احببت قاتل ابي

13

{ احببت قاتل ابي }
الحلقة الثالثة عشر
جميلة:شهد تكون بنتي اني فهمتي
هبه:انتي مضحوك عليك بري اسالي حكيم ممكن يكون يعرف او ياستي ديري تحليل
جميلة:نوعدك انه ح ندمك على كلامك هدا
وركبت جميلة في سيارتها ومشت
هبه:الو شهرزاد انتي وين
شهرزاد:اني نوتي في روحي بنطلع نمشي للمركز نعرف انه عرفو شي على تميم او لا
هبه:خليك في الحوش عندي موضوع معاك قبل
شهرزاد:به استعجلي
_________________
الخدامه:مدام لطيفة
لطيفة:نعم
الخدامه:بنتكلم معاك في موضوع بس ارجوك متقوليش انه اني حكيتلك
لطيفة:تفضلي احكي
الخدامه:من شوية خاشه بنظف دار الانسة مريم
لطيفة:به
الخدامه ترعش
لطيفة:احكي
الخدامه:لقيت دخان وحشيش وحبوب
لطيفة؛شنيي
الخدامه:اي كانت راقدة محستش عليا اول ما شفتهم طلعت
لطيفة:انتي كدابة
الخدامه:والله لو مش مصدقتيني خشي شوفي بنفسك هيا توا كيف طلعت
خشت لطيفة لدار
لطيفة:وين لقيتيهم
الخدامه:في الدولاب كان مفتوح
فتحت لطيفة الدولاب ولقتهم
لطيفة:لا لا مستحيل
الخدامه:اهدي مدام
لطيفة قعدت تتصل بيها يعطي مقفل
اما عند مريم ف وصلت لحوش مصطفى
مصطفى:حياتي اهلين
مريم:كيف حالك
مصطفى:تمام بشوفتك
مريم:مصطفى اني محتاجة حبوب
مصطفى:كملو اللي عندك
مريم:اي
مصطفى:تمام بس بشرط
مريم:شن هوا
مصطفى:اني نعطيك اللي تبيه وانتي تعطيني اللي نبيه
وشدها ومن يدها ودخلها لداره
________________
نجم الدين:انت بديت تخلف بوعدك ياحكيم
حكيم:من امتى نخلف اني توا قتلك شهد امس تزوجت تبيني طول نقوللها تعالي
نجم الدين: اني خطفت مجموعة كبيرة من المحققين والشرطة وكلهم ح نديرولهم العملية ويتلوحو زي الكلاب
حكيم:به نعرف واني اللي قتلك
نجم الدين:الناس ح تزيد تخاف من التنظمات الارهابية وهكي خلال مدة بسيطة نكونو نشرنا الرعب والخوف بدات انه اللي قتلناهم شرطة
حكيم:ههههه والغرض الثاني انه ح يجيبولنا مبلغ كبير
نجم الدين:تعجبني
حكيم:به كيف بتجيبهم عندي
نجم الدين:لا جماعتك ح يجو يديرو العملية عندنا حني
حكيم:مستحيل هادي مخطارة كبيرة
نجم الدين:لا المخطارة انه نجيبوهم لعندك
ورن تلفون حكيم
حكيم:الو
جميلة:حكيم حبيبي اني محتجاتك تعالى هيا
حكيم:تمام توا نجيبك
نجم الدين:وشن صار في العملية الثانيه
حكيم:جماعتنا قاعدين يدخلو في عقول الشباب هدا الشي وعندهم مكان يتلاقو فيه
نجم الدين:به نبو مجموعة من المخدرات الكميات اللي عندنا قريب يتمو
حكيم:ح نكلم مصطفى هوا مسؤال على هدا الشي والشباب اللي الايام الجاية ح ينظمو لتنظيم الارهابي عمرهم من 12 إلى20
نجم الدين:ممتاز
________________________
وصلت هبه للحوش لقت شهرزاد تستنا فيها
هبه:صار الوقت تحكيلي الحقيقة مش هكي
شهرزاد:حقيقة شن
هبه:اليوم جماعتي حفرو القبر
شهرزاد:هبه
هبه:احكيلي كل شي يا ح تخسري كل شي
شهرزاد:تمام قعمزي ح نحكيلك
نورا كانت بتمشي لشغل ناضت امخر وقفت تسمع فيهم
شهرزاد: علي قبل ما يموت حكالي كل شي
هبه:تمام وانتي توا بتحكيلي
شهرزاد:قبل ولادتك لي شهد 3 ايام جميلة جابت بنت وجميلة كانت في هداكا الوقت معجبة بس بإحكيم وكانت في المزرعة هيا وعلي علي كان متعارك مع الكل وعرف انه خوه يخدم في الحاجات هادي. ليلة ولادت جميلة كانت عندها القابلة تولد فيها جي حكيم هداكا الوقت كيف بدي يشتغل في الحاجات هادي جي هدد علي انه بياخد منه انس وانه علي معاش يملك شي لانه حكيم لعب لعبته علي رفض انس كان كبير وانس سندهم في الحياة علي ف قاله خود الطفلل اللي بتجيبه توا جميلة ونوعدك ننسى الموضوع ونقوللها انه مات وافق حكيم وخش علي للقبالة ولقها قاعدة تولد فيها جابت جميلة واغمي عليها وخدي علي البنت وطلعها لخوه وقال للقابلة متحكيش شي ناضت جميلة وتسال اني جبت بنت ولا ولد وين جي علي وصكر عليها الدار بالمفتاح ولي مدة ثلاث ايام مقدرش يقوللها انه بنتك ماتت واصلاً البنت اللي جابتها كان عندها تشوه خلقي
هبه:كملي
وبدت هبه تبكي وشهرزاد تبكي ونورا تسمع فيهم مصدومة
شهرزاد:يوم ولادتك انتي كنت خائفه خوك يعرف بحملك لانه يسحابه كان عندك انتفاخ فقط في البطن ومايشوفش فيك هلبا وكنتي تلبسي واسع ومتبيش تطلعي من الحوش وكنتي ضعيفة هلبا يوم ولادتك جبتي شهد خديت لفيتها في طرف قماش كان قبل الفجر بشوية والمطر تصب وصلت لمزرعة علي فتح علي الباب وكان مصدوم
{ قبل سنوات }
علي:شهرزاد انتي شن اديري هني
شهرزاد:خود هادي بنتك
علي:شن
شهرزاد:هبه مقتلتش البيبي اطمن
علي:قصدك
شهرزاد:اطلع من حياتنا فهمت وهادي بنتك عطيتهالك امها متبيهاش تبي تربيها ربي تبي تحطها قدام الجامع انت حر
ومشت شهرزاد وخلاته
خش لي جميلة كانت راقدة
جميلة:علي
علي:خودي هادي بنتك
جميلة:خيرها قاعدة دم وقعدت تشبحلها
علي:كانت مريضت في الدار الثانيه توا تحسنت رضعيها كانت المرضعه تجي
وحطتها جميلة في حظنها
جميلة:بنتي حبيبتي مريضه ياروح امك
_________________
...............
شهرزاد:وهادي هيا القصة
ناضت هبه لدرها
وادرقت نورا تحت الدروج
________________
اما عند مريم ف كانت راقدة ومصطفى نا
مصطفى:الو سيد حكيم
حكيم:مصطفى قولي شن اخر الاخبار
مصطفى:مريم عندي
حكيم:اسمع اني لازم نخلص من مريم في اسرع وقت فهمت
مصطفى:ح نقنعها بموضوع التنظيم الارهابي
حكيم:اني واثق فيك ياولدي
وصكر حكيم الخط
_____________
اما عند احمد
احمد:مصارش من شهر العسل
شهد:علاش
احمد:بوي يبيني في شغل مهم
شهد:اها
احمد:وحتى انتي عندك شغل مهم
شهد:امتى بنروحو
احمد:توا
شهد:به الحقني انت اني بعدين نروح
احمد:تمام باي اني ماشي
شهد:باي
احمد:حتى عرسان جدد مش مخلينا نتهنو
وطلع احمد وشدت شهد التلفون
شهد:انتي وين
افنان:في الحوش امي مريضه وين تبيني نمشي يعني
شهد:اني اليوم بنجي للحوش
افنان:مش ع اساس بتمشو لشهر العسل
شهد:حكيم شكله عنده شي بيديره
افنان:اوووف
شهد؛امتى بتمشي لشركة قاعدتك في الحوش مش ح ترجع تميم
افنان:اني قاعدة على خاطر امي
شهد:تمام اني توا وزعت احمد وبنمشي نشوف مجد شن صار في قصة تميم
افنان:ما صار شي خليك ارجعي للحوش ورانا شغل
شهد:تمام
افنان:حقااا
شهد:نعم
افنان:لقيت عنوان ليلى
شهد:تبصري
افنان:اقسم باالله انتي غير تعالي
شهد:جاية فوراً
_________________________
مصطفى:نضتي اميرتي
مريم:عطيني الحبوب وخليني نروح ارجوك
مصطفى:خودي
مريم:شكراً
مصطفى:ميمو في موضوع بنكلمك فيه
مريم:شن هوا
مصطفى:نبيك تنظمي للارهاب
مريم:انت تبصر صح
مصطفى:في بلادنا توا بيبدا الارهاب بالمزبوط لانه تقريباً بلادنا مع الاسف مفيهاش
مريم:وانت تبيهم
مصطفى:هدو ناس يبو مصلحتنا ميبشو الفوضة اللي صايرة توا
مريم:هدو ناس يبو دمارنا
مصطفى:هههههه بنسالك شن استفدتي من التعليم متاعك
مريم:اني قاعدة نقرا
مصطفى:شن استفدتي من عائلتك به بنسالك في حد معبرك يا مريم في حد سال عليك اسكتي ولا كلمة بس لمه تخشي لتنظيم ح تنتقمي من عائلتك
طلعت مريم وخلاته وكانت تبكي
__________________
اما عند نورا ف وصلت لشركة
انس:تااااخير
نورا:اسفه يامديري ما سمعت شي على تميم
انس:مع الاسف بس امه تاعبه هلبا
نورا:اووووف ربي يكون معاها بجديات وجعتني
انس:اي حبيبي الاسبوع الجاي بنمشو لحوشنا
نورا:العرس قصدك
انس:لا بس بنشمو نحددو الموعد
نورا:الموعد اللي قتلك عليه
انس:تمام حبيبي
نورا:تمام اني بنمشي نخدم على حالي
انس:قبل كل شي
نورا:اممم
انس:بوسة
نورا:انوووش
ومشت وسيباته
انس:زعلت
نورا:هههههه زعل ادب
خشت نورا لمكتبها
نورا: انس علي وجوري علي صدفة اسامي بوي وبوه زي بعض هه لو يعرف
_________________
اما عند جميلة
حكيم:خيرك تبكي
جميلة:اليوم تلاقيت مع هبه
حكيم:من هبه
جميلة:هبه اخت الدكتور وقعدت تبكي
حكيم:خيرها شن قتلك وهما مش مسافرين
جميلة:شكله كلام شهد حق ورجعو
حكيم:شن ها المصيبة
جميلة:قتلي شهد مش بنتي
حكيم:مستحيل حبيبي هادي تكدب عليك
جميلة:شهد بنتي اني بنتي اني وبس صح ديما نتعارك معاها بس شهد بنتي نحبها اكثر من روحي
وقعدت جميلة تبكي
حكيم:تعالي نخشو لغرفة نومنا ونهدرزو براحتنا
جميلة:تمام روحي
_____________________
وصلت مريم للحوش
وهيا كيف بتبدل حوايجها خشت لطيفة
مريم:مرت عمي خيرك خاشه بدون ما ادقي الباب
ضربتها كف
مريم:خيرك
لطيفة:اليوم عرفت انك تتعاطي
مريم:مرت عمي خيرك انتي شن تقولي
لطيفة:اسمعي التنبيه الاول والاخير ردي بالك مزال تتعاطي العفن هدا بعدين تشوفي شن يصيرلك
و طلعت وسيبتها
وقعمزت مريم تبكي
وصلت شهد
شهد:مرت عمي كيف حالك
لطيفة:نقولو الحمد لله خيركم مش بتسافرو
شهد:مصارش احمد عنده شغل والصراحة حتى اني
لطيفة:تمام
شهد:من في الحوش
لطيفة:اختك وحناك
شهد:تمام
خشت شهد لي الجدة اسيا
شهد:اميمة كيف حالك
الجدة اسيا:الحمد لله وانتي
شهد:حتى اني وين ماشية
الجدة اسيا:بنمشي نقعد في الحوش الثاني
شهد:يعني اميمة رجعنا لنفس الطريق
الجدة اسيا:اي
شهد:مش ح تحضري عرس انس
الجدة اسيا:جايبلي وحدة منعرفش قرعت بوها منين
شهد:اقعدي الفترة هادي ارجوك
الجدة اسيا:به على خاطرك بس علاش
شهد:اصبري عليا شوية بس
_________________
[ بعد مرور اسبوع ]
جميلة:فاطمة صباح الخير
فاطمة:صباح النور مدام
جميلة:اليوم جهزي على العشاء احلا الاكلات
فاطمة:علاش
جميلة:جاية كنتنا الجديدة
فاطمة: تمام
وطلعت جميلة من المطبخ
جميلة:صباح الخير حبيبي
حكيم:اسكتي يسمعوك
جميلة:لمتى بس
حكيم:اني ماشي
جميلة:مش ترجع بكري لانه نورا جاية
حكيم:حاضر
وكانت لطيفة تشبحلهم من الروشن
________________
احمد:نبي نفهم انتي لمتى بتقعدي معقدة هكي ره اني راجلك
شهد:واني نبي نفهم لمتى انتي بتقعد متوحش هكي
احمد:تميم انسيه
شهد:ومن قالك انه نفكر فيه اصلاً
احمد:تمام اني مقتنع انتي اقنعي روحك
وطلع وسيبها
شهد:مريض نفسي انت وبوك
وبدت شهد تجهز في روحها مش تطلع
____________
نورا:اني اليوم بنمشي نتعشى في حوشهم
شهرزاد:تمام
نورا:اي وهدا اول عشاء يجمعني بيهم
ندى:خالتي شهرزاد
شهرزاد:نعم
ندى:ليك اسبوع انتي وماما متتكلموش
شهرزاد:موضوع بيني وبين امك ندى
نورا:هيا ندى بري لمدرستك
ندى:تمام
نورا:اني طالعه عمتي باي
شهرزاد:ربي يوفقكم
_____________________
اما عند شهد جهزت روحها
شهد::اميمة هي تعالي عندنا مشوار
الجدة اسيا:وين
شهد:نتسنا فيك في السيارة هيا
وطلعت شهد تستنا في الجدة اسيا
افنان:صباح الخير
شهد:صباح النور
افنان:في اوراق لازم توقعي عليهم
شهد:تمام فنونه بس اليوم تنفيد الخطه الثانية
افنان:شهد اللي في راسك خطير
شهد:ح ندمرهم واحد وراء واحد
الجدة اسيا:هي اني جيت
شهد: هي باي افنان
افنان:باي
____________________
اما عند حكيم في المركز
حكيم:شن وصلو كل الاجهزة
نسرين:اي وكل شي تحت السيطرة
حكيم:مزال نتكلم مع شهد وينحل كل شي
نسرين:اي
حكيم:تمام تمام
نسرين:سيد حكيم
حكيم:نعم
نسرين:المدام كارول زعلانه ومكسور خاطرها
حكيم:علاش
نسرين:لانه انت معاش مهتم بيها
حكيم:والله معد عرفت وين نقسم روحي اطلعي نسرين بالله
نسرين:عن ادنك
_________________
وصلت شهد والجدة اسيا لمكان شبه مهجور فيه مباني صغيرة
الجدة اسيا:شن المكان هدا
شهد:انزلي
ونزلو هما اثنين ودقو على باب الحوش
فتحت بنت صغير
شهد:حبيبتي مفيش حد كبير هني
وهيا شهد تسال فيها رفعت راسها لقت ليلى
الجدة اسيا:ليلى بنتي
ليلى:اميمة
وجرت طول لي حضنها
ليلى:شهد
شهد:حبيبتي استاحشتك
ليلى:انتو كيف عرفتو مكاني
شهد:ههه معاك المخبرات بنفسها
ليلى:تفضلو
شهد:محلاهاااا شن اسمك يابطة
سيرين:اسمي سيرين
شهد:ياروحي انتي
وقعدت تبوس فيها
ليلى:حبيبتي خشي لدارك
وقعمزو كلهم
شهد:سيرين بنت انس صح
ليلى:لا
شهد:متكدبيش اني عارفه كل شي
الجدة اسيا :شن المكان هدا اللي قاعدة فيه
ليلى:اليوم بنحول لقيت شقة ثانية
الجدة اسيا:بعد كل ها السنين لقيتك مستحيل نضيعك
___________________
في المساء الكل مجتمعين
حكيم:وين شهد
جميلة:طلعت هيا وامك
حكيم:هيا عاد عندي شغل
نورا:حبيبي
انس:نعم
نورا:شكله عمك متوثر
انس:ديما هكي متاخديش عليه
فجاة خشت الجدة اسيا
الجدة اسيا:خليكم مقعمزين بس عندي كلام بنقوله
حكيم:تفضلي
الجدة اسيا:الحوش هدا من الحظه هادي رجعتله قيمته ورجعت اسيا اقوة من الاول واللي مش عاجبه قانون الحوش يطلع ولا واحد فيكم يخالف اوامري
وخشت شهد وليلى وسيرين والكل مصدوم
الجدة اسيا:من اللحظه هادي ليلى رجعت للحوش هيا وبنتها سيرين ومحد يدوي معاها كلمة لانه هدا حوشها
وانس مصدوم وكله عرق بدات لمه شاف البنت الصغير وشهد تشبح لي نورا بكل حقد
نورا:هادي هيا صح
وشهد وبصوت واطي
شهد:وتوا بدت الحرب ياجوري علي .........
يتابع.......
رايكم
#يقين_البشتي