_ماشي
كان المحل موجود بين مجموعة محلات ملابس
دخلنا لواحد وبديت اختار شكم شغلة
انداريت على حنين _شكد قياسج
_شعليج بقياسي ملابسج هي لو ملابسي
ضيقت عيوني واني اباوع عليها _أتصور ميديم
اعطيتها قميص وسترة _كدري ذولة
مااخذتهم_ماحتاج عندي ملابس
_حتى لو اخذي شكم شغلة جديدة للشغل
_شسوي بيهم هو شغل البس اي شي عندي واروح
_زين الناس الي تجي للمحل وتكوليلهم ممكن اساعدك بالاختيار اول شي حيباعون على لبسج يشوفون انيقة لو لا اذا معجبهم رح يكولون هي لروحها متعرف تختار انوب تختار النا
تأفأفأت _جمانة ماريد شي
حطيت الملابس على ايدها_عود رجعيهم الي من تشتغلين
استسلمت ودخلت تكدرهم وبعدها شوفتني
_كلش حلو لايكلج
اخذنا اللبس وطلعنا وراها دخلنا محل ثاني هم اشترينا شكم شغلة وسط تأفأف حنين
بعدها دخلت محل أطفال اشترينا شكم شغلة للبنات وطلعنا
انداريت على البنات _شنو رأيكم نتعشى برا مثل هذيج المرة
حنين _لا
_عود رديها من تستلمين راتبج شكد بخيلة اعرف متردين تعزميني من تأخذين هسة حتى لو فلافل قابلة
باوعت للبنات _ها شدكولون نخلي ماما تعزمنا على فلافل ورا ماتشتغل
جنى_لا لا كو فلافل نريد همبركر
ضحكت وباوعت لحنين _اني معلية فقيرة ردت فلافل بس بنتج تريد تقطج
رحنا المطعم قريب تعشينا وبعدها رجعتهم لشقتهم واني رجعت لبيتنا
....
طلعت من البيت الصبح متوجهة للشركة
خالد كال عنده شغل مهم اليوم وماكدر يطلع يشوفني خارج الشركة
دكيت باب غرفته ودخلت
_صباح الخير
ابتسملي وكام من كرسيه_صباح الورد
طلب عصير
كعدنا على قنفة بالمكتب
_شصاير ويا صديقك
_من اي ناحية
_يعني قصدي واجهته او شلون
_لا مستحيل اواجهه واني ممتأكد
YOU ARE READING
انتقام
Mystery / Thrillerاشتعلت نار الانتقام في قلوب لم تعرف الانتقام يوما امرأة خسرت 6 سنوات من حياتها وهي تقرر الانتقام ياترى من من ولماذا
