| أمانة حيدر | ' باللهجة العراقية '

الفصل الثالث عشر

#أمانة حيدر
#بقلم:الراويه
#الفصل"١٣"

بسم الله 🖤

.

سلام..

وخرت عنو بعد ما نزلت كل دموعها و هي حاظنتو و هو بس يطبطب على كتفها حتى تسكت و تبطل بچي
ظليت ادحگلها احسها گاعد تشكي افعالي الو
تقدمت عليه و شبكتو بصوت ناصي گلت

- يول شبيك ؟

- قصة طويله

حچاها نفس نبرة صوتي دفعتو بالكرسي و گعدنا على الكراسي ظلت يُسر لازمه ايدو و بيد حاظنه حيدر
جريت حسرة من گالتلو بعبرة

- مشتاقلك هواي

- اني اكثر يا بعد اخوچ
گوليلي شلونچ ؟

- اني زينه، انته شلونك و شبيها رجلك

تنهد و گال

- زين بس مرات اضوج

- جمال شبيها رجلك ؟

سالتو اني و هو دحگلي و گال بهدوء

-وگعت و انكسرت

-وين وگعت ؟

سالتو يُسر و هو جاوبها بسمه

- بالحمام الگاع مبلله و ما انتبهت و وگعت
بس هسا احسن

- شوكت ؟

- قبل تلث ايام

دحگ عليه من سالتو و اني اريد اشوف نظرات عيونو و منها اعرف اذا چان صادگ لو كاذب

- القدم مو ؟

دحگلي و اني رفعتلو تك حاجب هو تنهد و هز راسو
عرفتو من نظرات عيونو اكو شي ظامو علينا، و من شفتو دحگ بطرف عيونو ل يُسر عرفت انو ما يريدها تعرف

هزيت راسي و تنهدت، اخذ حيدر بحظنو و گام يبوس بي و يحچيلو شگد مشتاگلو

من تا نطلع و خلصت الزياره، حظنها ل يُسر و رجع شبكني طبطبت على ظهرو و هو گال بصوت ناصي

- الاسبوع الجاي تعال اوكي ؟

- خوش

وخرت عنو و اجا الشرطي و اخذو و ظلت يُسر ادحگلو و دموعها تنزل بهدوء
تنهدت و گلت

- يلا

اندارت عليه و دحگتلي برود و مشت بعد ما تناوشت حيدر مني
رجعنا للشقه و ظلت طول اليوم حبيسة الغرفة، العصر حدرت للسوگ و اشتريت الي كم حاجه و ملابس ل حيدر
و اخذت حبشكلات للعيله اخاف تستقبلني دلال و هي اطالب بهديه
فتت من يم محل ذهب، ظليت ادحگ للخانه و جذبني خاتم ذهب ناعم و بسيط
شافني صاحب المحل و ابتسم
ما گدرت اتجاوز جمالو للخاتم، لذلك فتت و ورا السلام گلتلو و اني اشر عليه

- تشوف هذاك الخاتم ابو الورده الصغيره انطينيا بلا امراً عليك

ضحك و گال و هو يفتح الخانه حتى يطلعوا