كيفَ يستطع المرء وضع راسه على وسادتهَ دون التفكير بشي… ؟
....
_اني عازمج باجر على الغدا
_ هذا الي كنت تريد تكوله
_يي بس مو بالمطعم هالمرة ببيتي
سكتت مجاوبته
_ليشطح تفكيرج ترى اني ولد مؤدب
_ماعرف ماتصور اجي
_رحمة ترى اني عايش سنين برا صديقاتي حتى كانوا ينامون بيتي احيانا
_انت كلتها برا
_بس اني نفس الشخص برا او هنا
سكتت
_رحمة لهدرجة مواثقة بية
بقلبي قلت طبعا مواثقة بيك
_لا مو هيج بس ميصير احنا الاثنين سوة بنفس المكان
_وعد رجال انو مستحيل اسويلج شي شنو اسوي شي مستحيل الزم ايدج حتى بس حاب اتعرف عليج أكثر هذا كل شي
سكتت
_ها شكلتي
هو اني منتظرة هاي الفرصة بفارغ الصبر _ماشي خل اشوف اكدر اجي باجر لو لا
_لا لا شنو تشوفين لازم تجين
_ماشي بس احتمال اجي شوية متأخرة
_عادي غلى على راحتج تعالي
_بس اني ماندل بيتك دزلي العنوان
_تنصدمين من اكلج وين بيتي
_وين
_تذكرين اول مرة شفتج
_يي بيتي تقريبا بعدها بفرعين
_تقريبا عرفت وين بس هم اوصفلي أكثر خاف اتيه البيت
وصفلي بيته الي اني اصلا رايحتله أكثر من مرة
سديت الاتصال منه ونمت واني افكر شنو الي حيصير باجر معقولة عرف اني منو وهذا فخ
لا ممعقولة ماحس شاك بية بس صدك هو اذا شاك قابل رح يكولي انو هو شاك بية
كعدت الصبح
بدلت لبست شي أنيق واخذت عدة مكياجي وياية ماحب اخلي شي قوي الصبح وكالعادة خليت السجينة بجنطتي
قبل ماتحرك السيارة
لبست عدساتي وقويت مكياجي شوية
بالطريق اتصلت بريما
_ها جوج شعجب متصلة من الصبح
_اليوم حروح لبيت خالد
_لج لا وين تروحين من كل عقلج
_ريما ترى اني لهسة كلشي ماعرف عنه لازم ادخل لبيته واقترب منه علمود اعرف شي يفيدني
_دربالج على روحج ترى ذولة خطرين
_لعد ليش خابرتج اريدج تكونين قريبة من بيته تبقين واكفة خاف يريد يسويلي شي خاف تطلع خطة منه
_ماشي ماشي حجي يم بيته ورا الدوام
كملت دوامي عادي وطلعت
دكيت على ريما
_ها طلعتي
_يي اني قريبة من بيته
_ماشي اني هم جاية
وصلت لبيته شفت ريما واكفة بس شوية بعيد عن بيته
اتصلت بيها
_ريما شوية وروحي لتبقين واكفة
_ليش
_هذا مو أحمد وعندي شغلة اخلصها واطلع بس اشوف الوضع طبيعي ادكلج معناها روحي
_لا لا ابقى واكفة
_ريما رجعي الدنيا ظهر وانتي وحدج بالشارع
نزلت من السيارة
وكفت كدام باب بيته تنهدت ودكيت الجرس
فتحلي الباب وهو مبتسم
كان لابس تيشرت عادي وبرمودة
_كلت غيرتي رأيج ومرح تجين
_لا اجيت
_يلا كدامي على المطبخ
دخلت ويا للمطبخ تفاجئت باكل على النار
انداريت علي _هاي شنو
هز رأسه_اكل
_صدك اكل مكنت ادري
ضحك
_قصدي هذا انت طابخة
_ترى اني عايش سنين برا يعني تعلمت اطبخ واكلي طيب هم هسة تشوفين
_ماشي نشوف
_بس ليكون تردين تأكلين على الجاهز كومي سوي السلطة
_هاي عود عازمني تالي تخليني اسوي الاكل بأيدي
_يي شكو بيها ساعديني شوية
بديت اسوي السلطة وهو واكف على الطباخ يحضر الاكل وهم مسوي شي بالفرن
طلعت فوني من الجنطة ودكيت على ريما وسديته
جهزنا الاكل وكعدنا على الطاولة
_يلا ضوكي وكليلي رأيج
بديت اكل _الصراحة طيب متوقعته هيج
_شعبالج لعد بعد اني مسويه
_منين تعلمت الطبخ
_الغربة تعلم ماكو اكل مثل هنا لو اكضي على الجاهز لو اتعلم فاختاريت انو اتعلم واستفاديت من النت
_صدك انت ليش عايش وحدك ليش مو وية اهلك
_باعي بعد مارجعت بقيت فترة يمهم بس ضجت لان متعود وحدي فطلعت من يمهم وعشت وحدي احس احسن نفسي ارتاح أكثر
رفعتله حاجبي _يي طبعا احسن محد يحسابك منو تدخل للبيت منو تطلع
_طبعا احس دتبسمرين بالكلام وتفكيرج مو نظيف ترى معندي هالسوالف من كنت هناك والبنات متاحات كدامي مو عاد هنا عزيمة وسويتيها علية قصة
كملنا اكل
كعدنا وراها بالصالة
شفت أوراق مشمورة بالكاع رفعتها
_هاي شنو
تأفأف _اوراق شغل
_لهسة محبيت شغلك انت
_ولا رح احبه بس الله يسامح الوالد
_ليش هو جبرك على الشغل
_يي بعد وفاة اخوية قبل سنتين جبرني ارجع استلم الشغل اني شكد حاولت ويا كلي اني بعد مو حمل شغل لازم انت تجي تستلم قبل مااجي اخوية كان لازم الشغل
_الله يرحمه
_تردين اشوفج البيت ترى اني صممتة واثثتة على ذوقي
_صدك
_يي اني كلش احب هالاشياء تعاي اشوفج
افتريت ويا بالبيت
صعدنا فوك شوفني غرفته بس من برا يعني مدخلنا ومكتبه هم كانوا كلش انيقات
اشرتله على غرفة كدامي _هاي الغرفة شنو
ضحك _ خليها لغير مرة هالغرفة
نزلنا جوة واني بالي بالغرفة الفوك ياترى شنو بيها معقولة الكي شي ضدها بهذيج الغرفة ليش مخلاني اشوفها اكيد اكو شي
قاطعني صوته _وين صافنة
انداريت علي _مصافنة وياك
بقينا نسولف عادي
باوعت الساعة _خالد تأخر الوقت لازم اروح
_ماشي على راحتج
_شكرا على الاكل كان كلش لذيذ
ابتسملي _ولو تدللين
طلعت من بيته ورجعت للبيت
كانوا اهلي نايمين اني الصبح بالدوام خابرت ماما كتلها حتغدى يم ريما
صعدت فوك
سبحت وبدلت
واني انشف شعري دك فوني
_ها جوج شصار
_مصار شي مسوالي شي
_زين معرفتي شغلة تفيدج
_اكو شي بقى ببالي من شوفني بيته اكو غرفة فوك مقبل ندخللها ماعرف شبيها أتصور بيها شي ممكن يفيدني
_مادام مخلاج تدخلين اكيد بيها شي
_لازم ادخللها واعرف شبيها
رحت لفراشي واني احط راسي حينفجر من التفكير
نمت بدون ماحس
كعدت من نومي غسلت وجهي ونزلت جوة
لكيت ماما كاعدة بالصالة
_ها ماما
_هلو حبيبتي
شوكت رجعتي
_صار هواية بس تغديت وجيت
_اكلج اني مشتاقة لاختج ليش منروحلها
_شوكت تردين اليوم
_بكيفج اليوم او باجر
_ماشي باجر نروح نشوفها
....
العصر ورا ماكعدت من النوم
جهزت نفسي ونزلت
لكيت ماما هم مبدلة
_يلا ماما
توجهنا لبيت اختي نور
فتحت الباب
_هاي شنو منوريني اليوم
_اشتاقينالج واجينا ماما كالت خل نروح كتلها يلا امشي
كعدنا بالاستقبال نسولف
ورا شوية نزل مهند من فوك
_هاي شنو منو يمنا
_حبيب بيبتك تعال يمي ابوسك
اجى كعد يم امي وهي تبوس بي
التفت علية
_ها جوج شخبارج
_الحمدلله
انت شلون دوامك
_عادي ماكو شي هي نفس الخلق كل يوم مكابلهم
_مسألتك على الخلق الوياك دا اسألك على دراستك شلونك بيها
جاوبت نور _يادراسة هو لازم ملزمة لازم كتاب من دخل للكلية وهو ولا يوم شفتة قرأ
دتكمل جان يقاطعها
باوع للساعة _هاي شنو صديقي ينتظرني تأخرت علي خل اكوم اروح
_طبعا من يصير موضوع دراسة تنهزم
كام ديطلع _امي هي كلية ترى تمشي تمشي شلون مجان
وباوع علية _ارتاحيتي من شعللتيها مو جانت ناسية
سويتلة حركة واني شعلية
ورا شوية كلت لماما نمشي بس نور اصرت نتعشى يمها
كمت وياها اساعدها
اكلنا سوة اني وياها وماما وزينة هم الي كانت تدرس بغرفتها
زوجها كان مسافر
رجعت للبيت
بالليل كنت دا احجي ويا خالد
_اشو مختفية من البارحة
_نمت من رجعت ومشفت فوني
_مشتاقلج
_البارحة كنت يمك لحكت تشتاقلي
_هو هذا الشي الي محيرني شبسرعة اشتاقلج
غلست على كلامه
_شخبار شغلك
_زين يعني ماشي الوضع
بقينا نسولف وراها سديته منه ونمت
....
بعد يومين
كعدت الصبح بدلت وجهزت نفسي
كنت مقررة اروح لخالد للشركة بس مكتله رج اجي
رحت للشركة وتوجهت لمكتبه
السكرتيرة عرفتني وخلتني ادخل
فتحت الباب
_صباح الخير
كام من كرسيه متفاجئ_صباح النور شهالمفاجئة الحلوة
_حبيت اجي اشوفك
_واني البارحة ساعة اقنع بيج علمود نطلع ومتقبلين طلعت تكذبين علية
ضحكت _هاي يسموها كذبة بيضة
خوما عندك شغل
_حتى لو عندي اتركه لخاطرج
طلب عصير
_صدك مشتاقيتي لاكلي
ضحكت _لا اشتاقيت
_يلا لعد شرفيني مرة لخ
_خل اشوف يوم مناسب الي اكدر اجي بي
بس هالمرة تسويلي دولمة
ضحك _اذا تردين دولمة لازم تجين من الصبح تساعديني مالحك وحدي
ضحكت _لا اذا هيج لعد سويلنا اي شي على ذوقك
كمت افتر بمكتبه
انداريت علي _سكرتيرتك حلوة
رفعلي حاجبه _ ترى مخطوبة ليروح بالج بعيد
ضحكت _منو كلك راح بعيد انت تفكيرك غلط اني مكنت اقصد هيج
_ماشي عيني اني فهمتج غلط
شنو رأيج نطلع نتغدة برا
_لا ماكدر اتأخر شوية واروح
ورا شوية طلعت من مكتبه
اول ماطلعت من الممر انصدمت واني اشوفه صار كبالي دقات قلبي زادت سرعتها بشكل مخيف
ابتسم من شافني _أهلا آنسة رحمة صح لو اني غلطان
ابتسمت غصب عني _يي رحمة
_كنتي موجودة يم خالد
_يي
باوعلي بنظرات متفحصة اشمئزيت منها _اتمنى نتعرف اكثر على حضرتج
_ان شاءالله
مشيت بسرعة وعفته
نظراته الي خوفتني مكدرت افسرها معقولة عرفني لا ماتصور هو اصلا نظراته هيج حقيرة
طلعت من المكان واني متوترة وخايفة انو عرفني
....
بالليل كنت اسولف ويا ريما
_ريما نظراته غريبة ماعرف للحظة شكيت انو هو يعرفني مادري ليش
_لا ماتصور بس هم اخذي حذرج منه
_هذا الوحيد رح احطمه من بعيد لبعيد ماريد اتقرب منه لو تشوفين نظراته أحمد ارحم بكومة
_تنفكس عيونه ان شاءالله
_صدك تعاي انتي شخبارج
_الحمدلله كلش مرتاحة
_دتطلعون انتي واياد
_يي نطلع دائما وقبل شكم يوم رحنا تغدينا يم أهله
_خوما امه سمعتج كلام
_يي سمعتي بس اني ماهتملهة شتريد تحجي خل تحجي المهم اياد يحبني
_زين اياد شلون قبل تحجي عليج
_لج مو كدامه تختار فرصة اياد ماكو من كمت اساعدها بالمطبخ لو من اياد صعد يبدل تكعد تشمر كلام بس كدامه تتصرف عادي
_شكد خبيثة تعرف شسوي بس انتي ابقي هيج لتهتمين بكلامها
_لا اصلا ولا عبرتها هسة كوليلي شحسوين
_كتلج لازم اروح لبيت خالد مرة لخ اريد اعرف هاي الغرفة شكو بيها
_هو كلج تعالي
_كلي خل نطلع مكلي تعاي لبيتي
_زين شتصورين شكو بيها ومخالج تدخلين
_مادري راسي حينفجر من التفكير مدا اكدر اتوقع شكو بيها
سديت الفون من ريما ورحت لفراشي
كعدت الصبح
بدلت وتوجهت لدوامي
كنا كاعدين اني وبنين نسولف
دخلت اسماء فجأة
_مازن هاي وينك البارحة شكد دكيت عليك
بنين بدت تسوي حركات بوجهها تقلد على اسماء
ضحكت عليها واني اشوف تعابيرها
_آسف البارحة صار عندي ظرف وانشغلت بي
كلتلها بنين _من دخلتي معرفتي تسلمين لو مخفين احنا منبين
باوعت على بنين بقلبي وكلت هو انتي يايوم رديتي عليها السلام كل متسلم متجاوبين
باوعت على بنين _آسفة عذروني بس كلش كنت خايفة وقلقة على مازن
_لتخافين علي هياتة كدامج جنة حصان
اندارت علية_كومي خل نطلع نشرب شي
طلعنا
كتلها_انتي شدعوة هلكد كارهتهة
_هيج بدون سبب ماطيقها
باوعتلها بنظرة واثقة_اكيد بدون سبب
_يي اكيد
ورا شوية رجعنا للغرفة
دك فوني الثاني الي كان بس خالد يعرفه
اخذت الفون وطلعت برا للحمامات
_صباح الخير
_صباح النور
_شدتسوين
_عادي كاعدة بالبيت
_شنو رأيج تبدلين ونطلع نتغدة
_لا ماكدر اطلع هسة لان كنت احضر الغدة ويا ماما ماكدر فجأة اكلها اريد اطلع اتغدى ويا صديقتي
_ماشي بس لازم نطلع قريبا
دخلت بنية للحمام
_خالد اني لازم اروح ماما تصيحني
_ماشي نحجي بعدين
سديته منه
رجعت للبيت
تغديت ويا اهلي
بعدها صعدت لغرفتي نمت شوية وكعدت
شفت مسجات من خالد
_هسة مكتيلي شوكت اشوفج
_مادري خل اشوف يايوم اكدر واخبرك
_حاولي تلكين يوم قريب
اني متعود من كنت برا انو اني واصدقائي وصديقاتي هناك كل يوم نلتقي فلهذا بما انو انتي صديقتي هنا اريد دائما اشوفج
ضحكت _يعني كل يوم
_لا أدري متكدرين كل يوم بس أكثر وقت ممكن
_اذا هيج ححاول بأقرب يوم نتشاوف
بعدين انت تريد لتقنعني انو لهسة متعرفت على صديقة غيري
_اتعرفت بس من خلال الشغل يعني كلامنا كله بالشغل مو اكثر
سديته منه واني افكر شلون اتخلص منه بأقرب وقت
رحت لفراشي وتمددت هالفترة شاغل بالي هذاك الحقير كل خايفة انو عرف اني منو معناها كلشي تدمر وحيبدي حتى يهددني بعائلتي مجرد التفكير بالموضوع وجعلي قلبي وحسيت اختنكت
لا ياربي بلكي معرفني اموت اذا صار شي لاحد من اهلي بسببي اني دخلت نفسي بهاي المخاطرة بس حتى مادخلهم بالموضوع
ياترى شنو الي ينتظرني الايام الجاية
نمت بدون ماحس على نفسي
فجأة فزيت على رنة تلفوني كان اتصال
فتحت نص عين باوعت الساعة ٣ الا ربع الفجر
اخذت تلفوني وفتحته بدون مااشوف واني مغمضة
_ الو منو
فزيت اجاني صوت هامس وناصي _اني....
توقعاتكم للقادم
منو المتصل
شكو موجود بالغرفة وليش خالد مقبل جمانة تدخل
بشير عرف جمانة لو لا
الأسرار حتنكشف شوية شوية
البارتات الجاية حماس كلش لهذا اريد تشجيعكم علمود اكتبها صح واتشجع اكتب بارتات طويلة....
ساعات قليلة وينتهي هذا العام بكل افراحه واحزانه وتنطوي صفحاته معلنا بداية عام جديد
فلنبدأ هذا العام بالحبكل عام وانتو بالف خير
ان شاءالله سنة سعيدة عليكمكلش فرحانة بوجودي وياكم هالسنة واشكر كل شخص شجعني ودعمني ولازال احبكم 😘
اتمنى تكون بداية عام حلوة على الجميع يارب
واتمنى تزيدون تفاعلكم ببداية السنة وتفرحوني 😂
اذا عدكم احد تعرفوا بالواتباد ادعوه للقصةاريد تكثرون المشاهدات والتصويت اتمنى تزيدوهم شكد متكدرون هالشي يفرحني ويشجعني والتعليقات هم
ابد لتنسون التصويت
أنت تقرأ
انتقام
Mystery / Thrillerاشتعلت نار الانتقام في قلوب لم تعرف الانتقام يوما امرأة خسرت 6 سنوات من حياتها وهي تقرر الانتقام ياترى من من ولماذا