أنا لاأعيش ..
أنافقط أسايرُ الأيام لـ ڪي تمضي لااڪثر .
.......
دخلنا للبيت
وام ريما تريد تنفجر
_ها ماما شكو شصاير
_شيصير يعني انتي شيجي منج غير المصايب
_شكو فهميني
_خابرت ام اياد دا ابلغها موافقتنا جان دكلي بعد وقت جان طولتوا أكثر الة تردون اني خطبت لابني
حجيت اني _شنو انتو ليهسة مرديتوا الموافقة
كالت ريما بعصبية _يي عيني ام صار أسبوعين دكول خل نثكل عليهم واني اكلها بس مو هيج مو لهدرجة إلى أن شوفي شصار
ام ريما بعصبية اكبر_ شصار يعني مو زين الله كشفلجيا هو لو صدك متمسك بيج يروح يخطب واحنا حتى بعدنا مرادين
_ماما هاي بكيفها تحجي شخطب البارحة بليل جنا نسولف
طبعا شكد بقيت اشرلهة سكتي سكتي هي ولا يمي
كامت ام ريما من مكانها بسرعة وركضت على ريما _تعاي لج شتحجين ويا اني شكتلج مو كتلج ماكو حجي منا لحد متنخطبون رسمي
ريما وهي خاتلة ورا ظهري _ماما يعني مو حجي حجي بس جان يسألني شوكت نرد عليهم
رجعت ام ريما كعدت _أخ ياربي هالبنية رح تجلطني فد يوم
رحت يمها _سلامتج خالة
اشرت لريما كومي جيبي مي بسرعة
شربت وراها _هاهية الموضوع لهنا وانتهى هي تكول خطبنالة فبعد سدي الموضوع ماريد اسمعة مرة لخ
_لا خالة ليش خطية الولد متمسك بيها متشوفي حتى واكف ضد امه ترى هاي حجت هيج بس حتى تفركش الموضوع ماكو هيج شي
_جمانة اذا هي هسة هيج تصرف وياها بعدين شرح تسوي ها شحسوي بيها والله تبهذلها
_خالة ترى اياد رجال ويكدر يوكف امه عده حدها فلتخافين وهسة الموضوع اني اشوفة اخابر اياد وافهمة زين امه شدسوي بس انتي هدي نفسج
اشرت لريما خل نصعد فوك
_ يلا خابرني خل نفتهم شنو السالفة
خابرته ريما
_ هلو حبيبتي
_هاي شمسوية امك
_شكو شمسوية
_يعني عساس متدري انت
_شصاير احجي خل افتهم
_امي اليوم مخابرة امك علمود دتكلها وافقنا وكايلتلها بعد وقت اني خطبت لابني
_ماكو هيج حجي بس هاي امي لان ضاجت تأخرتوا بالرد
_اوك ضاجت بس مو هيج تحجي وية امي
YOU ARE READING
انتقام
Mystery / Thrillerاشتعلت نار الانتقام في قلوب لم تعرف الانتقام يوما امرأة خسرت 6 سنوات من حياتها وهي تقرر الانتقام ياترى من من ولماذا
