كعدت من النوم
لبست لبس من الأشياء الي جهزتها البارحةتوجهت للمستشفى ورحت لمكان شغلي
من دخلت شفت بس دعاء وثامر موجودين_صباح الخير
ردوا _صباح النور
بديت اشتغل وشوية ودخلت بنين
_صباحو
_صباح الخير
_اشو جاية من الصبح اني كلت متجين اليوم
اني اول يوم داومت اليوم الثاني مااجيت من التعب_لا عادي مو كلش تعبت
واحنا نحجي دخل مازن وسلم
اول مادخل مازن حسيت الابتسامة صارت على وجه بنين وحتى عينها بقت وراه تتبعه بعد مادخل بينما هو محسيته كلش مركز وياهة
كانوا الناس الي يجون أشكال
اكو بيهم جدا محترمين بحيث راسهم ميرفعوا
واكو بيهم نظراتهم عادية
واكو مجموعة لخ الي نظراتهم تكص كص تحسي ديفصلج تفصال وهو يباوع عليج ذولة الفئة يعجبني ادخل اصبعي بنص عينهم وافكسهاخلص اليوم عادي
اول مادخلت للبيت
دكت علية بنت خالتي عذراء_هلو عذورة
_شلونج جوج خوما عندج شي اليوم
_لا ماعندي ليش
_اريدج تجين وياية دا احضر اثاث الشقة ومحتاجة ذوقج
_والله ياريت اكدر بس هسة رجعت من الشغل وتعبانة
_يي مو هسة نجي عليج بعد العصر نجي
استحيت ارفض لان بالبداية كلتلها معندي شي عبالي رح يجون يمنا
_ماشي بس دكي علية من تطلعين من بيتكم
سويت التلفون
نزلت جوة تغديت ويا ماما وباباكلت لاهلي_اليوم خابرتني عذراء حطلع وياها للمعرض دتختار اثاث شقتها
_يي حبيبتي روحي
صعدت للغرفة كلت انام شوية قبل متدك علية
نمت تقريبا ساعة وشوية ودكت علية عذراءكنت بدلت على السريع وخليت مكياج خفيف ونزلت
دكت علية علية مرة ثانية كالت بالباب
كان خطيبها جايبهم هي وامها
صعدت ليورة _مساء الخير
_ مساء النور
حنتعبج جوجو_لا حياتي اي تعب تدللين انتي
رحنا للمعرض والتقينا هناك بصديق خطيب عذراء لان يعرف ابو المعرض فلهذا اجى وياهم
اختارينا شغلات عجبتنا اني وياها وخطيبها هم كال حلوة عجبته
دفعوا الفلوس واتفقوا توصلهم باجر
أنت تقرأ
انتقام
Mystery / Thrillerاشتعلت نار الانتقام في قلوب لم تعرف الانتقام يوما امرأة خسرت 6 سنوات من حياتها وهي تقرر الانتقام ياترى من من ولماذا