لن تخمّن عدد الشياطين الذين يولدون من أفكار إمرأة حزينة!
....
وكفت كدام باب بيته
تنهدت ودكيت الجرس فتحلي الباب بأبتسامة_نورتيني
ابتسمتله ودخلت جوة
كعدنا نأكل
ابتسمت واني اشوفه يسوي مثل مرةوراها كتله
_اكلك صديقك هم يجي يمك هنا
_يي يجي
_لعد اليوم رح اصير حبابة واساعدك
ضحك _شلون تساعديني
_اغسل وياك مواعين
_شنو هالكرم الزايد ولا توقعتها منج بس يلا مرح اردج واكول لا
غسلت ويا المواعين مو بدون سبب وإنما لغاية ما عندي
وراها رحنا كعدنا بالصالة
شربنا عصيرورا شوية باوعت الساعة
_خالد حكوم اعدل مكياجي واجي لان وراها عندي روحة لصديقتي
طلعت من الصالة وسديت الباب وراية وركضت للمطبخ فتحت الجنطة مالتي طلعت الكفوف ولبستها وطلعت وراها الي اريده وسويت كلشي وراها خليت بعلبة بمجر من مجرات المطبخ ونزعت الكفوف خليتها بجنطتي
وراها رحت للحمام طوخت حمرتي وطلعت فوني خليته على دكة بالحمام وسويت نفسي اتصل بصديقتي حجيت بصوت عالي علمود يسمعني وراها رجعت للصالة_ها عمري كملتي
ابتسمتله _يي كملت وصديقتي اتصلت علية تأخرت عليها لازم اروح
_ماشي حبيبي على راحتج
باوعتله بنظرات متوسلة _اليوم لتخلي صديقك يتأخر يمك
_ليش
_عاجبني اسولف وياك بالفون بالليل
ضحك _ماشي لعد لخاطرج حطرده من وقت
طلعت من بيته بعد ماسويت الي اريده وهسة علية بس انتظر
توجهت لبيت ريما فتحتلي الباب
_ها شسويتي
_خل ادخل بالاول وبعدين سألي
دخلت جوة شفت أمها كاعدة بالصالة
_مساء الخير خالة شلونج
_هلو جوجو حبيبتي
الحمدلله انتي شلونج صار هواية مشايفيج_يي والله خالة مشغولة هالايام
لزمتني ريما من ايدي واخذتني للدرج
صعدنا فوك كعدت على سريرها وهي اجتي وكفت كدامي
_يلا احجيلي شصار
YOU ARE READING
انتقام
Mystery / Thrillerاشتعلت نار الانتقام في قلوب لم تعرف الانتقام يوما امرأة خسرت 6 سنوات من حياتها وهي تقرر الانتقام ياترى من من ولماذا