احببت قاتل ابي

{ احببت قاتل ابي }
الحلقة الثانيه
شهد:اسمعني ارجوك
تميم:اني شديت هادي القضيه وح نكون محقق فيها كلكم ح ندمركم
شهد:لو سمحت اسمعني
تميم:معاش في شي بينا
وركب تميم في سيارته وطلع
شهد قعمزت تبكي
_____________________
عند انس طبعاً بعد تعالج مشي للندن
انس:الو ماما كيف حالك
جميلة:الحمد لله ياولدي انت كيف حالك
انس:تمام اني بنقولك الاسبوع الجاي مروح
جميلة:انس
انس:ماما ارجوك خلاص معاش نبي نقعد هني ونبي اندير فلوس بوي
جميلة:تمام حبيبي
انس:تمام نكلمك بعدين سلميلي على العائلة
جميلة:يوصل
صكرت جميلة الخط وتلفتت لي حكيم
جميلة:انس بيروح
حكيم:خلي يروح
جميلة:شكله بدي باهي
حكيم:الحمد لله
جميلة:خلي انوض نلبس وبنروح للحوش مع انه مشبعتش منك
حكيم:ولا اني ياقلبي بس حتى اني عندي شغل
جميلة:تمام
__________________
اما عند نورا روحت للحوش
نورا:تي شن هدا منبيش نمشي للمكان هداكا
ركبت نورا وبدت تجهز في شنطت السفر متاعها دق باب الحوش
نورا:مني
نجمة:اني جارتكم نجمة ياجوري
نورا فتحت الباب
شهد:اهلين خالتي نجمة كيف حالك
نجمة:الحمد لله
نورا:تفضلي تفضلي
نجمة:كيف حال عمتك شهرزاد
نورا:تمام غدوا بنمشيلها
نجمة:الاسبوع اللي فات حلمت بيك يابنتي
نورا:خير ان شاء الله
نجمة:كانه في بنت تطعن فيك بموس ونار حوليك
نورا:بسم الله الرحمن الرحيم
نجمة:ردي بالك يابنتي
نورا:والله ياخالتي نجمة اني ماشيه وقلبي مقبوض
نجمة:تعالي تعشي عندي الليله
نورا:صحيتي بارك الله فيك بس غدوا مسافرة بنمشي لندن بنقعد فيها اسبوع وبنرجع لبلادي
نجمة:ح ترجعي ولا بتسيبوني بروحي في الغربة اني ما صدقت لقيت ناس من بلادي
نورا:عشنا سنين ووانتي ربيتيني وبجديات كنتو ليا عائلة بس هدا القدر اني راجعة على خاطر شي مهم
نجمة:ربي يسهلك الطريق يابنتي
نورا:ان شاء الله
وحضنتها
نجمة:جوري مش ح تقطعيني من اتصالك
نورا:اكيد لا ديما ح نكلمك ونهدرز معاك اطمني
نجمة:تمام يابنتي بري كملي تحضيراتك تصبحي على خير
نورا:وانتي من اهلو

__________________________
مريانا:كيف يعني بتسافر وتخليني ولا استحشت ليلى
انس:زي ما سمعتي وليلى طلعت من حياتنا فهمتي ساااافرت
مريانا:وعلاقتنا
انس:مريانا اني وياك بعمرنا ما ارتبطنا
مريانا:اني اللي خليتك تتحسن
انس:هدا شي بفضل رب العالمين مش انتي
مريانا:ندير كل شي على خاطرك بس متسيبنيش ارجوك
انس:سيبيني
مريانا:تمام
وطلعت مريانا من الشقه واتصلت بشهد وشهد كانت كيف خاشه للحوش
مريانا:اهلين انسة شهد
شهد:نعم مريانا شن في
مريانا:خوك
شهد:خيره انس
مريانا:بيسيبني وبيرجعلكم
شهد:كيف خوي مروح
وهيا كيف شهد قالت الكلمة هادي وجت عينها في عين امها
جميلة:اي بيروح
شهد:مريانا نكلمك بعدين
مريانا:تمام نستنا في اتصالك انسة شهد
شهد:انتي من قالك
جميلة:انس اتصل بيا وقالي
شهد:اياااه شكله مفرحك الخبر هدا
جميلة:اي وهلبا
شهد:لهدرجة وصلت بيك الحقارة
جميلة:اني امك احترمي نفسك كيف تتكلمي مع امك هكي
شهد:اني بعمري ما اعتبرتك ام فهمتي شن فيك بنفتخر بيه مدايرة علاقه محرمه مع عمي ولابنتك خليتها مجرمه
وركبت شهد لدرها
{ طبعاً العائلة كلهم ساكنين مع بعض في نفس الحوش }
لطيفة:حبيبتي شهد شن في
شهد:ولا شي مرت عمي
لطيفة:تمام بنتي
وخشت شهد لدرها كانت تاعبه هلبا
___________________
عند احمد كان طالع مع بنت عمه مريم اخت شهد الصغيرة
احمد:ميمو انتي تعرفي ذوق شهودة كويس
مريم:به
احمد:باهي ايامك ياحنة تي انتبهي معاي
مريم:نسمع فيك ادوي
احمد:بنعرض عليها الزواج
مريم:بس شهد متحبكش
احمد:لا ح تحبني اني نبيها وبنصونها
مريم:المقابل
احمد:لا وتبي مقابل مش تختاري معاي خاتم زواج
مريم:والله حني في زمن مفيش واحد يعطي بدون مقابل
احمد:ح نلخبط مصطفى صاحبي ونخليكم ترتبطو
مريم:احيي من طول عمرك تفهم على الطاير
احمد:مش تعرفي ولد عمك بس
_________________________________
8:15مساء
الخدامه:مدام لطيفة العشي جاهز
لطيفة:بس حكيم قااعد مروحش
جميلة:خلاص توا اكيد يجي بري قولي لشهد تجي
لطيفة:وين السيدة مريم
جميلة:طالعه مع احمد
لطيفة:شي حلو والله
هوا حكيم كيف خش من باب الفيلا وخش احمد و مريم
مريم:مساء الخير ياحلا عم في الدنيا
حكيم شبح لي مريم واحمد وخش
مريم:خيره بوك
احمد:امشي وتوا نعرفو
لطيفة:اهلين بيك حبيبي نورت
حكيم:في مصيبة
شهد:شن في
حكيم:وين الخدامه نادو عليها بسرعه
كانت فاطمة جاية مش تعطي للجدة اسيا عشاها
فاطمة:خير خير سيد حكيم شن في
حكيم:انتي تاخدي حوايجك وتطلعي من حوشي
فاطمة:بسم الله الرحمن الرحيم علاش نطلع اني معندي وين نمشي من يوم يومي عايشه عندكم.
حكيم:انتي ولدك بدي عدونا اللي كلي من خيرنا ولا علينا
فاطمة:بسم الله الرحمن الرحيم ولدي شن مداير
غمضت شهد عيونها وخنقتها العبرة
حكيم:ولدك شاد قاضيه ومتهمني بتجارة الاعضاء
فاطمة:لا مستحيل ولدي ميديرش هكي
حكيم:بدون كلام زايد خودي بنتك واطلعو من هني
الجدة اسيا:وعلى جثتي تطلع فاطمة من الحوش اني قاعدة عايشه ره
{ اسيا تكون حناهم ديما في دارها ومتحبش تطلع لانه مريضه عمرها 85 سنة }
حكيم:امي
الجدة اسيا:كلمتي وقلتها فاطمة
فاطمة:نعم ياستي
الجدة اسيا: ولدك الحوش هدا معاش يخشله فهمتي يبي يشوفك انتي واخته يشوفكم برا
فاطمة:باهي ممكن يجي ياخد حوايجه
الجدة اسيا:اي يجي
طلعت فاطمة
فاطمة:افنان بسرررعه اتصلي بخوك هيا
افنان:امي طمنيني شن في
فاطمة:اتصلي بيه وقوليله يجي حالاً
افنان:حاضر ماما
اتصلت افنان بتميم
تميم:نعم فنونه
افنان:ماما تبيك تعالى بسرعه
تميم:حاضر
بعد العشي طلعت شهد قعمزت في الحديقة
احمد:شوشو
شهد:نعم احمد
احمد:في موضوع نبي نتكلم معاك فيه
شهد:ان شاء الله خير
ورن تلفون شهد
شهد:لحظه بس
احمد:بسرعه
شهد:نعم مريانا
مريانا:استنيت اتصالك
شهد:الصراحة روحت رقدت وتوا تعشيت كنت بنكلمك
مريانا:به شن صار
شهد:خليه يجي انس لازم يرجع
مريانا:به واني
شهد:انتي توا عليك بالصبر وح تشوفي
مريانا:باي
شهد:اي احمد شن في
احمد:انتي عارفه انه من لمه كنت صغير كنت نحبك كنت ندير كل شي مش ترضي عليا بس اني حبيتك شهد حب كبير
شهد:به
احمد:كل مره نشوفك قريبا لي تميم وبعيدة عليا نتوجع اني معاش نقدر
شهد:الملخص احمد
طلع احمد الخاتم
احمد:تتزوجيني شهد ترضي تكملي عمرك معاي
فجاة شهد سكتت وادكرت تميم ادكرت كيف قاللها منقدرش نخليك لغيري ادكرت قصة النصيب وكيف هيا كانت خائفه منه ادكرت كيف بدي عدوها وهددها انه يحطها على حبل المشناقه وادكرت انه مستحيل عندها خيار الا احمد سوء وفقت توا او بعدين لانه محكوم عليها تتزوجه وتخاف من عمها لو يستخدم في يوم صغارها في احد العمليات بس لمه يكونو احفاده مستحيل يصير الشي هدا وبس كانت متاكدة ح تصير معجزة
شهد:موافقه
حضن احمد شهد
احمد:نوعدك انه مفيش يوم ح نزعلك فيه ح تعيشي معاي اميرة يااميرتي
ولبسها الخاتم وقعد يهدرز معاها
وصل تميم لقي شنطته جاهزة
تميم:امي
ضربت فاطمة تميم كف
فاطمة:انسى من اللحظه هادي انه عندك ام واخت
تميم:انتي شن تقولي
فاطمة:معقولة الناس اللي وقفو معاك اديرلهم هكي ياخسارة تربيتي فيك
تميم:امي حكيم مجرم
فاطمة:امشيييي اني غاضبه عليك ليوم الدين ومن اللحظه هادي يحرم حليبي عليك
جو احمد وشهد وكانو شادين يدين بعض
شافهم تميم
فاطمة:هياااا امشي
احمد:انت شن ادير هني برا
فاطمة:اطمن ياولدي يااحمد لزيته ومعاش يخش للحوش هدا
احمد:احسن شي
شبح تميم ليديهم وكيف شادين في بعض والدبله في يد شهد صغرررت بيه الدنيا الكل وقف ضده ضاقت الدنيا بيه
نزل راسه وخدي شنطته ومشي
وهوا راكب في سيارته تلفت
تميم:ح نتلاقو قريباً
شهد:معاش ترجع هني مره ثانيه فهمت
تميم كان مليشي حد في اللحظه هديكا رب العالمين روح لحوش صاحبه مجد وفتح صوره هوا وشهد وقعد يتفرج عليهم اذن الفجر ناض توضاء وصلى وقعد يقرااء في قران
كمل ورفع يده لرب الفلق
: اللهم إنّي عبدك، وابن عبدك، وابن أمتك، ناصيتي بيدك، ماضٍ فيّ حكمك، عدل فيّ قضاؤك، أسألك بكل اسم هو لك، سمّيت به نفسك، أو علمته أحداً من خلقك، أو أنزلته في كتابك، أو استأثرت به في علم الغيب عندك، أن تجعل القرآن ربيع قلبي، ونور صدري، وجلاء حزني، وذهاب همّي، إلا أذهب الله همّه وحزنه، وأبدله مكانه فرجاً،

__________________________________
بعد مرور اسبوع
{ مطار لندن هيثرو }
[مطار لندن هيثرو هوا مطار دولي يقع غرب العاصمة البريطانية لندن يعد مطار هيثرو اكبر المطارات البريطانية وثالث مطارات العالم إزدحاماً منن ناحية حركة المسافرين ]
شهرزاد:حالك باهي
نورا:كنت عند الدكتور وقالي هبوط في الضغط بس
شهرزاد:تمام حبيبتي كولي باهي في الطيارة
نورا:تمام اني في المطار وانتي عارفه مطار هيثرو وزحمته
شهرزاد:تمام حبيبتي الامانه معاك ولا
نورا:اي اطمني عمتو
شهرزاد:وبنقولك اسمك من اللحظه هادي الرسمي هوا نورا محمد علي
نورا:تمام جهزتي كل شي
شهرزاد:اي
نورا:تمام باي بنختم الجوزات
شهرزاد: ادقيقه بنسالك تلاقيتي مع عمتك هبه
نورا:لا قتلي ندى انه مسافرة لي امريكا
شهرزاد:اي اي احسن هبه لو عرفت انه رجعنا ح تجي
نورا:تمام باي
شهرزاد:باي
----------------
مريانا: ح نستاحشك
انس:ردي بالك على روحك
مريانا:تمام
انس:باي
وهما بيختمو جواز السفر كانت نورا دايخه شدها انس
انس:ياانسة انتي كويسه
نورا:اي تمام شكراً
__________________
اما عند لطيفة خشت جايبة قهوة لي اسيا
لطيفة:ماما اسيا
الجدة اسيا:نعم بنتي
لطيفة:امتى يترجعي زي ما كنتي
الجدة اساي:اني خسرت بنتي وبعدها خسرت بنت بنتي
لطيفة:ليلى هيا اختارت تمشي برضاها
الجدة اسيا:لطيفة قدامك ما تعرفي شي اسكتي
لطيفة:حاضر
الجدة اسيا:شكراً على القهوة تقدري تطلعي
لطيفة:اني جاية بنهدرز معاك
الجدة اسيا:واني منبيش حد
لطيفة:حاضر
وناضت وطلعت من الدار
وخدت الجدة اسيا صورت ليلى
الجدة اسيا:وينك يابنت بنتي يابنت الغاليه من يوم مشتيي اني معاش طلعت من الدار هادي الحوش مظلم بدونك الله لايسامحك ياانس
وقعدت تبكي
__________________
وركبو في الطيارة وقعمزو جنب بعض
انس حس بالملل بدات ونورا ساكته وكانت على اعصابها
وهوا يشبحلها كيف هيا على اعصابها ويتامل بيها وحس اتجاهه شعور غريب وقلبه يدق
انس:ممكن نتعرف
نورا:هههه لا
انس:مش على الاقل ندردشو بدل الملل
نورا:اني اسمي نورا محمد علي تمام هكي
انس:واني انس // //
نورا:كييييييف......
يتابع......
#يقي_البشتي
رايكم وتوقعتكم للحلقة الجاية وسامحوني على الاخطاء خلي نشوف صاحب اطول تعليق وتوقعكم ورايكم يهمني
نحبكم ولو لقيت وصل 500تعليق انزل الثالثه اليوم