حجيت وياها بصوت ناصي _ريما كافي خطية هو شعلي بالي سوته امه
_ماشي حياتي هسة اني اخليها تخابرها مرة لخ ويتفاهمون
سدت وكعدت يمي تتأفف
_ريما ترى هو معلي مو كل مشكلة تسويها امة خطية تذبيها براسة
_اني تعبت والله يعني ماعرف شسوي تدرين اني اعرف كلام امي كله صح بس اغلس عليه مع انو متأكدة اذا تزوجته هم مرح تعوفني بحالي
_شسوين ماكو شي يجي سهل تحملي
_صدك تعاي احجيلي شنو الشغلة الي كلتي ترديها من غرفته معقولة بس ردتي تكسرين الكامرات
_باعي هو ردت شغلتين الاولى اكيد ردت أكسر الكاميرات تعرفين ليش لان من عدها هم ممكن تطلع الفيديوهات فخفت تلكيها خطيبته وتنشرهم لان الفيديو الي دزيتها الة مغوش ممبين خصوصا البنية الي ويا كلش غوشت شكلها لان هي صح الي دتسوي حرام بس اني ماعرفها وممسويتلي شي مستحيل اخليها تنفضح بسببي رح ابقى احس بالذنب
_والثانية؟
فتحت جنطتي وطلعت الفلوس والاوراق _هاي الثانية
ريما وهي تقلب بيهم _شنو ذولة منين جبتيهم
_من الخزنة مالتة
_وشلون فتحتيهة غير لازم رمز
_تدرين شكد بقيت احاول الكف الرقم من خلال الكاميرا أيام أيام بالكوة لكفتة كلش تعبت لحد ماعرفته
_بس ترى المبلغ مبين كبير كلش
_يي حسيت مبينة ملايين أتصور مختلس اموال من الشركة هم
_زين هاي الاوراق شنو شحسوين بيهم
_لهسة ماعرف شنو بيهم خل اعرف علمود اشوف يفيدوني لو لا
شمرت على ريما مبلغ من الفلوس _حسبي ذني
بقينا نحسب الفلوس اني وياها طلع مبلغ كلش كبير
باوعتلي ريما بتساؤل _ شحسوين بهالمبلغ حتاخذي
_شبية تخبلت اخذ فلوس واعرف بيها حرام ومن أعمال مشبوهة رح اتبرع بيها لمكان
_احسن شي تسوي وهسة امشي خل ننزل نتغدى لان متت جوع
لميت الفلوس والاوراق ورجعتهم للجنطة ونزلت ويا ريما
_ماما شطابخة غدة
_هذا الفالحة بي بس اكل ونوم وتجينا المصايب من وراج
_بطلت هاهية حتى اكل مااريد واصلا اني مجوعانة هاي جمانة جوعانة
باوعت عليها _لعد منو كلي فوك رح اموت من الجوع
YOU ARE READING
انتقام
Mystery / Thrillerاشتعلت نار الانتقام في قلوب لم تعرف الانتقام يوما امرأة خسرت 6 سنوات من حياتها وهي تقرر الانتقام ياترى من من ولماذا