عندما قيل لك ألاتثق بأحد ،كان المعنى بالتحديد ذلك الشخص الذي استثناه عقلك من الجمله
....
شفت حنين تتصل
فتحت الخط
_الو جمانة الحكيلي
فزيت من نبرتها الخايفة _شبيج
_زوجي بباب الشقة حيكسر الباب من الدك
_دربالج تفتحين الباب شوية وجايتج
_بسرعة الله يخليج
شمرت فوني بالجنطة ورحت ركض للصالة
كام خالد من مكانه وهو يشوف ملامح وجهي المتوترة _شكو صاير شي
_لا مو شي مهم بس لازم اروح
_شنو مو مهم انتي شايفة شكلج شلون صار رح اجي وياج
_لا خالد المشكلة متخصني تخص وحدة اعرفها ماكدر ادخلك بمشكلتها لان عائلية جيتك تسوي مشكلة أكبر
_ماشي بس اجي وياج مادخل
باوعتله بتوسل _خالد الله يخليك لتأخرني اني اول مااحلها اخابرك واذا كبرت واحتاجيتك اكلك
هز رأسه باستسلام _ماشي بس اي شي يصير وياج اتصلي علية
مشيت بسرعة واني اطلع من الصالة
قاطعني صوته _ رحمة اكيد المشكلة متخصج
التفت علي _لا متخصني والله
لازم اروح خالد تأخرت
طلعت من البيت بسرعة بدون ماسمع جوابه
ركبت سيارتي وتحركت بسرعة
مديت ايدي بالجنطة وطلعت الفون
دكيت على ريما بسرعة _انتي وين
فزت من سرعتي بالكلام _شكو شبيج
_جاوبيني انتي بالبيت لو لا
_يي بالبيت
_بسرعة روحي لشقة حنين واخذي احد وياج زوجها بباب الشقة
_عزة هذا شلون اندل
_لج مو وقت كلام هسة بسرعة روحي واني هم جاية هسة بس انتي اقرب
_ماشي ماشي رايحة
سديت الفون وشمرته على مقعد السيارة
ومشيت بكل سرعتي
نزلت من السيارة واني اركض لداخل العمارة
اول مانفتح المصعد شفت كدامي زوجها الحقير وحسام وريما
دفع زوجها حسام _لك انت منو حتى تمنعني عن زوجتي
_رح تصير طليقتك ومو من حقك تتهجم على بيتها بهاي الطريقة
تقدمت علي _يلا خلصت هسة روح لبيتكم
تقدم مني والشر واضح من عيونه_اسمعي لج انتي بالذات صوتج ماسمعه انتي الي خليتي فكرة الطلاق براسها مو مدري منين طلعتيلي
YOU ARE READING
انتقام
Mystery / Thrillerاشتعلت نار الانتقام في قلوب لم تعرف الانتقام يوما امرأة خسرت 6 سنوات من حياتها وهي تقرر الانتقام ياترى من من ولماذا
