| أمانة حيدر | ' باللهجة العراقية '

الفصل الثاني و العشرون

#أمانة حيدر
#بقلم:الراويه
#الفصل"٢٢"

بسم الله ❤🕳

.

يُسر..

گعدت من الصبح چان يوم جمعة الكل نايم و الساعة تقريباً بال٧ بس بقيت بفراشي متمدده، احس گلبي يدگ بسرعه
ما رحت بس مرتين ل قبره، من توفى ورا اسبوع رحنا اني و امه و ابوه ل حيدر و راح جمال ويانا
و ثاني مره من صار عمر حيدروي شهرين و هو هسا عمره ١٠ اشهر تقريباً

اخر شي گمت من مكاني من صارت بال٨ الا ربع نزلت جوه لگيت عمتي گاعده اجيت اگول الها بس گلت لا.. خلي سلام يگول الها

گمت احظر بالريوگ و گعدوا رواء و عثمان، خليت الريوگ بغرفة الگعده و صعدت فوگ اگعد سلام
لگيته توي طالع من الحمام

- تعال تريگ

هز راسه باي و وگف يم المرايه ينشف بشعره اجيت اطلع بس وگفني و هو يگول

- تريگي و تحظري من نكمل نطلع

- اني ما گلت لعمتي

- اني اگول الها

- خوش لعد

نزلت جوه و هو ورا لحظات نزل گعدنا نتريگ بس احس سلام بي شي، وجهه مثل الضايج
يمكن علمود الروحه؟ بس هو يريد يروح و هو فتح الموضوع ليش يضوج اصلاً

گملنا و اخذت المواعين و غسلتهن گلت عيب من رواء هسا اروح و يبقى الشغل عليها
اجيت اصعد فوگ و صاحلي سلام واني واگفه عند الدرج و هو يم باب غرفة الگعده

- خليلي ملابس عود

- اوكي

صعدت فوگ سبحت و گعدت حيدر نزلته جوه و طعمته لأن بديت اتركه المميه و اخليه ياكل
بدلت اله و طلعت ملابس الي و لحيدر و خليتهن بالجنطه
و طلعت ملابس طلعة و مالت بيت ل سلام و خليتهن بجنطه صغيره، هو شويه و صعد
غير ملابسه و اني لبست عبايتي و لفيت حجابي
اجبت اشيل الجنط بس گال

- لا تشيليهن انطينيها

اخذهن و نزل جوه و اني اخذت حيدر و جنطتي الصغيره و نزلت وراه
سلمت على رواء الي تلگتني عند الدرج، و رحت ل عمتي سلمت عليها گلت هيا بس لا تضوج
باستني على راسي و گالت

- ديروا بالكم على نفسكم، و ابنچ ديري بالچ عليه

- ان شاء الله عمه

فات سلام من برا  وگال

- يلا يُسر

سلم على امه و طلعنا، توكل على الله و شغل السيارة و اني گاعده ليگدام چانت الساعة بال٩ الا ربع تقريباً
الطريق طويل خمس ساعات و ربع الطريق كله مره اغفى و مره اگعد وگفنا يم مطعم من صارت بال١٢ الظهر، و راح جاب سفري گاا يا دوب نوصل بال٢
هو ما اكل بس اني، و حيدر ضوجني بس اطعم بي ما يريد و لازم اشيل بالاكل بيدي
وگف سلام السيارة و التفت عليه و گال