احببت قاتل ابي

24

{ احببت قاتل ابي }
الحلقة الرابعة والعشرون
{ بعد مرور سنتين ونص }
افنان:وين المدام شهد
السكرتيرا:مجتش
افنان:تي عندنا اجتماااع مهم شن الانسانه الغريبة هادي
مريم:خيرك
افنان:اختك مجتش
مريم:اليوم سيرين عندها حفلة في المدرسة وبتمشي معاها
افنان:يعني يبدا الاجتماع بدونها
مريم:شي اكيد
افنان: تمام هي خشو
جي توفيق
توفيق:حبيبي جهزتي حاجات العرس
افنان:اي كل شي تمام
مريم:معاش تلاقيت مع مجد
توفيق:شفته الايام اللي فاتو كان سكران وحالته حالة والليله بنمشي نعزمه
مريم:اها
افنان:هيااا
____________
سيرين:اني واتيه هيا تاخرنا تيتا
لطيفة:وين ماما شهد
سيرين:فوق
لطيفة:تنزل ماما ونمشو
ووخش حكيم كان مقعد و وميتكلمش
اسيا:طلعه على داره
الممرض:حاضر
وركبه في المصعد وركبه وهوا كيف نفتح المصعد طلع منه حكيم وشهد بتخش
شهد:محمود لو سمحت ممكن تخليني نتكلم مع عمي على انفراد
الممرض:حاضر
شهد:شن ياحكيم بديت تطلع وتغير في جوك اني الحركات هادي متمشيش عليا عارفه انه انت تقدر تمشي وتتكلم
ومشت وخلاته
جي الممرض وخشش حكيم لجناح متاعه
حكيم:الحقيرة شهد عارفه انه اني صحتي كويسه
الممرض:به كيف حست
حكيم:شهد شيطانة
الممرض:سيد حكيم الدكتورة نسرين تبي تشوفك
حكيم:قوللها مش وقتك توا
الممرض:بخصوص المقر الجديد
حكيم:خليني منها توا
____________
{ اسبانيا }
نورا:نووووض من النوم هيا ياسر كسل
تميم: خليني بنرقد شوية البارح ساهر
نورا:اليوم معزومين على الغدي ولا نسيت
تميم:به به به
نورا:اني ح نلبس مازن ورهف وانت جهز روحك
تميم:حاضر
طلعت نورا من دارها لقت الصغار فايقي
نورا:فقتو ياروح ماما
مازن: م ما ما
نورا:ياعيون ماما رهوفه بنتي هي مش نمشو حوش تيتا
رهف:زعانه
نورا:به توا ناكلو هي نوتو روحنا توا
____________
في حفلة المدرسة
لطيفة:مش ع بعضك شهد
شهد:لا بس ضغط شغل
وجت سيرين على المسرح وبدت ترقص في البالي
شهد:مسكينة هادي البنت نحرمت من بوها وامها
لطيفة:بس انتي عوضتيها على الام واكثر
شهد:اكيد سيرين كانه بنتي اني فقدت شي وهيا فقدت شي ولقيناه في بعض
______________
اما عند جميلة ف ركبت لجناح حكيم
حكيم كان يشبحلها وكان يتمنى يتكلم معاها
جميلة:في هداكا اليوم تمنيت لو قدرت نقتلك مكنتش نتوقع انه ح يصير هكي تصدق ياحكيم نوعدك دم ولدي انس وبنتي الصغيرة واغتصاب مريم ودمار شهد ح ننتقم منك وعد و وعد الحر دين
{ قبل سنتين ونص }
سلمو انفسكم المكان مخاصر
جميلة كانت شادة الموس وحكيم كان ملوح على الارض
ذاهمت الشرطة المكان
مجد:شن اللي صاير هني
جميلة كانت تشبح لي مجد وتبكي
جميلة:قتلته انتقمت
مجد:اطلبو الاسعاف بسرعه
جميلة:قولي انس ولدي شن صار فيه قولي
مجد:خيره انس
الشرطي:لو سمحتي يدك بنديرلك الكلبشات
الشرطي:سيدي فتشنا المكان ومفيشي شي
_______
جميلة:مش ديما ياحكيم تنفد من الموت لانه جايتك جايتك
وطلعت
اما عند نسرين في المقر الجديد
خالد:دكتورة نسرين في خبر نستنو فيه من سنين توا عرفته
نسرين:ان شاء الله خير يا توفيق
خالد:كاورل حددنا مكانها
نسرين:كيف
خالد:اي وهيا موجودة في ايطاليا
نسرين:خلال اسبوع نلقها عندي
خالد:حاضر
________________
شهرزاد:تفضلو الغداء جاهز
نورا:عمتي اكيد وراء ها العزومة في شي مهم
هبه:اي الحق
ندى:اني بنمشي نلعب مع صغار
هبه:خليهم ياكلو
ندى:ناكل معاهم منبيش نسمع الكلام الممل هدا
ومشت ندى
نورا:شن في
شد تميم يد نورا
تميم:اني وعماتك قررنا قرار مهم
نورا:قرار صار وان شاء الله خير
شهرزاد:بنرجعو لبلادنا
نورا:كييييف انتي شن تقولي
هبه:هكي افضل
تميم:حني لازم نرجعو مش ننتقمو
نورا:واو
تميم:طيارتنا غدوا الصبح
نورا:يعني انتو خديتو القرار ونورا تنحرق صح
تميم:اهدي
نورا:اني وصغاري مش ح نمشو معاكم
وناضت نورا من الطاولة وطلعت للحديقة جاية هبه بتطلع وراها
تميم:خليها بعدين نتكلم معاها
هبه:به
_________
سيرين:ماما اني نبي نروح مع صاحبتي عادي بنلعبو
شهد:به لكن مديريش شطانه
كريمة:اطمني ونجيبها في الليل تلعب اليوم كامل هيا وبنتي
شهد:تمام
وطلعو لطيفة و شهد
لطيفة:تعالي نتمشو
وقعدو يمشو
شهد:حسيتك مضايقه
لطيفة:كيف تبيني نكون ولدي بعيد عليا ومجرم وزوجي اللي خاني قاعد قدامي و سلفتي اللي ارتحت منها طلعت من الحبس
شهد:مكنتيش مجبورة توافقي انه ماما جميلة ترجع للحوش
لطيفة:اني وافقت ع خاطر مريم
{ قبل اسبوع }
مريم:اللي يبيني نقعد في الحوش يستقبل ماما
لطيفة:اني نبيك تكوني سعيدة
مريم:مدامك تبيني نكون سعيدة ماماا غدوا تطلع من الحبس وبترجع تعيش هني
لطيفة:به تنور
____
لطيفة:الجرح متاعي مش ح يبرة
شهد:ولا اني جرحي يبرة
لطيفة:زعما الايام كفيلة
شهد:بالنسبة ليا خسرت كل شي هداكا اليوم
{ قبل سنتين ونص }
شهد كانت في المقبرة وهيا طالعه
تميم:جاية تزوري في خوك
شهد:انت
تميم:تسحابيني متت ولا تسحابي جماعتك اللي بعتيهم ليا قتلوني
شهد:تميم
تميم:حميتي المجرمين قداش انتي انسانه تافه وحقيرة
شهد:اي ح نحمي
تميم:خوك ومات شن الفايدة توا
شهد:اطلع من حياتي لانه كل شي حرقته
تميم:نكرهك ومن كل قلبي توا ح نطلع من حياتك بس ح نرجع وندمرها نوعدك
_________
لطيفة:كيف طاوعك قلبك تبعتي حد يقتله
شهد:لانه كل شي نبيه نحمي انس
لطيفة:لو رجع تميم
شهد:ح تنفتح جبهة جديدة
لطيفة:بعد سنتين راحة
شهد:اي واني متاكدة ح يرجع بدات انه عرس افنان
__________
تميم:نورا
نورا:شن تبي
تميم:القرار صح
نورا:يوم مات انس انتهي انتقامي
تميم:اي انس مات بس حكيم قاعد عايش
نورا:يعني نمشي نقتله
تميم:شهد سبب كل شي صار معنى ح ننتقمو منها
نورا:هه وعمتي هبه تعرف بالشي هدا
تميم:تعرف انه بنمشو نتقمو من حكيم بس
نورا:لو سمعت شي يضر بنتها ح تنقلب علينا
تميم:اني عارفك تتوجعي
نورا:كل شي تغير
تميم:خاطري نبكي
شبحت نورا لي تميم نظرت استغراب
نورا:علاش
تميم:لانه مقدرتش ننسى كيف البنت اللي نحبها كانت بتكون السبب في موتي
{ قبل سنيتن ونص }
الشخص اللي كان بيقول تميم فجاة طاح وسمع تميم صوت الرصاصة
شهرزاد:قتلك شهد خاينه
تميم:وين المستندات
شهرزاد:الله اعلم
طاح تميم على الارض وقعد يعيط
تميم: شهدددددددد
_____________
اما فادية كانت ادير في رياضة
نجلاء:فوفو تلفون يرن
فادية:الو
//:خيرك معاش جيتي
فادية:لا والله شغل اليومين هدو
//:الشغل خير مني فادية
فادية:مستحيل بس ح نجيك بعد عرس افنان
//:عرس افنان توا بنكلمها نباركلها كان خاطري نكون حاضر عرسها
فادية:قدر الله وماشاء فعل
//؛المهم بعد العرس تعالو
فادية:اي بنجي بابا حالف لمه يخسرك في الطاولة
//:قوليله قالك ياعمو عصام حنربحك
فادية:هههه توا نشوفو المهم استمر على علاجك
//:اي اي مستمر اطمني خلي بنصكر توا بنرتاح
فادية:تمام باي
صكرت فادية الخط
نجلاء:تحبيه
فادية:هلبا
نجلاء:من عيونك باين
فادية:تصدقي مستعدة انضحي بكل شي على خاطره
نجلاء:ياروحي والدكتورة فادية بدت تحب
فادية:مبردك
________________
{ حفل زفاف افنان&توفيق }👰🏻
كان الكل فرحان ويرقص
مريم:العروس امتى بتطلع
شهد:شوية ثانية
وهيا شهد تهدرز
قامت راسها فوق لقت تميم ونورا ومعاهم الصغار خاشين
مريم:شفتي اللي شفته
شهد:اي
فاطمة:تميم ولدي
وجي تميم لحضن امه
تميم:استاحشتك ياست الكل
وشهد كانت مصدومة و تشبح لصغار
تميم:امي اكيد تعرفي نورا غنية على التعريف كنتك وام احفادك
فاطمة:قصدك انت اب
تميم:اي عندي صغار من احلا ام في الدنيا
وباس نورا
وبدت فاطمة تحصن في احفادها
اسيا:مكنتش نتوقعك هكي تاخد مرت صاحبك
نورا:اني وتميم نحبو بعض
ومشو وسيبوها
تميم :عن ادنك عندي تلفون
نورا:تمام حبيبي
ونورا كيف قعمزت صغارها وجتها شهد
شهد:بنت خالي
نورا:اهلين يابنت عمتي
شهد:هه ماشاء الله صغار خوي كبرو
نورا:هدو صغار تميم
شهد:ههههه
نورا:اني في هدكا اليوم اجهضت وكلكم عرفتو
شهد:اي به به وتزوجتي الشخص اللي نحبه اني
نورا:اني وتميم دواينا جروح بعض
شهد:الله على الرومانسية
نورا:شهد ح تتعاقبي انك حميتي حكيم
شهد:والله
نورا:اي اي
شهد:به
نورا:بنقولك شي
شهد:تفضلي
نورا:اللي انتي تحمي فيه هدا هوا قاتل خالك
شهد:عارفه
وهما يدوو جي تميم
تميم:حبيبي
نورا:ياعيونها
شهد:كيف حالك
تميم:اه مدام شهد اهلين
قعدت شهد تشبح لي تميم وهوا حاط يده على خصر مرته نورا
وخشت افنان على اغنية
طلي بالابيض طلي ماجدة الرومي
كانت هيا وتوفيق شادين يد بعض وفرحانين
وتلفتت افنان لقت تميم يشبحلها والدمعة في عيونه
افنان:تميم لاااا
وسيبت عريسها وجت تجري لحضن خوها قدام الناس
تميم:معقولة اني منجيش نحضر عرس اميرتي
افنان:كنت حاسه انك في يوم زي هدا مش ح تسيبني ارجوك سامحني
{ قبل سنتين ونص }
تميم:انسي انه اني خوك
افنان:تميم ارجوك
تميم:اني اختي ماتتت من الحظه هادي ياتعطيني المستندات يا انسيني
افنان:تميم
تميم:يعني خترتي الانسانه اللي كانت بتقتل خوك تمام افنان بس انسي تميم باهي
وطلع وسيبها
__________
وبدت الحفلة والكل كان فرحان الا شهد
شهد:انت
الحارس:نعم مدام
شهد:نبيك تراقب نورا من الحظه هادي
الحارس:حاضر
وجت نسرين تجري
نسرين:فنونه العروسة
افنان:ياقلبي انتي
نسرين:حتى اني بنبدا عروسة زيك
وجت نورا بتسلم على افنان
نورا:مبروك
افنان:الله يبارك فيك مرت خوي
سيرين:انتي نورا
شبحت نورا لي سيرين
نورا:بنتي حبيبتي كبرت
قعدت سيرين تشبح لي نورا
نورا:تعالي في حضن ماما هيا
شبحت نورا لشهد كانت واقفه تهدرز ومشتلها تجري
قامت شهد راسها وابتسمت
جميلة:الله يعدي ها اليوم على خير
فاطمة:شهد ضروري تسكت وتحترم ولدي ومرته
جميلة:به
مريم:تميم
تميم:انسة مريم
مريم:من امتى تقولي انسة مريم
تميم:من يوم بعتي فيه مجد
مريم:اني مجبورة
تميم:هه طبعاً كلكم مجبورين
{ قبل سنتين ونص }
مجد:عظم الله اجرك في خوك
مريم:شكرا الله سعيكم
مجد:حبيبتي ربي يصبركم على فراقه
مريم:امين يارب
مجد:ميمو تمشي معاي للمركز مش تشهدي انه شهد عارفه كل شي
مريم:مستحيل نبيع اختي
مجد:كيف
مريم:اليوم دفنت قطعه من روحي تحت التراب وتبيني نحط روحي الثانيه في الحبس هه حلم ابليس بالجنة
مجد:شن قصدك
مريم:اطلع من حياتي مجد ويوم بتحط شهد في الحبس حطني معاها انتهينا
ومشت وسيباته
_______
_______
جت مريم قعمزت جنب شهد وجميلة
جميلة:خيرك
مريم:تميم حرقلي دمي
شهد:هه هوا اصلاً هكي يبي
جميلة:علاش ماما مجتش للعرس
مريم:تيتا زمرد عندها شغل
جميلة:بنمشي نزورها مره ثانيه
شهد:ان شاء الله
فادية:شوشو
شهد:فادية جيتي
فادية:لا قاعدة في الطريق
شهد:كيف حالك
فادية:تمام خلي نمشي نسلم على العروس
شهد:به
وجت فادية لي افنان
فادية:عروستنا
افنان:فافو
فادية:الف الف الف مبروك
افنان:عقبال ما نفرحو بيك ياربي انتي وحبيب القلب
فادية:ياحياتي انتي امين يارب بس هوا يعتبر دكتورته وصديقته
اسيا:لطيفة من هادي
لطيفة:هادي فادية بنت الدكتور عصام
اسيا:اهااا اي اي عرفتها يابنتي كبرت معاش نزبط
وجت فادية جنب شهد
فادية:نتايج العينات طلعو
شهد:تمام
فادية:امتى نمشو
شهد:بري انتي والدكتور عصام مش تتاكدو من كل شي
فادية:بابا غدوا وراه عمليات
شهد:شفتي هديكا الواقفه غادي
فادية:هه نورا
شهد:كيف عرفتي
فادية:مهو شايفه صورتها
شهد:نحس فيها ناااار في قلبك
فادية:ههههه نار الغيرة
-----
نورا:زعما من هيا اللي مقعمزة جنب شهد
تميم:وينها
نورا:خليك ماتشبحش ليهم
تميم:ياحياتي انتي تغاري عليا
نورا:تي قداش متزوجة راجل اني😂
تميم:وين الصغار
نورا:يلعبو
تميم:شوية ونروحو
نورا:اوووف امتى نرتاح منهم كلهم
تميم:عن قريب
وناض وجت عينه في عين فادية
تميم:لا مستحيل
فادية:وعلاش مستحيل
وتميم:تغيرتي هلبااا
فادية:هدا الزمن
تميم:نعرفك زوجتي نورا نورا هادي صديقتي الدكتورة فادية
نورا:اهلين
فادية:اي وين كنت معقولة متسلش عليا
تميم:والله صارو هلبا حاجات
فادية:ههههه عندي علم
تميم:امتى روحتي من المانيا
فادية:من 3سنين
تميم:حلو امالا بينا تلفون
فادية:بالك مرتك تغار
نورا:لالا اني واثقه في راجلي يحبني
فادية:هههه به الله يحفظكم لبعض
وشد تميم يد نورا ومشو وشهد كانت تشبحلهم بكل حقد
شهد:تصدقي النار اللي فيها انتي فيها اني
فادية:علاش رجعت
شهد:مش تنتقم
فادية:الله يلعنها قداش نكرها
شهد:اهدي ياغيورة
_________________
{ في صباح اليوم الثاني }
كانت نورا في المقبرة جت لقبر انس
نورا:مكنتش نتوقع انه يصير هكي فينا في يوم من الايام تصدق كل يوم نحط راسي على المخدة ندكر كل شي مش قادرة ننسى
شهد:كلنا مش قادرين ياجوري
وجت وقفت جنبها
نورا:كيف كنا وكيف اصبحنا
شهد:كلنا نجرحنا
نورا:مش قادرة نستوعب فكرة انس مات
{ قبل سنتين ونص }
نورا:لااااااااا
شهد:انس مات لا انس لاااااا
وجت سيارة المطافي والاسعاف وطفو النار اللي في السيارة وطلعو الجثة كانت رماااد
نورا:لااا انس متمشيش وتسيبني حبيبي لااااااااا
وبدت نورا تعيط صارلها نزيف
شهد:نورا نورا
وحطتها في السيارة وبدت تجري
نورا:شكلي ح نجهض
شهد:مستحيل
وصلو للمستشفى
الممرضه:مع الاسف المدام نورا اجهضت
وبدت شهد تعيط كرهت كل شي
_______________________
شهد:تدكري لمه كنتي تغاري عليا من باقي البنات
نورا:اي ومنبيكش تلعبي مع غيري
شهد:ايام
نورا:اني وانتي مستحيل نبدو صاحبات
شهد:هه
نورا:شهد نطلب منك طلب اول واخير
شهد:تفضلي
نورا:خاطري نحضنك
نزلت دمعة من شهد وحضنتها وقعدويبكو
شهد:قداش استاحشتك جوري
نورا:حتى اني
شهد:اني كنت محتاجة الحضن هدا من سنين
نورا:انتي روحي ونصي الثاني ومهما صار اني وياك ح نقعدو الخوات اللي نحبو بعض .....
يتابع ....
رايكم في حلقة اليوم وتوقعتكم

#يقين_البشتي