| أمانة حيدر | ' باللهجة العراقية '

الفصل التاسع عشر

#أمانة حيدر
#بقلم:الراويه
#الفصل"١٩"

بسم الله ❤

.

يُسر..

بالليل گوه نمت و احس ايدي راح تموتني من الوجع
سلام ما نام كل ما اگعد هو يفز من مكانه، اشوفه خايف و قلقان عليه
ورا كل الي حچيته و الي سويته وياه بقى مثل ما هو و ما تجاهلني مثل ما اسوي اني

يوم الجمعه اجا و ايدي ما خف وجعها و حتى عمتي و رواء رفضن انو اشتغل او اشيل شي ثگيل و رواء تكفلت بكلشي و الحمدلله اجت رشا و ساعدتها و راحت ورا الغدا

العصر اجت مراة هي و كنتها تصير قرايب عمتي من بعيد حتى يسلمن على سلام، الي فات سلم و طلع لأن وياهم الكنه و مو چبيره بالعمر
المراة کان يطلع عمرها بال٥٠ و تنطي شبه ل سميه
من فتت و سلمت و عرفتها عمتي عليه ما شالت عينها عني بس تباوعلي

شويه و چان تگول

- بنتي شلونچ

- الحمدلله خاله

- سلامتچ ليش ايدچ ملفوفه ؟

- شلت الزوليه و گامت توجعني

- اخاف مفصوخه ؟

- شلون يعني ؟

هزت راسها و گالت تعالي
گمت و گعدت بصفها و هي لزمت ايدي و فتحت الفاف بقت تباوعلها و حركتها لو طارت روحي باوعت ل عمتي و گالت

- ايد جنتچ مفصوخه يا ام سلام

- عزا العزاني هسا شيخلصني من سويلم

باوعتلها و الدمعه بعيني سلام شعليه هسا هو المريض لو اني

- زين عمه هسا شلون

حچيتها بخوف لأن اول مره يصير بيه هيچ
و هي گالت

- لا لا تخافين هسا افصخها الچ

سحبتها و گلت بخوف و اني ارجع الف الشاش

- لا عمه عوفيها و الله توجع

- يا يمه ما يصير تبقى هيچ لازم تتفصخ، حتلو رحتي للدكتور راح يسويلچ هيچ

باوعت ل عمتي الي حچتها و هي تگوم و تگعد يمي
رجعتت باوعت للمراة الي گالت

- دحگي صح ما افصخها راح توجعچ و تبقى توجعچ هيچ ساعة بس والله اطيب بسرعه

- عمه على بختچ لا والله ما اتحمل

- عجل خايبه شلون جبتي ابنچ و انتي تخافين من التفصخ

باوعت ل عمتي الي حچتها و كلها گامت تضحك، مشكوره عمه على هاي التفشله الزينه

جريت حسرة وگلت

- عمه فصخيها بس عفيه على كيفچ

- مو تدللين

رجعت اخذت ايدي و گامت تحرك بيها من معصمها يسرى و يمنى و اني گوه كاتمه الوجع
اخر شي گالت ل رواء جيبي زيت و اذا زيت زيتون احسن
راحت رواء و جابته و خلت شويه على ايدي و بقت تفرك بيها صح توجع بس گلت وجع ساعة و لا كل ساعة
اخر شي لزمت كفي و باوعت عليه و گالت