THE HEIRESS POOR CHARMING - COMPLETE

Kabanata 17

MAGKATULONG na naghanda sila ng makakain ni Pierce. Normal naman 'yong ginagawa nila. Minus lang 'yong mga kulitan at asaran nila. Panaka-naka niyang tinitignan ang ama at ang lolo ni Pierce na masayang nagkukwentuhan sa labas ng bahay habang nagkakape.

Halos patapos na rin naman sila. Ililipat na lamang niya ang mga nalutong ulam sa plato at mga mangkok. Si Pierce naman, busy sa paglalagay ng mga baso at plato sa mesa. Pinunasan niya ang mga basang kamay gamit ng tuwalya at lumapit kay Pierce.

"Sasabihin na ba natin?" mahinang tanong niya rito.

"Huwag muna, pakiramdaman muna natin sila."

Bumuntonghininga siya at malungkot na tinignan sa mga mata si Pier.

"I'm sorry," aniya.

She felt awfully guilty about their situation. Ang alam kasi ng ama niya ay buo na ang pagpayag niya na maikasal sa lalaking gusto nito para sa kanya. But life gave her a little detour in Pierce's life at ayaw na niyang bumalik sa boring at cynical niyang buhay.

"It's okay," ngumiti ito. "Hindi mo dapat pinoproblema 'to."

"Kakausapin ko si Papa."

"No, don't do anything yet. Ayokong mag-away kayo ng Papa mo dahil sa'kin. Ako ang mag-e-explain nang lahat. Ako ang unang na fall, kaya sagot kita, queen."

Natawa siya na naiinis. Napalo niya ito sa balikat. "Nakakahirit ka pa nang ganyan e caught in the middle na tayo."

"Pinapagaan ko lang ang nararamdaman mo. Masyado kang tense. 'Di naman kita tatakbuhan. Saka malay ko ba kung may nabubuo na riyan." Bumaba ang tingin nito sa impis niyang tiyan. Umawang ang bibig niya at napahawak siya roon. "Baka nakakalimutan mong 'di tayo gumagamit ng proteksyon."

"Pierce," sita niya rito sa mababang boses. Pinanlikan niya ito ng mga mata bago nilingon ang dalawang matanda sa labas. Thank God, busy pa ang dalawang matanda sa labas. Hindi niya naman mapigilan ang pag-iinit ng mga pisngi.

"Okay lang ba sa'yo 'yon?"

"Ang ano?"

"Na makabuo agad tayo?"

"If you're the father of my kids, then choosy pa ba ako?" Naglapat ang mga labi nito sa pagpipigil ng ngiti. Natawa siya sa mukha nito. Parang nagpipigil ng kilig. "Kinikilig ka ba?"

"Bawal ba?"

"Do you want me that much, Mr. Allede?" she teased.

"Sinong Allede ang tinutukoy mo? Si Lolo Manuel, si Papa o ako?"

She narrowed her eyes at him. "'Yong Allede na malakas ang loob na pinahiga ako sa karton –" Mabilis na tinakpan nito ang bibig niya ng kamay nito. Pilit niya 'yong tinanggal. "Annnbaa!"

"Nakakahiya."

Marahas na inalis niya ang kamay nito. "Ngayon ka pa nahiya? Wow."

Natatawang napakamot ito sa noo. "At least memorable ang first experience."

"Oo, sumakit 'yong likod ko."

At the back of her mind, ngiting-ngiti siya, true, 'yon ang pinaka 'di niya makakalimutan. Ang angkinin siya ng isang Pierce Kyries Allede sa loob ng jeep na punong-puno ng kaing ng mangga at tanging karton lang ang higaan at malong pa ni Ate Lita ang ginawa nilang kumot.

Hindi na nga yata naisauli 'yon. Itinago na lang niya. She highly commends Pier's resourcefulness in times of great need.

"SUSHI, anak, ikaw ba nagluto ng mga ito?" manghang tanong ng Papa niya sa kanya. Inilapag niya ang isang malaking bowl ng umuusok na sabaw ng baka sa gitna. Turo rin 'yon ni Ate Lita sa kanya. "At amoy masarap pa."