لاقيس

....الضدان....

الحب:...فرصة ليصبح الإنسان أفضل وأجمل وأرقى. الحب: ليس عاطفة ووجداناً فقط إنما هو طاقة وإنتاج... هو أعظم مدرسة يتعلم كل عاشق فيها لغة لا تشبهها لغة أخرى. مثل أي لعبة يمارسها اثنان... في نهايتهما : أحدهما يربح... والآخر يخسر. تجربة وجودية عميقة تنتزع الإنسان من وحدته القاسية الباردة لكي تقدم له حرارة الحياة المشتركة الدافئة. ...فضيلة الفضائل... به نعلو بأنفسنا عن العبث والتهريج والابتذال العاطفي... ونحمي عقولنا من الضياع والتبعثر الفكري ..... تجربة إنسانية معقدة... وهو أخطر وأهم حدث يمر في حياة الإنسان لأنه يمس صميم شخصيته وجوهره ووجوده... فيجعله يشعر وكأنه ولد من جديد......
فهل يمكن ان يكتمل كل هذا بين ضدان...؟

جياد : انتي حقيقه بجد يعني انا مكنتش بحلم لما طلعتيلي علي البحر وكمان لما لما كنت قصدي يعني لما كنا
نائله : اوه لما اخدتك مملكتي تحت البحر
جياد : انا اعرفك منين انا حاسس اني اعرفك واعرفك كويس اوي كمان
لتتحول نائله في لحظه لهيئه لاقيس بشعرها الاحمر الناري كما كانت تظهر في الملهي ليغمض جياد عينيه ويفتحها اكثر من مره غير مستوعب لما حدث امامه لينظر اليها في زهول ليجدها تقترب منه
جياد : خليكي عندك اوعي تقربي انتي ازاي كده انتي عملتي كده ازاي انا اكيد بحلم اكيد
لتقترب منه اكثر محدثه اياه
نائله : اهدي بس وتعالا اقعد وانا هفهمك كل الي انت عايز تفهمه ، اولاً انا اقدر اظهر في اي هيئه انا عيزاها بالشكل الي يعجبني دي مش صعبه عليا نهائيا ، ثانيا انت سألتني وقولتلي انك حاسس انك تعرفني وانك شفتني قبل كده فخليتك تعرف انت تعرفني منين وشفتني فين قبل كده
جياد : يعني انتي انتي لاقيس ولا انتي مين
ما ان ذكر اسم لاقيس علي لسانه حتي استشاطت غضباً لتهم واقفه امامه محدثه اياه بعصبيه شديده : انا مش لاقيس انا نائله نائله انا حاجه ولاقيس حاجه لاقيس بشر انا من الجن انت مش عايز تفهم ليه
جياد : طيب انتي اتعصبتي ليه دلوقتي
لتهدأ نائله مستوعبه كميه الرعب التي بعثتها في صدر جياد لتجلس مره اخري امامه محدثه اياه بهدوء : انا مش لاقيس يا جياد انا نائله
جياد : انا مش فاهم اي حاجه دلوقتي انتي في شكلها ولا اصلا مفيش وجود للاقيس ولا ايه بالظبط
نائله : لاقيس انسيه انا كنت بتلبسها يعني كنت بظهر في جسمها ليك ولغيرك
جياد : ليه ليه بتعملي كده ليه
نائله : عشان انتقم عشان اشفي غليلي
جياد : ولاقيس ذنبها ايه تعملي فيها كده
نائله والنار بدأت بالاشتعال داخلها : ايه صعبت عليك ولا حبتها
جياد : حبيتها لا محبتهاش مش هي الي حبتها مش الشخصيه دي الي حبيتها انا انا انا مش عارف انا متلغبط انا حاسس اني في دوامه مش عارف اخرج منها
نائله : عايز تفهم ايه وانا افهمك
جياد : ليه بتعملي كده ليه بتتلبسي جسم لاقيس وانتقام ايه الي بتنتقميه وانا لما اتجرأت وقربت من واحده فيكوا كانت مين انتي ولا هي مين الي بوستها
نائله : بعمل كده ليه وبنتقم ليه كل حاجه هتعرفها في وقتها وده مش وقتها مين بقي الي بوستها فاكيد هتعرف لو جربت تاني دلوقتي
جياد : قصدك ايه قصدك يعني اني
ولكنها لم تمهله الفرصه ليكمل كلماته لتقترب منه لتلصق شفتيها علي شفتيه مقبله اياه بجرأه لم تعدها لتجده يتجاوب معها بشده وكانه يخرج كل مشاعر خوفه وقلقه وحيرته في هذه القبله العاصفه التي اجتاحت كيانهم سوياً