احببت قاتل ابي

25

{ احببت قاتل ابي }
الحلقة #الخامسة_والعشرون
تميم:احم احم
مسحت شهد دموعها
نورا:شهد ارجوك سلمي المستندات
شهد:كل شي في وقته حلو
تميم:حبيبتي هيا
نورا:استنى في السيارة
تميم:به
شهد:بجديات انتو متزوجين
شبحت نورا لي شهد
نورا:كل شي في وقته
ومشت وخلتها
____________
اما عند حكيم ف وصل للمقر
نسرين:حكيم استاحشتك
حكيم:والله حتى اني كيف حالك
نسرين:بخير
حكيم:احكيلي شن الاخبار
نسرين:كل شي تمام امتى ناوي تهرب
حكيم:اهم شي توا القو النذلة كارول
نسرين:لقيناها
حكيم:وين جبيوها
نسرين:غدوا تكون موجودة لكن جماعتنا خطفوها
حكيم:ومعاها الولد
نسرين:اي معاها
حكيم:كويس
نسرين:امتى محدد الموعد
حكيم:هروبي توا مش ح يفيد بشي جيبولي كارول هدا اللي نبيه منكم توا
نسرين:حاضر اعتبره صار
حكيم:شن صار في العمليات الجديدة
نسرين:كل شي ماشي زي الساعه والعمليات ناحجة وحققنا مكسب كبير
حكيم:ممتاز
___________
اما عند مريم ف وصلت لي حوش مجد دقت الباب فتح
مجد قعد يشبحلها وسيب الباب مفتوح وخش
وخشت مريم وراه
مريم:شن هدا علاش درت في روحك هكي
مجد:هه
مريم:مجد مش اني السبب
مجد:لالالا حشاك مش انتي اني هوا السبب انه حبيتك
مريم:حتى اني حبيتك
مجد:حب شني فهميني
مريم:اني ولا يوم نسيتك كان حبي ليك كل مره يزيد
مجد:مريم
مريم:اني مستحيل نرضى نسلم اختي لشرطة
محد:اطلعي برا
مريم:مجد انت في يوم من الايام عالجتني وقفت معاي كنت ليا الشفاء ارجوك خلينا نبدو صفحة جديدة في حياتنا
مجد:تبينى نبدو صفحة جديدة صح
وبدي يقرب من مريم
مريم:مجد
شد مجد مريم من يدها وحاول يقرب منها بكل قوة ومريم ضرباته كف
مريم:انت اكيد هبلت
مجد:ادكرتي توا شن دارلك مصطفى صح
مريم:مجد خلااااص احترم نفسك
وطلعت وسيباته وكانت تبكي
____________
اما عند زمرد ف كانت تجهز في الغداء دق باب الحوش
زمرد:مني
فادية:اني فوفو
فتحت زمرد الباب
فادية:ياروحي انتي
زمرد:استاحشتك
فادية:حتى اني وين الغيبة
زمرد:اللي جاية على خاطره طالع
فادية:واني قاطعه المسافة هادي كلها على خاطره
زمرد:ميعطلش خشي جهزي معاي الغداء
فادية:حاضر
_______
اما عند وصلو للحوش هيا وتميم
نورا:تميم
تميم:نعم
نورا:في بالي فكرة
تميم:شن هيا
نورا:قعمز نحكيهالك
تميم:هي ابدي
___________
اما عند شهد ف كانت في الحوش وهيا في الحمام وتلفونها على الطاولة
خشت جميلة لدار تبي شهد لقتها في الحمام
وهيا كيف طالعه جت رسالة لي شهد
من
{:حق نورا رجعت علاش مقلتيش صغاري معاها صح}
جميلة:لااا مستحيل
كانت جميلة ترعش ومش عارفه شن ادير طلعت من الدار تجري ومش عارفه تبكي ولا تضحك
طلعت شهد من الحمام لقت الرسالة
خدت تلفونها وردت بالرسالة
{ رد بالك ادير شي تندم عليه توا حني محتاجين الصغار على خاطر صحتك }
رد عليها
{ توقعتك تقولي هه وطلعت متزوجة حتى تميم اقسم باالله ح يندمو كلهم }
ردت عليه
{ اني توا بنجهز روحي وجايتك }
رد عليها
{ نستنا فيك جيبي مريم معاك }
ردت
{ لالا بنجي بروحي مريم عندها شغل توا تجيك يوم ثاني }
رد عليها
{ واني نستنا فيك }
.....
حطت شهد التلفون وفتحت دولابها ادور في لبسة
اما عند حكيم خش للحوش
ولقي جميلة ترعش
قعد يشبحلها
جميلة:محمود خوده من وجهي خير ما نقتله
محمود:حاضر
لطيفة:خيرك
جميلة:انتي تعرفي حاجة كيف مات انس
لطيفة:مات في الانفجار يعني كيف مات
جميلة:اني شفت رسالة في تلفون شهد توحي انه انس عايش
لطيفة:تتوهمي
جميلة:مستحيل والله
لطيفة بينها وبين نفسها لو انس عايش كنت مفروض نعرف
جميلة:لطيفة ارجوك تاكدي
لطيفة:باهي
ومشت لطيفة وسيبتها
لطيفة:شن ها المجنونة هادي
فتحت مريم الحوش
لطيفة:ميمو حبيبتي وين كنتي وخيرك شن كنتي تبكي
مريم:مفياش شي
خشت مريم لدارها وصكرتها وقعدت تبكي
طلعت صورها هيا ومجد
مريم:لي امتى ها العذاب بس
_________
اما عند ندى ف خشت لي امها في الدار
ندى:ماما عادي نخش
هبه:تفضلي
ندى:على شن تتفرجي
هبه:شوفي هدو صور اختك لمه كانت صغيرة
ندى:منين جبتيهم
هبه:السيدة زمرد قبل ما نسافر طلبت منها انه تعطيني صورها وافقت بمقابل نطلع من حياة شهد للابد
ندى:ماما شهد بنتك ومحد يمنعك منها
هبه:قداش خاطري نشم رائحتها بنتي الغالية
وقعدت هيا تبكي
__________
اما عند نورا ف كانت مقعمزة تتفرج على التلفزيون شرين جرس الباب
ناضت نورا فتحت الباب وملقتش حد
طبست على الارض لقت باقة النرجس وفيها ورقه
{سنتين شن صار في المذكرة حرقتيها ولا مزقتيها ولا دفنتيها }
نورا:لالالالا انس مستحيل
وبدت تبكي
نور//////////////////////////////////
انس:جيتي
نورا:قاعدة في الطريق
انس:استاحشتك
نورا:حتى اني حبيبي
انس:شوف الدار هادي ح تكون دارنا
قعدت نورا تشبح لدار
نورا:شن مكتوب حكايات ح تصيرلي في هادي الدار
انس:ما يصير الا كل خير
نورا:ان شاء الله
انس:حبيبي لو تبي حوش بروحنا عادي
نورا:لالا بنسكن معاكم
انس:خودي هادي الهدية
نورا:شن هادي
انس:مش لازم تفتحيه مذكرة
نورا:مذكرة؟
انس:اي حبيبي اني شريتها من لمه ارتبطت بيك
نورا:متقوليش
انس:اي اني بنكتبو فيها شن نحسو اتجاه بعض
نورا:موافقة وامتى يتم التسليم😂
انس:بعد 10سنوات وهاد باقة النرجس معاها
نورا:هههه تمام حقا حبيبي
انس:عيون حبيبك
نورا:في شركة بتتعاقد معاكم صح
انس:اي غدوا الاجتماع مش تكوني موجودة
نورا:اي اي اكيد بس ع حسب علمي انه هادي الشركة بعدين ح تكون المنافسة في المناقصة
انس:من طول عمرنا حني اللي نربحو اطمني حبيبتي عمي حكيم حاسب كل شي
نورا:تمام امالا خلي ننزل
انس:خليك شوية حبيبي
قرب انس من نورا وباسها على خدها
نورا:انس عيب وحرام
انس:والله مانقدر
نورا:توا قريب نبدا مرتك هدي روحك حبيبي
.......
خشت تميم ولقي نورا تبكي
تميم:نورا خيرك شن فيك
نورا:انس عايش
تميم:كيف وانتي حظرتي جنازته وشفتي كيف مات
نورا:هدا خط انس
شاف انس الورقه
تميم:صح نوضي نمشو لشرطة
نورا:لا ارجوك خليني انفد الخطه اللي قتلك عليها بس يتغيرو فيها حاجات
قرب تميم من نورا
تميم:لو عايش ح يتعاقب
نورا:مش عارفه نقول انه ان شاء الله يطلع عايش او ميت معاش عارفه نحدد
باس انس راسه نورا
انس:كل شي ح يكون زي مانبو واكثر
طلع تلفونه اتصل بي مريم
مريم:الو
تميم:ميمو كيف حالك نبي منك خدمة
مريم:مش كنت الانسة مريم
تميم:انسة مريم نبي منك خدمة
مريم:كل شي ليه مقابل
تميم:شن
مريم:انت شن تبي
تميم:نبي الهوية متاع شهد
مريم:كيييف
تميم:جيبها
مريم:شن بدير بيها
تميم:بنجهز اوراق الزواج نبي نتزوجها
مريم:كيف وانت متزوج نورا
تميم:لالا اني ونورا زواج على ورق هي شن تساعديني ولا لا
مريم:تمام ونبيك ترجعلي مجد
تميم:مجد ساهل عطيني شوية وقت بس
مريم:امتى تبيني نعطيهالك
تميم:توا نخطم طلعيها ليا
مريم:به
____________
____________
اما عند شهد ف وصلت لحوش زمرد
شهد:وينه
فادية:جي تغداء وطلع
شهد:اني جاية على خاطره
زمرد:معليشي يابنتي هوا موجوع
شهد:حتى اني موجوعة قصدي يقدر الشي اللي درته على خاطره شوية
فادية:اكيد مشي واقف على البحر بري مش نروحو بكري انتي عارفه مسافة
شهد:به
وطلعت شهد من الباب الخلفي
وجميلة كانت تراقب فيها
جميلة:يااارب الحوش هدا يكون فيه ولدي
وجت دقت على الباب
فتحت فادية
فادية:مدام جميلة
وطلعت زمرد
زمرد:من على الباب
جميلة:ماما
دفت جميلة فادية وخشت تعيط
جميلة:انس ولدي وينك اني عارفه انك هني اطلع
زمرد:انس مات شن انتي سكرانه
جميلة:اني عارفه انه انس عايش
فادية:لو سمحتي وطي صوتك عيب الجيران
جميلة:طلعولي ولدي
زمرد:اطلعي من حوشي يانطلب الشرطة
جميلة:اي وينها هادي شهد
وبدت جميلة ادور في كل الديار على امل تلقى ولدها
جميلة:اني شفت شهد خشت توااا للحوش هدا بس ح نرجع والله مهو مسيبتكم في حالكم
زمرد:اطلعي من حوشي  مش ح نقول لي شهد انك جيتي مش ميصيرش شي ميعجبكش
وطلعت جميلة وهيا تبكي
____________
اما عند نورا وهيا مقعمزة تفكر في اللي صار رن تلفونها رقم غريب
نورا:الو الو انس رد عليا
وبعدها نفصل الخط
نورا:ياربي صبرني
رجعت شهد للحوش وكانت مضايقه
فادية:تعاركتو
شهد:هدا المخلوق يبي دكتور نفسي مفيش فايدة منه اني ماشية باي
___________
{ بعد مرور ثلاث ايام }
مريم:شهد من شوية نقرت فاتحتك
شهد:بجديات
قربت مريم من اختها
مريم:صح هادي ثاني مره تلبسي فيها الفيلو بس فرحانه هلبا
شهد:ياقلبي انتي
وحضنتها
مريم:زعما نرجعو اني ومجد
شهد:باذن الله
{ قبل ثلاث ايام }
كانت شهد مروحة في الطريق اتصل بيها تميم
شهد:شن تبي
تميم:تعالي للحوش هداكا
شهد:هه بتخون مرتك
تميم:لو تبي تعرفي الحقيقة تعالي
وجت شهد للحوش اللي نحبست فيه كارول
تميم:نورتي
شهد:شن تبي لخص
تميم:نحبك شهد ومعاش قادر نعيش بدونك
وحضنها دفاته شهد على طول
شهد:شن هبلت انت شن ادير
تميم:اني ونورا متزوجين على ورق والصغار صغار خوك
شهد:كيييف
تميم:انتي اللي تمنيت نكمل معاها عمري انتي اللي حبيتها شهد تتزوجيني
___________
نزلت مريم
لطيفة:شن اختك قاعدة تجهز في روحها
مريم:اي
وكان الكل مقعمز
جميلة لطيفة الجدة اسيا ونورا. صغارها ومجد توفيق افنان فاطمة
نورا كانت مقعمزة بعيدة عليهم
جميلة:احفادي الغاليين نشم عليكم رائحة ولدي
ويالبو الصغار ونورا كانت تتحسر على انس
اما عند هبه وندى وشهرزاد
هبه:زواج مصلحة انتو ناوين شي
شهرزاد:تميم يحبها ويتزوجها شن فيها
هبه:انتو همكم الانتقام
شهرزاد:لو تبي تكسبي بنتك كوني معاها لانه اليوم اهم يوم في حياتها
ندى:ماما خلي نمشو
________
اما عند مجد ف كان مقعمز يدخن في الجردينة
طلعت مريم
مريم:اكبر الاعداء تصالحو
شبح مجد لي مريم
مريم:امتى قلبك ناوي يحن
مجد:مش وقته
مريم:لا وقته مجد
مجد:شني
مريم:نحبك
شبح مجد لي مريم
مريم:اكيد انت مش ناسي الشي اللي اني مريت بيه اني تريت بإصعب ايام حياتي وانت بس وقفت معاي
جي مجد بيقرب من مريم
افنان:هياااا تعالو
كان تميم يستنا في شهد لوطه وهيا نازله من الدرج طبعاً كان في حوش شهد وتميم العرس
نزلت شهد وكانت على عيونها الفرحة
نزلت لي تميم ورفعلها الطرحة
تميم:اللي نبيه صار بديتي مرتي
الكل كان فررررحان بيهم اما نورا ف كانت في عالم ثاني والرقم اللي يتصل بيها وهيا حاسه انه انس قريب منها
تعشو وهدرزو ومره مره مجد يهدوز مع مريم
وهما يتعشو رن تلفون مجد
مجد:عن ادنكم
ناض مجد رد على التلفون
الشرطي:عندي ليك خبر حلو
مجد:شن هوا
الشرطي:من شوية تم القاء القبض على مصطفى المتهم بإغتصاب مريم
مجد:كيف صار
الشرطي:صارت مذاهمه على احد تجمعات الارهاب والحمد لله شديناه
مجد:كويس
اما عند لطيفة ف تتعشى حتى هيا رن تلفونها
اسيا:صكروهم تلفوناتكم مره ثانية
لطيفة:المكالمة من البيت
سهى:الوووو مدام لطيفة
لطيفة:شن في
سهى:من شوية السيد حكيم هرب من الحوش وكان وضعه تمام ويمشي ويتكلم وخشو رجاله طلعوه وحموه
لطيفة:يعني المتوقع صار
صكرت لطيفة الخبر وطبست على اسيا قتلها
اسيا:ربي يستر
اسيا كانت حاسه انه ولدها حالته كويسه
{ بعد مرور اسبوع }
اما عند مجد ف كان في مركز الشرطة
مجد:ليك اسبوع متبيش تعترف
وبدي يضرب فيه
المساعد:سيدي انك تضربه لا
مصطفى:هه بشني تبيني نعترف انه اغتصبت البنت اللي انت تحبها
مجد: علاش اغتصبتها
مصطفى:جيبلي مريم نبي نشوفها وبعد ما نشوفها نعترف
وبدي مجد يضرب في مصطفى
مجد:مريم احلم تشوف ظلها وتوا اعترف احسن
قعد مصطفى يشبح لي مجد
مصطفى:ح نتعترف بس اوعدني انه بعد نعترف تخليني نشوف مريم
مجد:تمام
مصطفى:حكيم طلب مني انه نغتصبها وبعدين تنظم للارهاب احمد كان صديق ليا وامي كانت مريضة وبنديرلها عملية مريم لمه تشوف فيا مع احمد معجبة بيا وحكتله ولمه احمد اعترف بعدين احمد مشي حكي لي حكيم وحكيم عطاني مبلغ مقابل نغتصب مريم
مجد:حكيم ليه علاقه في الاعضاء البشرية
مصطفى:من اكبر تجار الاعضاء البشرية للعلم حكيم مش مريض حكيم صحته كويسه ويجهز في مخطط كبير ومن الشركاء هيا جميلة كانت هيا تم في الاوراق وتحدد موعد مع الناس واكيد احمد اللي يما دبح اطفال على يده والدكتورة نسرين اللي كانت ادرب في الدكتورة شهد
مجد:عندك دليل
مصطفى:احمد نسرين و هلبااا
مجد:خودوه من وجهي
مصطفى:ارجوك خليني نشوف مريم
وطلعوه الشرطة
طلع مجد لي الشرطي
مجد:اجرو اتصال مع السفارة واطلبو منهم انه يسلمونا احمد حكيم
وطلع مجد
_________
اما عند شهد
شهد:هيا حبيبي الفيلم بيبدا
تميم:خودي عصير طبيعي درته بيدي
شهد:تسلم يديك
شربت شهد العصير
وتميم يشبحلها
تميم:حبيبي عندي مكالمه
شهد:به
اتصل تميم بإنورا
نورا:الو
تميم:انتي وين
نورا: اني في طريقي لحوش زمرد عرفته بعد جهد جهيد
تميم:خليك على الخط اهو شهد شربت العصير
نورا:تمام
جي تميم جنب شهد وهيا مش قادرة تفتح عيونها من المخدر
تميم:كيف حال انس
شهد:كويس
تميم:شوشو كيف صار احكيلي كيف تميم قدر يهرب
شهد:تي مهو عمو عصاام هه
تميم:كيف عمو عصام
شهد:حيي متعرفاش عمو عصام بو فادية
تميم:خيره
شهد:كلمته وقتله انه انس في شنطة مفجرات في سيارته ولمه صار انفجار السيارة من قوة الانفجار تميم طلع منه نقز لانه عرف انه في شنطة مفجرات في الوقت اللي النار غطت على كل شي جو جماعة الدكتور عصام وقامو انس اللي كان غايب على الوعي وهلبا مناطق في جسمه تشوهو ظهره كله تشوه
في نفس اللحظه طبعاً نورا تسمع فيهم ووصلت قدام الحوش
ومجد كان متجه لحوش مريم ويسمع حتى هوا لانه تميم وصل نورا ومجد وهوا ببعض
تميم:حبيبتي وين المستندات
شهد:في داري
تميم:علاش في دارك
شهد:امان في الخزنه
تميم:قداش رقمها الخزنه
شهد:عيد ميلاد حبيبي تميم وبعد اول يوم ارتبطنا
وغمضت شهد عيونها بشوية وكان العرق يصب منها
وصل مجد للفيلا دق الباب ومعاه الشرطة
مريم:خير شن في
مجد:معنى امر بإلقاء القبض على ولدت حضرتك السيدة جميلة وعمك السيد حكيم وتفتيش البيت
مريم:كيف
دف مجد مريم وخش
مجد:وين غرفة المدام شهد
اسيا شن في انت شن خاش وكالة بلا بواب
لطيفة:مريم فهميني
مجد:وين دار شهد
لطيفة:وريني الامر بإلاول
مجد:تفضلي
لطيفة:هادي الدار
خش مجد ومريم كانت مصدومة ومش عارفه شن تقول فتح مجد الدولاب وفتح الخزنه وطلع المستندات
الشرطي:سيدي ملقيناش السيد حكيم
وجابو جميلة
جميلة:سيبو يدي شن في
مريم:ماما
وحطو الكلبشات في يد جميلة وطلعوها
مجد:مريم شرفي معنى لانه ح تكوني الليلة تحت ذمة التحقيق في قضية خوك انس والتخفي عليه انه ميت
اسيا:انت شن تقول حفيدي مات من زمان
مجد:حفيدك عايش مش هكي مريم
واطت مريم راسها  وعطت يدها لمجد
مريم:حط الكلبشات
شد مجد مريم من يدها وطلعها وركبها معاه في سيارته
اما عند نورا ف نزلت من السيارة ودقت على باب الحوش
ونفتح الباب
نورا:انس
انس:نورا
حست نورا بإستسلام وجرت لحضن انس ....
يتابع ...
رايكم في الحلقة وتوقعتكم للحلقة ماقبل الاخيرة ...
#يقين_البشتي