احببت قاتل ابي

27الاخيرة

{ احببت قاتل ابي }
الحلقة السابعة والعشرون والاخيرة
الشرطة محاصرة المكان سلمو انفسكم
الحارس:سيد احمد ضروري نهربو
انس كيف جاي بينوض بيضرب احمد مشي شدوه جماعة احمد وضربوه على راسه
وكانت نورا فاقدة الوعي
قام احمد نورا وطلعو من الباب الخلفي هما كيف طالعين وصارت اشتباكات بينهم وبين الشرطة
هبه:افتحووووووو الباب
وتعيط
جو الشرطة فتحولهم الباب
هبه:شن صار قولو شن صار
وركبت تجري هيا وشهرزاد لي انس وتميم
وكانت الشرطة تقيم فيهم وهما اثنين فاقدين الوعي
هبه:نوررااا وين نورا
الشرطي:مع الاسف جماعة احمد قدرو يخطفو نورا وهربو
شهرزاد:كيف خليتوهم
الشرطي:وصلنا متاخر
هبه كانت تبكي وجت زمرد ركبت وفقدت الوعي
شهرزاد:خالتي زمررررد
____________
‏{‎ في صباح اليوم الثاني }
افنان:هي خالتي لطيفة نستنا فيك لوطه
لطيفة:غير نبي نفهم شن صاير بس
توفيق:افنان اني نستنا فيكم في السيارة
افنان:تمام حبيبي
اسيا:وين ماشيين
افنان:المدام هبه البارح تعبت بنمشو نطمنو عليها
فاطمة:اي واني وياك ياخالتي اسيا بنقعدو مع الصغار
اسيا:في شي انتو متبونيش نعرفه
افنان:لالالا والله
لطيفة:هي افنان بنمشو
اسيا:به خلوني نمشي معاكم نطمن عليها
لطيفة:مفيش دعي انتي توا خليك مع الصغار
وطلعو
اسيا:احساسي يقولي انك في شي متبونيش نعرفه
فاطمة:استهدي باالله ما ندسو عليك شي هي خلي نمشي نديرلك قهوة
_______________
اما عند شهد ف كانت راقدة وطبعاً زي ما قتلكم قاعدة مع الموته اللي قتلهم حكيم
بدت تسمع في عياط مريم
شهد:مررررريم
مريم:شهد يعذبو فيا تعاليلي
وكانو يعذبو في مريم بالكرسي الكهربائي
شهد:نوعدك انه ح نحاسبهم كلهم سيبووووو خواتي
اما عند ندى ف خش شخص وبدي يجلد فيها
ندى:ااااه حرام عليكم تعبت
نورا كانت تسمع فيهم بس مش قادرة تتكلم كانت قارفه من كل شي تذكر كيف احمد اغتصبها بس
______________
وصلو افنان وتوفيق و لطيفة للمستشفى
لطيفة:قولي شن صاير
شهرزاد:البارح احمد اغتصب نورا وخطفها
لطيفة:شنييي
شهرزاد:اي
افنان:كيف صار تبصري صح به علاش مقلتوش
هبه:محبيناش نشغلوكم وعافين السيدة اسيا مريضة
لطيفة:احمد ولدي هكي دار
شهرزاد:مع الاسف
قعدت لطيفة تبكي
افنان:به وين كانو تميم وانس
شهرزاد:كانو جايبين معاهم مجموعة وشدو تميم وانس وضربوهم
افنان:به وتوا هما وين
شهرزاد:انس عطوه يبرة مهدي اما تميم ف رجع لوعيه توا
افنان:ياربي الصبر
هبه:ومجد توا طلعوه من العناية
افنان:الحمد لله
هبه:والسيدة زمرد في دار امس صارلها هبوط في الضغط توا حالها باهي
_____________
اما عند فاطمة ف جايبه القهوة وجاية بتقعمز
فاطمة:خالتي اسيا خالتي اسيا
سيرين:تيتا اسيا طلعت
فاطمة:بسم الله وين مشت مقتلكش
سيرين:لا مقتلي شي
فاطمة:بالك طلعت تتمشى
________
اما عند اسيا ف كانت ماشيه
اتصلت بي زمرد
زمرد:اسيا
اسيا:في شي ميبوش يقوله ليا قوليلي انتي
زمرد:لالا مفيش شي ياسيا متشغليش نفسك بس
اسيا:لا اني متاكدة انه في شي
زمرد:في الليل نجيك ونهدرزو
________
________
خالد:سيد حكيم والدت حظرتك طلعت من البيت بروحها
حكيم:الله يبشرك بالخير هيا ارفعني ليها
خالد:تفضل
نسرين:حكيم وين ماشي عندنا اجتماع مع نجم الدين
حكيم:سيبيني في حالي توا
_______________
خشت نسرين لمكتبها
نسرين:هدا زعما وين ماشي
وخش وراها رجل البريد اللي يشتغل عندهم
الراجل:السلام عليكم دكتورة نسرين
نسرين:وعليكم السلام
الراجل:انتي من فترة قتيلي انه اي شي قبل ما نوصله لسيد حكيم نسلمه ليك
نسرين:اي
الراجل:هدا وصل لسيد حكيم
نسرين:تمام اني توا نحطه في مكتبه
الراجل:عن ادنك
خدت نسرين وفتحت الظرف
{ وكان في جواز سفر لي حكيم و ولاده احمد و ولد كارول انه بيسافرو بعد 72ساعه
وانه حكيم قبل ما يطلع من المكان ح يصفي كل جماعته وعلى راسهم نسرين }
نسرين نصدمت وخنقتها العبرة
قامت تلفونها واتصلت بالشرطية
الشرطية:مدام نسرين الله قداش ليا مشفتش رقمك في تلفوني
نسرين:نبيك في خدمة
الشرطية:شن هيا
نسرين:نبيك تحوليني لي جميلة بنكلمها
الشرطية:قداش بتدفعي
نسرين: اللي تبيه
_______________
جت فادية والدكتور عصام للمستشفى
فادية:افنان كيف حال انس
افنان:انتي مش سافرتي
فادية:كذبت بس اليوم طيراتي
عصام:مسمعتوش شي على شهد والبنات
افنان:مع الاسف
فادية:نبي نشوف انس
افنان:تفضلي
خشت فادية
انس كان مصدوم ويبكي
فادية:انس
انس:فادية شفتي شن صار فيا
فادية:شن بتقعمز تندب خلاص اللي فات مات
انس:شن تقولي ره هادي حبيبتي نورا عيوني وام صغاري امس دمرو شرفها واني مقدرتش ندير شي
فادية:لو كانت تحبك مخلتلش احمد يلمسها
انس:ارجوك اطلعي برا منسمحلكش تطعني في شرف نورا
فادية:من وقف معاك في اصعب ايامك اني ولا هيا من هيا حباتك بصدق اني ولا هيا حرام عليك كسرت بخاطري
انس:فادية اني موهمتكش لي شي اني نحب نورا
فادية:به حبها خلينا نسافرو ناخدو الصغار نوعدك ح نسيك فيها
انس:اني اسف
فادية:قصدك خلاص
انس:اي خلاص
ناضت فادية وطلعت من الدار وكانت شادة دمعتها
افنان:فادية انتي كويسة
عصام:بنتي
افنان:اي اي كويسه هيا بابا تاخرنا على الطيارة
_____________
اما اسيا ف كانت مقعمزة على الكرسي وتتفرج على البحر وسرحانه
حكيم:امي
قامت اسيا راسها فوق وجي حكيم بيبوس يديها ورجليها دفاته
اسيا:انت شن تبي علاش جاي
حكيم:امي ساميحني اني عارف انه كل شي درته غلط بس مش فاهم السبب
اسيا:وين البنات رجعهم رجعلي البنات
حكيم:منقدرش امي ساميحني اني ح نطلع من حياتك بس ادعيلي دئما
اسيا:ندعيلك مش تقتل الناس!
حكيم:ح ناخد صغاري ونهرب اني ثاري مع شهد بس خطف ندى ومريم والبارح اغتصاب نورا مكنتش حاسبه
اسيا:اغتصاب نوراااا
حكيم:قصدك متعرفيش
اسيا:الله لا يسامحك يا حكيم ربي ياخدك ويرتاحو منك الناس
حكيم:امي سامحيني
بدت اسيا تعيط عليه
وحكيم كيف جاي بيمشي
اسيا:حكيم اني غاضبه عليك ليوم الدين
مشي حكيم وكانت الدمعة في عيونه
واما سيا ف قعمزت تبكي
____________
نجم الدين:مفروض حكيم يحضر الاجتماع تي شن هدا
نسرين:معليشي كل تاخيرة وفيها خيرة
ورن تلفون نسرين
نسرين:عن ادنك سيد نجم الدين
نجم الدين:ادنك معاك
نسرين:الو
الشرطية:اهيا جميلة معاك ع الخط
جميلة:الو شن تبي نسرين
نسرين:من طول عمري حاسدتك من طول عمري اني المجروحة بس في الاخير اني وياك اكتشفت انه ضحايا للعبة حقيرة من حكيم النذل
جميلة:توا شن تبي مني انتي
نسرين:جاية بنقولك انه نهاية حكيم قربت وجاية بنقولك مبروك لانه الشي اللي انتي درتيه اني مقدرتش نديره
جميلة:واني شن درت
نسرين:يكفي انك خليتي حكيم يحبك
صكرت جميلة الخط على نسرين
وخش حكيم
نسرين:حكيم وين كنت
حكيم:مليكش علاقه اسمعي نسرين وقفي التعذيب على البنات اليوم
نسرين:علاش شن في
حكيم:ديري اللي قتلك عليه
رجعت جميلة للحبس وكان حكيم من يومين بعتلها رسالة مع احد افراد الشرطة خدت فتحتها
{ سامحيني انه جرحتك وانه ولا يوم من الايام فرحتك سامحيني انه وموفيتش بوعدي وخليت ناس تجرحني وتسببت بوجعك اني منقدرش نشوف عيونك تبكي صح ولا يوم بينتلك انه نحبك بس اني نعشقك تمنيت لو كانت حياتنا خير من هكي تمنيت لو متت وانتي جنبي هدا كله تمني ومش ح تقعد موجودة غير كلمة ياريت }
____________________
{ بعد مرور يومين }
تميم:كيف ح تطلع وانت قاعد تاعب
مجد:تميم حني لازم نلقو البنات
انس:واني معاك
تميم:تي غير كيف باهي
انس:على الاقل نمشو نقعمزو في مركز الشرطة ونبحثو
تميم:هي نوضو
________
افنان:العشي جاهز
زمرد:هي نوضي كولي معنى
هبه:حني خفنا عليك هدا علاش ماقلناش على موضوع نورا
اسيا:حتى لو اني فرد من العائلة هادي ولا لانه حكيم ولدي
لطيفة:واحمد اللي دار المصيبة هاد ولدي
افنان:به نوضو تعشوا
ورن تلفون افنان
افنان:الو حبيبي
توفيق:اسمعي متقوليش قدامهم الشباب طلعو من المستشفى وقاعدين في مركز الشرطة
افنان:توقعت
توفيق:اني بنقعد معاهم طمنيني الحراس قدام الباب ولا
افنان:اي اطمن
توفيق:تمام ردي بالك على روحك
افنان:روحي معاك حبيبي
صكرت افنان الخط
هبه:شن صاير ثاني
افنان:ولا شي غير هيا ياسر نكد باذن الله ينحل كل شي ويرجعو البنات
فاطمة:هي نوضو
شهرزاد:هي
وناضو وكانت كل وحدة حزينه وهبه اكثر وحدة كانه حاسه في شي بيصير
هبه:اني حاسه انه في شي بيصير اني قلبي مش مرتاح
شهرزاد:وحدي الله باذن الله مايصير الا كل خير
نسرين كانت مقعمزة تفكر
نسرين:بعد 24ساعه ح نموت اخخخ وخلاص
ناضت من مكتبها وجت لي حكيم
نسرين:ممكن نتكلم معاك
حكيم:اني مش فاضي توا وكلمي نجم الدين قوليله الخطه متاع التفجير تتنفد في الوقت المحدد
نسرين:علاش شن عندك ما ادير
حكيم:بنصفي حسابي
احمد:بوي شن في
حكيم:جيب ندى لدار اللي فيها شهد
نسرين:حكيم شن ح ادير
حكيم:انتي بري لدارك
خش حكيم لي شهد
شهد:شن تبي مني اطلععععع برا
حكيم:كل شي يجي بالهدوء
شهد:ارجوك سيب خواتي
حكيم:قالو الحراس انك ماتاكليش في شي عيب يابنت خوي لا تصيرلك حاجة
شهد:ماناكلش شي من رزقك رزق الحرام
وجت ندى وشادها احمد من شعرها وشهد كانت مربوطه بالسلسة
شهد:ندى اختي
ندى:شهد
حكيم:شهد انتي عارفه شن بيصير توا
خدي احمد الموس وقعمز ندى على الارض وحط الموس عليها
شهد:ارجوك احمد لااا متقتلهاش
وكانت شهد تعيط
حكيم:في يوم من الايام انتي وقفتي ضدي ياشهد بالرغم من انه اني كنت واقف معاك في كل شي وقفتي ضد عمك وكسرتي بكلمته اني حلفت انه ح ننتقم منك
شهد:تبيني نوقف معاك على الباطل
حكيم:شهد اليوم ح ننتقم منك
ندى:شهد خليهم يقتلوني اني عييت من التعذيب اقسم باالله
شهد:لا لا لا مستحيل لاااا
حكيم:تحبي تقولي كلمة اخيرة ياندى
ندى:شهد اني نحبك هلبا وفخورة انك اختي بس توا نبيك تسامحيني وقولي لي امي تدعيلي والدنيا تعطيك شي وتاخد منك شي هكي قولي لي امي انتي رجعتيلها وربي بياخدني اشهد ان لااله الا الله واشهد ان محمد رسول الله
ودبح احمد ندى قدام اختها
شهد:لااااااا
وبدت تعيط
وفي نفس اللحظه كانت هبه شادة طاسه امية طاحت منها
شهرزاد:بسم الله خيرك
هبه:وحدة من بناتي صارتلها حاجة وووه
فاطمة:غير سمي بسم الله هبه اهدي
هبه:اني متاكدة وحدة منهم صارتلها حاجة
شهد:اختي حرمتوني منها ندى انتي اللي سامحيني
وخشت شهد في عالم ثاني تعيط وخلاص
احمد:حسي بالنار اللي كنتي سببها والنار اللي حسيتها ،هيا بوي نطلعو
حكيم:قدامها علقها واسلخها
قام احمد ندى و علقها وسلخها
حكيم:خليها الليلة تقعد مع شهد وانت برا شوف شغلك
احمد:تمام
وطلعوا احمد وحكيم
وخش احمد لي نورا
نورا:ابعد عليا
وبدي احمد يضرب في نورا ضرب عنيف
اما نسرين ف كانت راقدة في السرير ومغمضه عيونها خش عليها راجل لابس اسود وهوا كيف بيخنقها جي حد ضربه على راسه وطاح على الارض
فتحت نسرين عيونها
خالد:دكتورة نسرين
نسرين:كنت عارفه انه حكيم بيتخلص مني
خالد:حكيم ناوي يتخلص من الكل
نسرين:اني تعبت وصار الوقت مش نريح نفسي
خالد:واني نفس الشي
نسرين:في نفق سري لهدا المكان صح
خالد:اي اكيد
نسرين: في وحدة ح نهربوها منه
خالد:اني في امرك
جت نسرين تجري بتخش لدار اللي فيها كارول
الحارس:ممنوع
نسرين:كيف ممنوع
وطلعت بخاخ واغمى عليه
خشت للدار اللي فيها كارول
نسرين:كارول
كارول:نسرين منيح انك اجيتي طمنيني كيفو ابني
نسرين:منعرفش عليه شي بس حكيم بياخده هوا و احمد وبيهربو
كارول:طيب وانا
نسرين:حكيم كان من شوية بعت حد وبيقتلني وانتي بيحطلك السم في الاكل
كارول:عم تمزحي
نسرين:ندوي بجديات كارول هكي ولا هكي حياتنا انتهت خلينا نريحو ضميرنا
كارول:طيب كيف
نسرين:في نفق سري وح تهربي منه
كارول:الحمد لله
نسرين:بتهربي الساعه 3:30 مش اذان الفجر تكوني في الطريق
كارول:بس لسه 4ساعات على الساعه 3:30 يمكن يكون حكيم يقتلني فيها
نسرين:اطمني مش ح يقتلك وانتي ح تمشي لمكان اني بنقولك عليه توا كان تبي مصلحتك ومصلحة ولدك مش يعيش حياة بدون مشاكل
كارول:شو هوا
وبدت نسرين تحكي في خطتها
___________
اما عند انس ف كان مقعمز يدكر كيف كانت علاقته مع نورا وايامهم
نورا:شوشو شوشو وينك
لقت الباب مفتوح
نورا:شهد وينك
انس:حبيبتي
نورا:وووه خلعتني
انس:علاش ياحبيبي
نورا:انس معقوله اني وياك بروحنا لاا بنروح اني
انس:اطمني مش ح نديرلك شي بنتشعو ونهدرزو بس
نورا:تمام
انس:بنقولك شعر من نزار قباني اختي شهد تحبه وخلتني حتى اني مدمن نزار قباني
هل عند شك انك احلى امأة في الدنيا؟
واهم امراة في الدنيا
هل عندك شك اني حين لمست يديك
تغير تكوين الدنيا
هل عندك شك ان دخولك في قلبي
هوا أعظم يوم في التاريخ ...
واجمل خبر في الدنيا ؟
وكانوا نورا دموعها على خدها
انس:تتزوجيني
نورا:كيف
طلع انس الدبلة و باكو الفيلو
نورا:شن هداا
انس:ترضي تكملي عمرك معاي
نورا:موافقة
انس:نوعدك انه ح نعيشو ايام حلوة مع بعض
طلع انس الدبلة ولبسها
نورا:ههه زعما مش ح يفرقوا بينا
انس:من هما
نورا:انس اوعدني انه مهما يصير مش ح تسيبني
انس:نوعدك انه مفيش مخلوق يفرق بينا
حضناته نورا وحست با الراحة
___________،