_اني جبتج علمود احجي وياج بموضوع
_شنو الموضوع خوفتيني
_مااعرف منين ابدي صعب احجي هالشي
لان اعرف حيكسر قلب شخص قريب مني
_يي كملي
_صديق محمد الي شفتي ويانة هذاك اليوم
_يي تذكرته بوكتها ابد مرتاحيتلة بس شدخلة بالموضوع
_هو اصلا الموضوع عنه من شافج هذاك اليوم كال لمحمد علمود يحجي وياية عنج
_عني ؟ ليش
_يريد يخطبج
_كوليلة انو اني رافضة فكرة الزواج
_ليش يعني حتى محتفكرين بالموضوع
_لا ميحتاج
_اني عبالي انتي بس رافضة
مكملت كلامها بس اني عرفت شتقصد
_لا اني رافضتها بصورة عامة اريد اركز بشغلي بهالوقت
_بس هو اصر كلش
_مشكلته هاي مو مشكلتي
بدت تحجي واحسها خايفة من ردت فعلي
_جمانة بصراحة انتي مخذولة من احد لو دتنتظرين احد
_شنو قصدج
_قصدي انو ليش دترفضين مااحس اكو سبب
_حياتي واني حرة بيها
_جمانة ياريت اذا اكو شي تفتحيلي قلبج
اذا مجروحة من احد فاعرفي انو هو الي خسر مو انتي لازم تكملين حياتج ومتوكفيها علمود علمود احد
حجيت بانزعاج واضح
_عذراء حاليا كل الي اريده منج انو تنهين هذا الموضوع من يمج رجاء لتخلي يجي لبيتنا
كوليلة رافضة نهائيا
_ماشي هاهية على راحتج
مالحت علية عذراء بالموضوع وعرفت رح تنهي الموضوع من يمها لوما لح عليها ماصور تفاتحني بالموضوع حتى حسيتها من جهة فرحت برفضي الة خصوصا هي تعرف بمشاعر اكرم اتجاهي
تعشينا ورجعت للبيت
بدلت
اخذت تلفوني الثاني كالعادة دازلي كومة رسائل
آخر وحدة كانت قبل ساعة
( اشتاقينا)
( المن اشتاقيت )
(للي مايحسون
شوكت نلتقي مرة لخ مو قلبي جمر )
بقلبي كلت عساك تجمر انت كلك على بعضك
( من اكون فاضية )
( شوكت تفضيلي )
(حسب وقتي )
بقيت اسولف ويا شوية
احس هذا الوقت عقاب الي بالكوة اتحمله
نزلت جوة للمطبخ
اخذتلي بيبسي وجبس وطلعت للحديقة كان الجو حلو
YOU ARE READING
انتقام
Mystery / Thrillerاشتعلت نار الانتقام في قلوب لم تعرف الانتقام يوما امرأة خسرت 6 سنوات من حياتها وهي تقرر الانتقام ياترى من من ولماذا
