احمد كله _لتتأخر علينا
دخلني لغرفة وشمرني وسد الباب _لج صيري هادئة لتعبيني
بجيت بضعف _لتتقربلي ابوس ايدك لتلزمني بداعة امك
لزمني من زندي وشمرني على السرير _لج لتسوين ذني السوالف علية مال شريفة ومدري شنو ولتجيبن سيرة امي على لسانج
نزلت من السرير بسرعة دا اروح الباب
جرني من شعري وشمرني مرة ثانية _ نفس ماسامعلج لا اذبحج
_اذبحني ولا تسوي بية هيج
باوع بعيوني بوكتها عرفت هاي نهايتي سواد عيونه كان الظلام الي اني عايشة بي لليوم وصدك بذاك اليوم متت والي ولدت بعد هذاك اليوم هي جمانة جديدة
شك فستاني وتقربلي بكل وحشية
صوتي انبح من الصراخ بس مكان اكو احد ينقذني وكل مااصرخ يضربني راشدي ويجر شعري احس شعري كله تقطع بين ايديه
كام من عندي واني احس بالألم ديأكل بروحي _مو كتلج سهلة شفتي
طلع من الغرفة واني حاولت أقاوم ألمي وكمت شفت نفسي انزف واني دا البس هدومي دخل الثاني
توسعت عيوني وحركت رأسي بمعنى لا
_ها حبيبتي شبيج وين رايحة
_عوفني اروح كافي الي صار
تقرب يمي _لا لا بعد وقت
_الله يخليك وخر عني
دفعني على السرير وهم تقربلي ببشاعة وصوتي كام ميطلع انبح من الصراخ
عافني وطلع وراها بدون اي كلمة
بقيت على السرير مكدرت اكوم من الألم احس روحي رح تطلع وصدك تمنيتها تطلع واخلص من العذاب ودموعي تنزل بلا توقف بضعف وقلة حيلة
ورا شوية دخل الثالث والي كان أحمد
اثناء مايتقربلي اغمى علية بين ايديه وماحسيت بأي شي بعدها
....
اول ما فتحت عيني صرخت بعلو صوتي _وخروا عني
حسيت باب انفتح وأجاني صوت امي وهي تحضني _كافي حبيبتي اهدي هاهية ماكو شي انتي بحضني هسة
دفنت وجهي بحضنها وصوت بجي وشهكاتي مسموع بكل الغرفة _ماما موتوني ماما اني خايفة
_اش حبيبتي هاهية لتخافين انتي يمي وبحضني محد يكدر يسويلج شي
وخرت رأسي من حضنها ولزمته بين ايديها
_خوما تحسين بشي متوجعة
دموعي نزلت بضعف _ماما كل جسمي يأذيني وروحي واحس قلبي ديتقطع
كامت من مكانها _هسة اصيحلج الطبيبة تعطيج مسكن
طلعت من الغرفة واني بديت اباوع حوالية هسة استوعبت انو اني بالمستشفى بس شجابني لهنا شلون وصلت
البارحة كنت ببيتنا استعرض بفستاني كدام اهلي وأسألهم اذا حلوة علية شنو الي تغير شلون حياتي انقلبت بيوم واحد
بقيت متمددة ودموعي تنزل
ورا شوية دخلت ماما وياها الطبيبة ضربتني ابرة حسيت هدأت وانفاسي انتظمت شوية وغفيت
فزيت من نومي واني اصرخ _ ماما لحكيلي ماما وخريهم عني
اجتي امي تركض _حبيبتي اهدي هاي اني انتي بنصنا لتخافين فتحي عينج وشوفي
_ماما وخريهم الله يخليج وخريهم
عاطت ماما _صيح الطبيبة بسرعة
واني بقيت ارجف بحضن ماما الا ان اجتني الطبيبة هالمرة ضربتني مهدئ مو مسكن لان بعد محسيت على روحي
كعدت من النوم بس مدا اكدر افتح عيوني احسها ثقيلة بقيت مغمضة بس احس بالي حوالية
سمعت صوت ابوية وامي وهم يتناقشون
_البنية منهارة كلشي مرح نفتهم منها ومستحيل اخلي الشرطة تجيها وهي بهالحالة كلساع فازة سودة علية الله ليوفقهم وينتقم منهم طفلة شرادوا منها
_اني هم كتلهم البنية مرح تنطق بشهادتها لان كلش تعبانة ومنهارة
_زين سويت بس اني مدا اكدر اشوف بنتي هيج مدا اكدر وسمعت صوت بكائها
_لتسوين هيج كدامها هاي فوك ما انتي تقويها وتسنديها هيج تسوين كدامها
فتحت عيوني بثقل وهمست _اريد مي
ركضت ماما بأتجاهي اول مسامعت صوتي _ها حبيبتي كعدتي
همست _اريد مي
جابتلي واجتي شربتني
حسيت بأيد تنحط على راسي فزيت بحركة لا إرادية كان بابا
_ها حبيبتي شلون صرتي احسن
اكتفيت بهز رأسي
_ماماتي تأكلين شي شعاجبج
_ماشتهي ماريد شوكت اطلع
_بعد حبيبتي خل نتأكد من سلامتج
بقيت يومين بالمستشفى عرفت من ماما انو هم شامريني كدام بيت وصاحب البيت من طالع الصبح شايفني وجايبني للمستشفى
آخر يوم من دنطلع
حجت وياية ماما
_جمانة حبيبتي انتي اكيد تردين حقج ميروح ونلزم ذولة المجرمين صح
هزيت رأسي
_حبيبتي حتجي الشرطة تاخذ افادتج شنو تذكرين كليلهم اقل شي ماشي تكدرين لو لا اذا متكدرين عادي حبيبتي
_لا ماما اكدر
ورا شوية دخل ضابط سلم وكعد وماما لازم ايدي تقويني
اخذ اسمي وعمري وشلون صارت الحادثة
_متعرفين نوع السيارة
_لا اني ماعرف بالسيارات بس اصور كانت لون اسود
_اشكال المجرمين تعرفيها
غمضت عيوني واني اتخيل اشكالهم وبسرعة نفضت التخيل من بالي _ يي اعرف اشكالهم
_زين متكدرين تعرفين بأي منطقة ودوج
_لا كانوا سادين عيني طول الطريق
بس مشينا مسافة مو قليلة وهم مو هواية
_زين شكل البيت تعرفي
_يي بس اعرف فقط من الداخل
بقى يسأل الى ان انتهى من اسئلته وطلع
ماما بدلت تلم بغراضي
واجى بابا ورجعنا للبيت
ماما رتبتلي الغرفة الجوة الي يم غرفتها علمود ابقى بيها مخلتني اصعد وحدي فوك
بالليل اجتي علية
_ماما حبيبتي ادري الي صار وياج مو قليل وفوك تحملج وطاقتج بس اريد منج شي محد يدري بالي صار حتى اقرب الناس
بدت دموعي تنزل
ماما راسا مسحتها
_لا لتبجين بنتي القوية متبجي خاف عبالج كتلج هيج لان خايفة من الناس وكلامهم او خلانى من الي صار طز بيهم محد يهمني غيرج انتي ماريد نفسيتج تتأذة وانتي تسمعين كلامهم
هزيت رأسي_ماشي ماما
_تعاي حبيبتي نامي بحضني
أتذكر من دخلت للحمام بعد الحادثة اثارهم القذرة والجروح الي سببوها الي مالية جسمي بوقتها حتى دم طلعت من جسمي واني افركها واحاول امحيها بمرور الوقت اختفت الجروح بس جرح روحي وقلبي وشرفي مراح حيبقى ملازمني طول العمر
حاول بابا يوصل لشي بمساعدة الشرطة بس مكدروا يسون اي شي مكان اكو اي طرف خيط الهم هالشي حطمني زايد واني اشوف الي انتهكوا روحي عايشين بسعادة بعد ماعفوني جثة محطمة
مرت علية الايام صعبة كلش بهذيج الفترة افز من نومي بعز الليل واني اصرخ وتجي امي تقرأ قرآن على راسي وتحاول تهديني كان النوم عذاب الي الذكريات كانت تتجمع بي كنت اشوف اشكالهم مرة ثانية كان كلشي ينعاد مرة ثانية ببالي على هيئة كوابيس
اهلي شاعوا سالفة انو اني مريضة وكدروا يرتبون ويا مدرستي بحيث مادام كان هاي فترة سادس اهم فترة بحياة الطالب واني قضيتها بنفسية محطمة منعزلة عن كل العالم
صرت انسانة مختلفة جذريا متعرف الضحكة طريق لشفايفهة كانت تجي يمنا نور تبات وتجيب مهند وزينة ويحاولون يونسون ويطلعوني من العزلة الي دخلت بيها بس مكدرت اتخطى الي صار صرت عبارة عن جسد ويتحرك بدون روح وزني نزل بشكل مو طبيعي مجنت اكل غير لكمتين على الرغم من اصرار ماما علية
امتحنت سادس بمساندة اهلي الي بعد مكنت مقررة أجل السنة بسبب وضعي حققت المعدل الي اريدة وحلمي اذكر فرحة اهلي بهذاك اليوم بس فرحتنا كانت مطعونة طعن كلش كبير حاولت اتخيل فرحتي لو هذا الشي مصاير يمكن الكون كله ميوسعني
دخلت جامعة وبديت اتأقلم وية حياتي الجديدة صرت اقوى هواية بعد هالتجربة واقسى مكان عندي اي صداقات داخل الجامعة الا ان تعرفت على ريما كانت تحاول كل جهودها تتقرب مني وتصادقني مدري ليش اختارتني يمكن القدر دزها علمود ترجع جزء من جمانة القديمة وصدك رجع شي لحياتي بس ميعادل ربع الي كنت علي قبل ضحكتي الي كانت ترن ببيتنا كله هسة الابتسامة تطلع مني بالقوة
الا ان اجى الحدث الي غير حياتي من جديد هو شوفة أحمد واحد من هالمجرمين الثلاثة هنا تغيرت صرت انسانة اني اصلا ماعرفها كل هدفها بالحياة تنتقم وبس اول ماشفتة معفتة بديت اراقبة خطوة بخطوة عرفت عنه كلشي بس الشي الوحيد والي كان اهم شي عندي هو صلته بالمجرمين الاثنين البقية الي كانت مقطوعة تماما خططت علمود اقضي علي ونفذت الي اريده
....عودة للحاضر
اباوع لصورهم كدامي واحس نار مشتعلة بقلبي ودموعي تنزل بلا توقف وصوت انفاسي مضطربة مسموع
اجي وقت حسابكم وياية صدكوني مرح يكون عادي ابدا رح ادفعكم ثمن روحي الي ماتت ثمن شرفي الي انتهكتوا ثمن دموعي ودموع اهلي والمي طول هالسنين حسابكم وياية عسير نهايتكم مرح تكون الا على ايدي انتو الي حفرتوا قبركم بأيدكم واني الي رح ادفنكم بي رح تدفنكم جمانة الي انتو صنعتوها ولدت بين ايديكم انسانة مستعدة تسوي كلشي حتى تخمد نار الانتقام الي بقلبها.....
توقعاتكم للقادم
عرفتوا جواب للسؤال الي سألتوه من اول بارت
جمانة شنو حتسوي
......
تفاعلكم بالمشاهدات والتصويت والتعليقات
ابد لتنسون التصويتالقادم حماس حماس
YOU ARE READING
انتقام
Mystery / Thrillerاشتعلت نار الانتقام في قلوب لم تعرف الانتقام يوما امرأة خسرت 6 سنوات من حياتها وهي تقرر الانتقام ياترى من من ولماذا