_منو لكيتي
_الباقيين الي كانوا ويا أحمد
فكت عينها _صدك تحجين وين لكيتيهم
حجيتلها شلون شفتهم
_وهسة شناوية تسوين
_لهسة ممقررة شسوي
_جمانة الله يخليج لتسوين شي ترى لا عبالج الي صار ويا أحمد نجح هذا لان انتي صار مدة طويلة تخططين ومستعدة لأي شي وحتى كنتي مراقبته وتعرفين كلشي عنه بينما ذولة كلشي متعرفين الله يخليج لتجازفين وياهم
_اعرف هذا الشي كله اعرفه بس مستحيل اعوفهم
_جمانة لتدخلين نفسج بمشاكل بلة عرفوج شسوين
_محيعرفون مو هذا أحمد معرفني
_ترى أحمد احتمال كلش كبير انو شك انتي الي مسوية هالشي بي واحتمال يكوللهم
_هو اصلا ميعرف اني منو فحتى لو شك انو اني سويته عباله انو عندي مشكلة شخصية ويا مرح يعرفني لان ماعطيته اي معلومة صح عني بعدين هم علاقتهم منتهية اصلا بينهم مشاكل لان لاغين العقد مالتهم سوة
_لج جمانة ذولة اصدقاء يعني محتلعبين على شخص على اثنين عوفيهم الله يخليج
_ انسي تعرفين شنو انسي انو اعوفهم قبل مااحطمهم واذا وصلت حتى اقتلهم
كامت من مكانها_عزة بعيني جمانة دربالج تسوين هيج ابد لتوصلين لهالمرحلة الله يخليج
_احاول ما اسوي هالشي الا اذا اضطريت
_لا لا ابد ابد حتى لو اضطريتي
سايرتها بالكلام _يي ماشي
_وتعاي كوليلي ليش هيج عينج لتكولين كنتي تبجين من ورا هالكلاب ذولة
دمعت عيني _ريما كل الحادثة رجعت انعادت كدامي مكدرت انام البارحة واغمض عيني لان اشكالهم راسا تنرسم ببالي
اجتي حضنتني _ كافي حياتي انسي الي صار
_دا احاول والله شكد مااكدر بس احاول اتناسى لان مستحيل انسى
وخرت من يمي
_صدك اكلج شعدكم اكل
ضحكت_ باقي اكل من الغدا واكو كيك ماما مسوية
_يلا لعد امشي ننزل ضيفيني
_عساس محتاجة احد يضيفج انتي
ورا شوية راحت ريما لبيتهم
واني صعدت لغرفتي
بديت ابحث عنهم وادور اي معلومة ممكن تفيدني كانت ماكو معلومات هواية كلش قليلة ومو مهمة
أنت تقرأ
انتقام
Mystery / Thrillerاشتعلت نار الانتقام في قلوب لم تعرف الانتقام يوما امرأة خسرت 6 سنوات من حياتها وهي تقرر الانتقام ياترى من من ولماذا
