل شوية
_شصار احجيلي ظل بالي
حجيتلها كل الي صار
_الحقير الساقط مسوي نفسه شريف وميقبل شخص يتحارش ببنية هسة الي سواه بية بس تدرين خوش يمثل لو ماعرفه زين كان كلت هذا شكد شهم
_الكلاب يعرفون كلش زين شلون يتقربون للبنية يسوي روحه شريف وماكو منه
زين محسيتي عرفج لو لا يعني انصدم من شافج او هيج
_لا محسيته عرفني
_حتتصلين علي
_يي بس مو اليوم غير مرة
صدك ابن خالتج شكال صدك انو هذا خطيبي
_يي صدك كلي خطيبها اجى يريد يضربني بس هي منعته ولا جان تضاربنا
_باعي وصي ميحجي اي شي كدام اهلج لان حيعرفون كذب وتبقى امج تسألنا منين تعرفون هذا ومدري شنو
_لتخافين وصيته كتله ترى هذا الموضوع بيني وبينك اي احد ميدري لتخافين هو كتوم مو نوع يحجي ابد
سديته من ريما وكملت اكل
....
كعدت الصبح
بدلت وطلعت لشغلي
كاعدين اني وبنين على طاولة بالكافتريا دنشرب شاي
دك تلفونها
_ها ماما
الله يخليج شفهمتج كتلج من يمج حليها ورفضي
ماريد افكر حتى ميحتاج ولا اريد اشوفه او يشوفني
سدت التلفون وملامحها معصبة وضايجة
_شكو شبيج ضجتي
_جايني عريس اقارب امي ورفضته بدون ماشوفه اصلا
_زين ليش رفضتي هيج غير لازم تشوفي احتمال تتفاهمون
_مافكر اتزوج
_ليش ممستعدة لهاي الخطوة
_لا مستعدة انو اخطيها بس اكو شي موكفني
_شنو هذا الشي
_مادري كل ماتجيني خطبة اتردد ومااوافق وهالمرة مقبلت حتى اشوفه
_الي اجوي قبل جان بيهم مشكلة
_لا بالعكس وامي بوكتها تبقى أيام تتعارك وياية لان رفضت
_لعد ماكو غير سبب
باوعتلي بأستغراب_شنو
ابتسمتلها بخبث_قلبج بغير مكان
ارتبكت ووجهها احمر _لا غلطانة واذا احب احد ليش ميخطبني
_احتمال حب من طرف واحد
بلعت ريقها بتوتر_لا ماكو غلطانة
حركت اكتافي بمعنى مادري _ يمكن غلطانة
....
رجعت للبيت
بدلت ونزلت
تغديت ويا اهلي وصعدت
رحت لجنطتي وطلعت البطاقة ودخلت الرقم يمي بفوني
طلعلي المواقع الي عنده
شمرت الفون ونمت
....
كعدت من النوم
اول شي سويته اخذت فوني ودزيتلة مسج
(مساء الخير)
انتظرت شوية شفته مجاوب
غسلت ونزلت جوة
سويت نسكافيه دا اقلب بفوني
وصلني اشعار مسج
_مساء النور
منو؟
_اني رحمة تعرفنا البارحة اذا تذكر
_يي اكيد اذكر
_حبيت اكلك انو هالشخص متعرضلي اليوم يعني ليظل بالك
_الصراحة بقيت خايف انو يتعرضلج مرة ثانية
ومثل مكتلج اذا صارت اتصلي بية
_شكرا مقتصر
ورا دقايق دز مسج
_انتي تشتغلين
_لا
_شنو تخصصج
_ليش عندك وظيفة
_ اذا تخصصك حسب الي محتاجي اعينج بشركتنا
_لا شكرا ماتعين بشركات أهلية
_ههههههه ليش هالسمعة
_لا مو هذا السبب بس ما احب
_على راحتج
سعيد بمعرفتج ولو لقائنا مكان بظروف حلوة
لهذا اتمنى يكون النا لقاء مرة ثانية
_ان شاءالله اذا الله راد يكون النا لقاء مرة ثانية
_مع السلامة
_مع السلامة
شمرت فوني واني عيوني تفيض غضب اذا مخليتك تلعن اليوم الي شفتني بي واخلي اسوء يوم بحياتك مو اسمي جمانة
الكلب مسوي نفسه يخاف على أعراض الناس نسى ماضيه مسوي نفسه ملاك علمود يوكع البنات بفخه هو وصديقه الحقير نفس الأسلوب انتظر بس اعرف مصايبك ويجيك العقاب نفس صديقك واسوء
....
توقعاتكم القادم
شنو حتسوي جمانة
حيلتقون مرة ثانية
...
تفاعلكم بالمشاهدات والتصويت والتعليقات
الي يقرأ اول مرة الرواية
اما يضيفني او يضيف الرواية للقراءة علمود يطلعلة اشعار من انزل
ابد لتنسون التصويت
ESTÀS LLEGINT
انتقام
Misteri / Suspensاشتعلت نار الانتقام في قلوب لم تعرف الانتقام يوما امرأة خسرت 6 سنوات من حياتها وهي تقرر الانتقام ياترى من من ولماذا
