درب الحب

الفصل الثالث

الفصل الثالث

مش عارفه يامهره بابا هيوافق ولا لا علي حوار الشغل ده

هذا ما أجابة به ندى علي طلب مهره بالعمل معها فى نفس المكتب الذى تعمل به والذى هو ملك لمحامى مشهور

لتنتهز مهره هذه الفرصه التى أتت لها علي طبق من ذهب وهى عدم رفض ندى العمل فهى دائما ماكانت تعرض عليها هى وشمس العمل وكان اقتراحهم يقابله الرفض القاطع الغير قابل للنقاش

ملكيش دعوه ياستى انا هكلم عمو وهو مش بيرفضلي طلب اطلعى انتى منها بس

انا مش عارفة اى جو العشق الممنوع إللى انتى عايشه فيه انتى وبابا ده

لتسارع مهره بفرد كفها فى وجه ندى علامه علي منع الحسد

الله اكبر قرى بقي

لا انا بحسد بس

لينخرطوا سويا فى موجه من الضحك ليس علي هذه الكلمات التافهه ولكن ليربتوا علي قلوبهم المتألمه بفعل الزمان

ولكن ضحكهم لم يستمر طويلا لملاحظتهم عدم مشاركة شمس معهم فى الحوار وكأنها ليست معهم فى عالمهم بل فى عالم آخر توجد به وحدها هى ومن شغل تفكيرها

مالك ياشمس

كان هذا نداء مهره الهادئ والحازم كعادتها عندما يتعلق الأمر باحدى أصدقائها ولكن لم تلتف شمس من المره الاولى فاضطرت مهره لتكرار سؤالها مرتين و ثلاث

بتقولى حاجه يامهره

لا ده انتى مش معانا خالص

كان هذا دور ندى

ليه بس بتقولى كده

احنا يابنتى من ساعة ماقعدنا وانتى مش معانا خالص مالك بس

لتنفى شمس هذا الادعاء الذى من وجهة نظرها باطل او هكذا كانت تحاول ان توهم نفسها ولكن لم تخفى عليها نظرات مهره التى تشعر وكأنها نفذت داخل اعماقها

لا مفيش الكلام ده المهم كنتو بتقولوا اى

لترد عليها ندى بنفاذ صبر

انتى كده شايفه انك معانا

خلاص يا ندى هى قالت مفيش

كان هذا دور مهره لتنهى هذا الحوار العقيم .. لانها تعلم كل العلم ان شمس اذا ارادت ان تخفى شئ فمن المستحيل معرفته

المهم ياستى كنا بنتكلم فى حوار شغل ندى

طب والله كويس يعنى اخيرا رضيتى تشتغلى ان شاء الله ربنا يكتبلك الخير فى حياتك الجايه

بس حيلك انتى وهى انتى شايفه بابا وافق

ياندى احنا هنمثل احنا عارفين أنك بس تشاورى وعمو عليه التنفيذ

وتتبع حديثها بنظره تعرف كل منهم معناها وكأنها تعريها امام ذاتها