لاقيس

عقد الدم

السبب والنتيجة شيئان متلازمان لا ينفصلا ولكنهما لا يكونا ابدآ في نفس القوة ... أحياناً تكون النتيجة قاسية جدآ لمجرد سبب بسيط ولكنه من شخص قريب واحيانآ يكون السبب قوي جدا فتكون النتيجه اقوى ...اذا كان هذا او ذاك يجب علينا دائماً احترام النتيجة مهما كانت قوتها لأنها بكل بساطه رد على سبب ما كان وراء تلك النتيجه...
والنتيجه الآن هي الدم ولا شيء غيره فإذا عبثت في شيء غامض لا تعرف مدى قوته او استهنت به فهيهات ثم هيهات سوف تغرق لامحاله في بطشه وجبروته ..
فرفقآ بنا يا نائلة .....
************************************
داخل منزل الحاج اسامه يجلس كما هو منذ ساعات قلقاً علي ابنه اخيه التي يعتبرها بمثابه ابنته الوحيده فهو لم يرزقه الله بالاولاد هو وزوجته سهام فاعتبروها ابنه لهم منذ ان ماتت امها واوصته عليها بعد ما حدث لها يجلس شارد الذهن يتذكر وفاه اخيه وابنته بعمر العامين وزوجته صغيره لتختفي بأبنه اخيه لمده ليعرف بعدها انها تزوجت وتعيش مع زوجها في محافظه اخري بعيده عنهم ليفاجئ في يوم بعد مرور السنين باتصال من زوجه اخيه تبكي وتستنجد به وتبلغه بانهي باحدي المشافي بين الحياه والموت وسرعه التوجهه اليها ليذهب اليها مسرعا ليعلم منها ما جعل الدماء تجف داخل عروقه لتستعطفه لياخذ ابنتها ويربيها فهي لم يعد لديها في هذه الحياه غير ساعات محدوده
اسامه : ليه يا فردوس اخدتي البنت ومشيتي حد كان قالك اننا هنقصر معاكي انتي او بنت اخويا في ايتوها حاجه
فردوس : ان كان حبيبك عسل متلحسوش كله الواحد يبقي حسيس يا حاج اسامه كان لازم اشوف حياتي واستقر والاقي الي يصرف عليا انا وبنتي انت عارف اني مقطوعه من شجره ومليش حد وربنا وقعني في واحد ما يعلم بيه الي ربنا كان بيضربني ويهيني وخمورجي وبتاع نسوان واستحملت وقلت عشان اربي بنتي لكن الي حصل ده قطم وسطي قطم وسطي يا حاج وضيع صحتي انا بموت خلاص بس بنتي لازم يبقي لها ضهر ويحميها من الي هتشوفه بعد الي حصلها
اسامه : حصلها ايه الي حصلها يا فردوس بنت اخويا مالها
فردوس ببكاء : بنتي في الاوضه الي جنبي يا حاج الله يجحمه مطرح مراح اغتصبها يا حاج اغتصبها وهو سكران اغتصب بنتي وهي مكملتش ١٢ سنه بنتي مستقبلها ضاع
اسامه بغضب : هو فين الراجل ده هو فين قوليلي لازم انتقم منه لازم انتقم لها مستقبلها ضاع هخرب بيته هو فين داهيه
فردوس : قتلته انا قتلته يا حاج لما شفته للاسف كان عمل عملته خلاص محستش بنفسي الا وانا ساحبه السكينه وغرزاها في قلبه لحد ما فرفر وطلع في الروح ولما جم يقبضوا عليا وقعت من طولي وجابوني انا وبنتي هنا وعرفت ان عندي سرطان في مرحلته الاخيره وهموت كلها ايام او يمكن ساعات وهموت السرطان انتشر في جسمي كله ومعتش فاضلي كتير اوعدني يا حاج تاخد بالك من بنتي اوعدني اوعي تسيبها لكلاب السكك تاكل لحمها اوعدني
اسامه : انتي بتقولي ايه يا ست انتي اسيب مين دي بنت اخويا يعني لو مشالتهاش الارض اشيلها جوه عيني وفوق راسي
فردوس : وده العشم بردوا يا حاج خدها وانت ماشي وسيبوني هنا لحد ما اموت انا معنتش عايزه حاجه من الدنيا غير اني اطمن علي بنتي وانا كده اطمئنيت عليها خلاص
ليعود اسامه من شروده ودموعه تهطل علي خديه كالمطر ليجد زوجته تدلف للغرفه تبشره بمجيئها
سهام : يا حاج اسامه يا حاج اسامه لولو رجعت يا حاج
اسامه : الحمد لله الحمد لله
ليقوم من مكانه مسرعا ليجدها تدلف داخل الشقه ليتحرك بسرعه نحوها
اسامه بلهفه : ايه يا لولو كل ده يا بنتي كنتي فين فيكي حاجه انتي كويسه تليفونك مقفول ليه
لاقيس : انا كويسه يا عمي وزي الفل اهو انت شايف فيا اي حاجه البت الي بتستلم مني اتاخرت شويه ومعرفتش ابلغكوا لان تليفوني اتسرق مني في الاتوبيس وانا نازله المغربيه
اسامه : يا بنتي مش كنتي تتصرفي وتطمنيني عليكي انا كنت هموت من القلق
سعاد : ما خلاص يا حاج ما هي زي الفل اهي البت جايه هلكانه من الشغل سيبها تدخل تاكلها لقمه وترتاح شويه وبكره ابقي كمل كلامك معاها تعالي يا لولو تعالي يا حبيبتي اعملك اكل
لاقيس : لا يا حبيبتي انا جعانه نوم سيبيني ادخل ارتاح ولما اقوم ابقي اكل هدخل اخد دش وانااام
سعاد : خشي يا حبيبتي خشي
اسامه : الحمد لله يا رب الحمد لله
************************************
داخل مملكه البحار تجلس نائله علي عرشها شارده الذهن تفكر فيما ستئول اليه الامور وكيف يمكنها الانتقام من بني البشر لتبرد نارها المشتعله داخلها لتجد ثلاث حراس يدلفون عليها غير حراسها
احد الحراس : احترامي لك يا سيدتي ولكن نحن هنا بأمر من الملك الاحمر فانتي مطلوبه للمثول امامهم للمحاكمه
نائله : انا مطلوبه للمحاكمه محاكمه لماذا وما سببها وكيف تجرئون علي الحديث معي بهذه اللهجه وكيف يبعث الملك الاحمر بحراسه لتبليغي بهذا القرار ولم يبعث بخادم من خدمه المقربين كيف هذا بعد كل ما قدمته للمملكه من تضحيات ودافعت عنها بجيوشي وقدمت حياتي في سبيل المملكه
الحارس : نحن مأمورون بهذا من الملك الاحمر شخصيا ومحاكمتك بعد لحظات فهلا جئتي معنا من فضلك
نائله : اخرجوا اخرجوا حالا سوف الحق بكم في الحال
ليخرج الحراس لتظل نائله مكانها تحدث نفسها
نائله : لابد ان هذا بسبب هذا الانسي اللعين كيف لهم ان يحاكومني علي دفاعي عن نفسي كيف لهم ان ينسوا من انا بكل قوتي وجبروتي كيف يخضعوني لمحاكمه لعينه كهذه
لتقوم من علي عرشها ذاهبه الي مقر المحاكمه لتقف امام مبني ضخم ليس كمباني بني البشر فهو ذو اعمده عاليه ضخمه من اللون الاسود ذو بهو واسع لتدلف داخل البهو لتجد في اخره ثلاث من الكراسي العملاقه يتوسطهم ملك عملاق ضخم الجثه يرتدي لباساً فضفاضا من اللون الاحمر وتاجا احمراً في منتصف قرونه دائريا بداخله ياقوته حمراء وياقوته زرقاء مكتوب في منتصفه الله اكبر وبجواره يجلس الملك شمهورش يرتدي ثيابا من اللون الاخضر وتاجا من اللون الاخضر ذو ياقوته لامعه خضراء والملك برقان يرتدي زيّاً إسلاميّاً أبيض اللون وتاجه ذو لون أبيض به خمس دوائر صفراء اللون ومكتوب عليه "أنصروا الإسلام". لتمتثل امامهم نائله لتجد الملك الاحمر يحملق بها بشده وعيناه الحمراء تشتعل ناراً ليتخدث بصوته المخيف الذي رج انحاء المملكه
الملك الاحمر : لماذا خرجتي عن عهدنا يا نائله لما خلفتي قوانينا بدون مشورتنا
نائله : كنت ادافع عن نفسي لقد القي علي تعويذه لحرقي استحضرني لخدمته مره وتسرع ولم يقم بالفرائض علي اكمل وجهه فألقيت عليه عقابي وزجرته بجناحي فخر صريعا فاقدا وعيه وما ان فاق حتي استدعاني مره اخري فذهبت اليه ليلقي علي طلسم الحمايه ثم القي علي طلسم قيدني به وما ان هم بتلاوه تعويذه الحرق علي وجدت نفسي اصرخ ليتحول منزله بكل ما فيه الي رماد اكنت اتركه يحرقني
الملك برقان : سنبعث الجساسين وجنودنا ليتحروا عن صدق ما قلتي ولكن ان اثبتوا كذبك علينا سيكون عقابك عسير اذهبي من هنا ولكن اعلمي انك ممنوعه من مخالطه البشر دون اذن منا رغما عن اي انسي لا تقتربي منهم بدون موافقه منا لحين ثبات برائتك
لتذهب نائله من امامهم والف حديث وحديث يدور برأسها كيف لها ان تنتقم لنفسها كيف هي تعلم انها ممنوعه من مخالطه البشر الآن ولكن مهلا هناك حلاً لابد لها ان تعمل عليه لتذهب وبداخلها اصرار علي الانتقام
************************************
داخل غرفه لاقيس تنام لاقيس علي سريرها تاركه شراعه نافذتها مفتوحه لتهب فجاءه رياح عنيفه تصطدم بها لتفتحها اكثر مصطدمه بالحائط لتطير علي اثرها ستائر الغرفه الرثه لتستيقظ لاقيس من نومتها فزعه
لاقيس : بسم الله الرحمن الرحيم ايه الهوا ده ده احنا في الصيف في ايه
لتعود مره اخري لثباتها من شده تعبها لتجد حراً شديده يحيط بها من جميع الجهات واسمها يتردد وكان احد ينادي عليها من فوق السماء السابعه
لااااااااقيييييييس ... لااااااااقييييييس
لتفتح عينيها ببطيء فهي قد سمعت هذا الصوت من قبل لتجدها امامها بهيئتها البشريه وشعرها الاحمر الطويل تربت علي شعرها الاسود ببطيء
لتتذكر ما حدث معها منذ ساعات حين عثرت عليها نائله علي شاطيء البحر وهي في حاله رثه جثه بها الروح قد تفارق الحياه بعد لحظات عاريه الجسد تنزف من جميع انحاء جسدها ومليئه بالجروح والخدوش لتستيقظ علي وضعها يديها علي رأسها تلقي بالتعاويذ لتجد نفسها كما كانت منذ ساعه واحده بثيابها وبلا خدش واحد
لاقيس : انتي مين وازاي قدرتي تعملي فيا كده
نائله : انا ملكه من ملوك الجن سأساعدك وتساعديني للانتقام
لاقيس بخوف : جنيه يعني انتي جنيه
نائله : لا تخافي مني خافي من بني جنسك اللعين فلولالي لكنتي الآن في عداد الموتي
لاقيس : طب طب انتي عايزه مني ايه دلوقتي
نائله : تردي الجميل .. انا اعلم عنك كل شيء منذ ميلادك وما تعرضتي اليه في كل حياتك وماذا تعملين الآن ستساعديني وسأساعدك للانتقام من بني البشر المؤذيين
لاقيس : اساعدك وتساعديني ازاي مش فاهمه
نائله : ليس الآن يا لاقييييس الآن ستعودين لمنزلك وسألقاكي قريبا لا تخافي
لتبتسم لها لاقيس بهدوء لتجد نائله تضع يديها علي رأسها لتغمض عينها وتفتحها لتجد نفسها امام باب شقتها في منزل عمها
تعود لاقيس من شرودها لتجد نائله قد احمرت عيناها بشده وتنادي عليها بصوت جهوري
لااااااقييييس لاااااااقيس
لاقيس : ايوه ايوه وطي صوتك للي في البيت يسمعوكي
نائله وهي تضحك بصخب : متخافيش محدش يقدر لا يسمعني ولا يشوفني غيرك
لاقيس بدهشه : انتي بجد حقيقه انتي هتساعديني فعلا اني انتقم من كل الي اذوني
نائله : فعلا هساعدك بس مش هقدر اساعدك مساعده كامله لاني تحت محاكمه حاليا لازم توافقي علي كل الي هيحصل بمحض ارادتك الكامله والا مش هقدر اساعدك ولا تساعديني
لاقيس : طيب انتي هتساعديني عشان انتقم من الي اذوني وانتي قلتي انك عارفه السبب انا هساعدك تنتقمي منهم ليه عملولك ايه
نائله : اذوني زيك بالظبط ولازم انتقم منهم
لاقيس بتفكير : طيب انا موافقه بس انا هعمل ايه بالظبط
نائله : مدام موافقه يبقي خلاص ملكيش دعوه باي حاجه هتحصل لانك لا هتحسي ولا هتشوفي اي حاجه انتي هتبقي مسيره فقط بتتبعي تعليماتي فقط وهتلبسك انا الي هنتقم مش انتي هنتقم بجسدك لاني مينفعش انتقم بجسدي
لاقيس : انا مش فاهمه حاجه بس انا مصدقاكي وهساعدك زي ما ساعدتيني وهتساعديني
لتبتسم نائله للاقيس لتبادلها لاقيس الابتسامه وتختفي نائله من امامها فور سماعها دقاً علي باب غرفته لاقيس
سعاد : يا لولو انتي بتحلمي ولا ايه بتكلمي مين يا بنتي
لاقيس : ايه ايه يا اما انا كويسه كنت بحلم مفيش حاجه
سعاد : طيب يا حبيبتي قومي يلا عشان تلحقي تاكليلك لقمه احنا بقينا العصر عشان تلحقي شغلك
لاقيس : طيب انا قايمه اهو....
************************************
لتستعد لاقيس وترتدي ثيابها بنطلون جينز ازرق وتيشيرت ابيض وتعصق شعرها كحكه كبيره جدا لاعلي راسها وتخرج لتجد سعاد تحضر الطعام
لاقيس : اومال عمي فين يا أما
سعاد : نزل يصلي المغرب يا بنتي هو اكل كلي انتي يلا
لاقيس : هاكل بسرعه لحسن اتاخرت
سعاد : يا بنتي كلي علي مهلك اقعدي كلي الاكل هينزل في رجلك
لاقيس : لا لا مفيش وقت انا اتاخرت
لتلتقط ورك فرخه في يديها وقطعه جلاش في فمها لتلقي التحيه علي سعاد وتغادر منزلها لمصيرها المجهول
تتجهه بعد ذلك لذلك الملهي الليلي وما ان خطت عتبته حتي شعرت بالدماء تغلي في عروقها وتندفع لاعلي رأسها كانها بركان يدفع حممه خارجا من رأسها لتتجه الي حسني قوادها
لاقيس : بقولك ايه يا حسني انا من النهارده لو جالي زبون خارجي وافق انا مش هفضل هنا في المخروب ده
حسني : يخرب بيتك يا بت معرفتكيش انتي غيرتي لون شعرك
لاقيس وهي كالمغيبه تتحسس شعرها : اه غيرته عندك مانع
حسني : وده لاقيتيله صبغه علي قده فين ومن امتي وانتي بترفعيه كده
لاقيس : هرفعه علي طول هدخل اغير هدومي واطلع شوفلنا زبون سقع كده
حسني : قشطه يا جميل طب بقولك ايه ما تعتبريني انا زبون النهارده
لاقيس : اتقل يا حسني اتقل دورك جاي بس مش دلوقتي
حسني : امووووت انا يا وحش
لتتجهه لاقيس لغرفتها ويقف حسني مكانه مزهولا من تغيرها
حسني : البت دي مالها عينها سوده كده ليه انا عمري ما شفت واحده بتلبس لينسيز اسود اوي كده وشعرها الي مخلياه زي النار الموحوحه دي بس ايييييييه شديييييده شديييييده اوي
تقف لاقيس امام مرآه غرفتها تنظر لهيئتها الجديده التي لا تعلم متي تحولت اليها لتجد نائله تجلس خلفها علي كرسي في اخر غرفتها
لاقيس : خضتيني انتي جيتي امتي
نائله : لا اتعودي علي وجودي عشان انا مبستاذنش عشان اظهر .. جاهزه
لاقيس : جاهزه لايه وليه شعري بقي احمر وعيني سوده اوي كده
نائله : ده مش دلوقتي بصي كده
لتنظر لاقيس الي المرآه مره اخري لتجد انها طبيعيه بشعرها الاسود وعينيها السوداء ولكن ليست كسوادها منذ لحظات
لاقيس : هو ايه الي بيحصل بالظبط
نائله : انتي مبتتحوليش الا لما ابقي جواكي ومكانك غير كده هتبقي طبيعيه جدا
لاقيس : اااااااه فهمت طيب والمطلوب مني دلوقتي
نائله : المطلوب منك تلبسي الفستان ده وتطلعي من الاوضه غير كده ملكيش دعوه
لتنظر لاقيس خلفها لتجد فستان اسود طويل الي الكاحل بفتحه طويله لاعلي فخديها مطعم بزمرد اسود لامع وفتحه صدر واسعه وحملات رفيعه جدا
لاقيس : ايه الفستان ده وجه امتي هنا ده حلو اوي
نائله : ده من مملكتي هديه مني ليكي
لاقيس : هديه ليا انا ده حلو اوي اوي
نائله : يلا البسيه واجهزي بسرعه الزبون وصل
لاقيس : زبون ايه
نائله : مش قولنا بلاش اسئله كتير
بتذهب لاقيس خلف البرفان لترتدي الفستان لتذهل من شكله عليها فهو وكانه مصنوع خصيصا لها يظهر منحنيات جسدها الممشوق ومفاتنها الجذابه لتخرج لتجد نائله قد اختفت مره اخري وتشعر مره اخري بالدماء تفور داخلها صاعده لاعلي رأسها لتنظر لهيئتها مره اخري بالمرآه لتجد شعرها قد تحول للاحمر وعينيها للسواد القاتم لتخرج من الغرفه كالمغيبه لتجد حسني يستند علي البار ينظر اليها بزهول وكل من في المكان قد تحول انظارهم اليها لتتوقف الموسيقي فجاءه ويتوجهه اليها عشرات الرجال ليركعوا امام قدمها طالبين قربها لتتركهم وتذهب لحسني
لاقيس : ها يا حسني اختارت مين هيفوز بيا النهارده
حسني وهو يفتح فاه علي وسعه : هاااااا انتي ايه يخرب بيتك ايه الجمال ده
لاقيس : دي اقل حاجه عندي ده انا هبهرك اختارت ولا اختار انا
حسني : لا اختار ايه بقي ده انتي تشاوري بس
لاقيس : طيب شايف الراجل الي هناك ده
حسني : ده كبير علي القمر بس ماشي نجيبه ده ما هيصدق وهيديكي دبل
لاقيس : لا دبل ايه انا عايزه ٣ اضعاف ولو مش عاجبه نشوف غيره
حسني : لا لا نشوف يا جميل
ليدهب حسني للرجل ويتحدث معه لتجده يقوم من جلسته تاركاً الفتاه التس بحوذته متجهاً معه ناحيه لاقيس ليبتسم لها لتظهر اسنانه الصفراء ورايحه فمهه الكريهه
حسني : الباشا وافق وهيديكي اربع اضعاف بس تبسيطه
لاقيس : متقلقش ده انا هبسطه اوي يلا بينا يا باشا
الرجل : يلا يا قمر يلا
لتذهب لاقيس معه لياخذها بسيارته لفيلا في مكان نائي
الرجل : انزلي يا قمر
لاقيس : اوك يا باشا يلا يينا
لتدلف معه داخل الفيلا لتجدها مليئه بالاتربه
لاقيس : ايه القرف الي انت جايبني فيه ده احنا متفقناش علي كده
الرجل : لا لا متخافيش الاوضه فوق زي الفل وفيها كل الي هنحتاجه ملكيش دعوه بهنا
لاقيس بضحكه : ههههههه اذا كان كده يلا بينا بس الاول كده ايديك علي الامونيا
الرجل : عنيا ليكي اتفضلي كل ما املك تحت رجليكي
لاقيس : اوبااااا بقي يلا بينا
لتصعد معه للغرفه لتدلف داخلها وهو معها لتسحبه من جاكيت بدلته خلفها لتسقطه علي السرير وتعتليه
لاقيس : تحب انت تسيطر ولا اسيطر انا
الرجل : لا براحه عليا انا مش قدك
لتقوم لاقيس من مكانها واقفه لتفتح سحاب فستانها ليسقط ارضا لتدفعه للخلف برجلها مبعده اياه عن الارض لتجد الرجل يبحلق بها وهي بثيابها الداخليه السوداء
لاقيس : كان نفسي اعمل معاك الواجب والبسلك قميص بس مش معايا للاسف اظن ده يكفي بالغرض
الرجل : ده يكفي اوي اوي ليقوم ليقترب منها ليجدها تدفعه علي السرير مره اخري مبعده اياه عنها لتحمر عيناها مع سوادها الشديد وكانها تخرج نيران ليرتعب الرجل منها ليجدها تفرد شعرها الطويل الاحمر وتلفه علي رقبته وتشد عليها بقوه ولكنها ليست قوي بشريه ليخر صريعا في لحظات مختنقا لتقوم من عليه وكانها لم تفعل شيء ترتدي فستانها وتاخذ اموالها وتتركه مكانه وتخرج تاركه خلفها جثته لتندلع النيران بالفيلا ما ان خرجت منها
************************************
الروح والجسد دائمآ متلازمان هناك من يفرط في جسده فقط ويحتفظ بروحه لعله يومآ ما يستفيق من غفلته ويعود الى صوابه وهناك من يفرط في روحه ويحتفظ بجسده فيعيش بلا هوية كالميت الحي اما ابشعهم هو من يفرط في الاثنين معآ يبيع جسده لمن يقدره بالمال ويبيع روحه للشيطان حتى يحصل على مبتغاه ... فلنرى معآ ماذا سيفعلا سويآ...

براااااحة علينا شوية يا نائلة ....😲