درب الحب

الفصل السادس

الفصل السادس

ها هديتى

قالتها ندى وهى تهم بإزالة دموع زهره التى كانت كفيله بشرح ما تعانيه هذه المسكينه

لتكتفى زهره بإماءه بسيطه دليل علي الموافقة

قوليلي بقي يا ستى مالك وبراحه كده علشان أختك مخها جزمه

لتضحك زهره علي جملة ندى الأخيره وهذا هو هدفها

كريم عامل نفسه اهبل ياندى  لحد دلوقتي لسه مفاتحش بابا فى موضوع الجواز  وكل إللى شاطر فيه أنه يقعد يستحلفلى انا لو حد اتقدملى وانا أعصابى خلاص مبقتش مستحمله

ومن بجاحته يقولى أصل أنتى اختى وانا مرضاش لاختى اى حد لازم يكون حد كويس

لتسألها ندى بإستنكار طيب وانتى بتعملى إيه لما يقولك كده

لتطأطى زهره رأسها وتجيبها بخزى
مبعملش بقوله حاضر

لتفاجئها ندى بصياحها طيب ماهو لازم يعمل كده ماهو لاقي البقره إللى ماشيه وراه وهى مغمضه

عاتبتها زهره بقي أنا بقره يا ندى تشكرى ياستى

اخرستها ندى بنظره منها إنتى متتكلميش اصلا وبلاش جو النحنحه ده صدقينى مش هينفع معايا

طيب قوليلي أعمل إيه

إنتى عمايلك سودا ده أنتو المفروض دلوقتى كان معاكوا عيال
ماهي معروفه من زمان أنك لكريم وجميله أختك الله يرحمها كانت لياسين

لتتنهد زهره والذكرى تدميها
الله يرحمها

طيب ليه منقولش لياسين صاحت بها ندى بعد صمت دام لثوانى

ازاى أقوله واقوله إيه اصلا هقوله جوزنى أخوك

لتنفى ندى بإستهجان
أكيد لا بس هنقوله علي عمايل اخوه متهيألى هو مش هيرضى بكده ويا اخوه ياخد خطوه جديه يا ملهوش دعوه بيكى وكمان انا هكون معاكى مش هسيبك متقلقيش

ألقت زهره نفسها فى احضان ندى بعد عبارتها الأخيره و هى تبكى علي ذكرى أخت كانت درع الأمان بالنسبه لها أخت كانت مخزن أسرارها ولكن وللحق ندى دائما ما كانت تعامل زهره علي أنها أخت لها فهذا ماعوضها قليلا عن غياب جميله

لتتركها ندى تفيض بكل ما يجيش صدرها وتعزم أمرها علي مساعدة زهره فهى تستحق ما هو أفضل

............. 

هو ده إللى حصل يايوسف وياريت متتهورش انا عملت معاه إللى يستحقه
قالتها مهره سريعا وهى تحاول السيطره علي يوسف الذى بدأت أعضائه فى التحفز للاشتباك مع هذا النذل بعد مااخبرته بماحدث

يعنى إيه ان شاء الله إنتى بتهزرى .. لا و كمان جايه تقولى أنك مكنتيش عاوزه تعرفينى علشان المشاكل علي أساس إنى سوسن

ياحبيبى والله ابدا بس انا بقول منعا للمشاكل وهو الحق يتقال يعنى أنه مغلطش ده هو عاوز يتجوزها مش بيقول همشي معاها بس انا إللى عملت فيه ده علشان يشيل الموضوع من دماغه خالص