احببت قاتل ابي

7

{ احببت قاتل ابي }
الحلقة السابعة
تميم:شهد
وهيا ماشيه شهد تلفتت
تميم:من ها اللحظه حبنا انتهي
نزلو دموع من شهد ومشت تجري وهيا طالعه من المطار لقت احمد يستنا فيها
احمد:كنت عارف ومتاكد انك ح ترجعي
فتح احمد باب السيارة لشهد
وركبت شهد وهيا عيونها دموع
شهد:كيف عرفت انه اني هني
احمد:مخصكش
شهد:حقييير
احمد:شهد انتي عارفه بوي شن ح يدير اني خائف عليك
شهد:لا انت خائف نكون لغيرك
احمد:اي اني نحبك ومستحيل نرضى تكوني لغيري
شهد:تمام بس كلكم ح تندمو نوعدكم
___________________________
انس:ميمو
مريم:صباح الخير انس
انس:الظهر ح ياذن
مريم:اها
انس:حبيبتي شن صاير معاك احكيلي اني خوك الكبير وسندك في الحياة
مريم:الحوش هدا مش متحملاته ياانس
انس:انتي عارفه انه هدا حوشنا ومكتوب باسم بابا ومنقدروش نسيبوه وعمك
مريم:اصلاً عمي هوا اللي كرهاته
انس:مريم غير موضوع عمي شن في ادوي
مريم:كل شي في وقته حلو انس
وحضناته وقعدت تبكي
______----------------
اماعند نورا ف مقعمزة تشرب في القهوة هيا وعمتها
شهرزاد:كانه ضميرك انبك
نورا: حرام عليك والله
شهرزاد:توا نبي نعرف تميم وين مشي
نورا:لو ربي كاتبله ح يرجع
شهرزاد:ان شاء الله
[ قبل ساعه ونص ]
رجعت نورا للحوش
الخدامه:انسة نورا المدام شهرزاد تستنا فيك في الصالون
نورا:تمام
خشت نورا
شهرزاد:انتي هبلتي صح
نورا:هما اثنين يحبو بعض
شهرزاد:انتي جاية هني مش تنتقمي فهمتي بوك دمه في رقبت العائلة هادي
نورا:بس شهد صديقة طفولتي وبنت طيبة
شهرزاد:نورا اسمك ومعندكش صديقات طفولة فهمتي
نورا:تمام
شهرزاد:وانس علاقتكم بدت تمام صار الوقت تخليه يعرض عليك الزواج
نورا:مش بسرعه هادي
شهرزاد:كلامي يتنفد وردي بالك تحاولي تحبيه
نورا:انس مش المجرم المجرم حكيم
شهرزاد:في نظري العائلة كلها مجرمه شدي التلفون
نورا:علاش
شهرزاد:كلمي احمد قوليله على مكان خطيبته
نورا:مستحيل
شهرزاد:كلمتي وقلتها
خدت نورا التلفون واتصلت
احمد:الو
نورا:صباح الخير عرفتني
احمد:لا والله من معاي
نورا:اني نورا
احمد:اها اهلين نورا كيف الحال
نورا:تمام اني بنقولك شي احمد
احمد:تفضلي
نورا:اني نعرف مكان شهد وين
احمد:بجديات
نورا:مش ح نقولك توعدني انك مش ح تقول من قالك
احمد:غالي والطلب الرخيص تم
نورا:توا ماشيه للمطار بتهرب هيا وتمتم
___________________________
وصلو شهد واحمد للحوش
لطيفة:اهلين نورتو يابنتي علاش درتي هكي
وشهد كانت متبيش تتكلم مع حد نزلت امها وانس من الدروج
انس:انتي شن اديري هني مش مفروض تكوني مسافرة
حضنت شهد انس
انس:شوشو
شهد:ارجوك متسالنيش
وركبت شهد لدارها
مريم:علاش روحتي
شهد:لانه مجبورة
مريم:انتي راضية تدمر حياتك
شهد:ارجوك معنديش خلوق لنقاش وتعالي هني خيره وجهك اصفر
مريم:مخيرنيش
_________________________
بعد مرور ثلاث ساعات
نورا:ومفيش اخبار على تميم
انس:لا
نورا:شهد رقدت
انس:من لمه خشت لدرها معاش طلعت
نورا:ياحبيبتي اكيد مضايقة
انس:احكيلي انتي وتميم كيف تعرفتو على بعض
نورا:ولد خالتي صاحبة
انس:اها
نورا:انوس مش لازم توا الهدرزة هادي غدوا جاي لشغل
انس:اي اكيد مع انه معنديش خلوق بس ضروري نشوف عيونك نرتاح
نورا:امم انس الحوش يدق والخدامه مش فاضيه بنفتح الباب
انس:تمام حبيبتي
نورا:شن قلت
انس:شي
نورا:باي
وصكرت نورا الخط ونزلت بتفتح الباب
فتحت نورا الباب ونصدمت
نورا:عمتي هبه
هبه:اي عمتك هبه خيرك منصدمة
ندى:كيف حالك نورا
نورا:تمام ندوش بس انتو شن جابكم
ندى:الصراحة اني منبيش نجي بس ماما هكي تبي
هبه: وين شهرزاد
شهرزاد:حي هبه انتي شن جابك
هبه:متوقعتكش تنصدمي هكي كنت بنجي الاسبوع الجاي مصارش
ندى:خالتي كيف حالك
شهرزاد:ياروح خالتك اساحتشتك كبرتي ماشاء الله ليا هلبااا عليك
ندى: تسلمي
شهرزاد:ماشاء الله
نورا:ندى تعالي اركبي لدار ارتاحي
ندى:تمام
وركبو ندى و نورا لدار
شهرزاد:اي قداش يوم بتقعدي هني
هبه:الله اعلم
شهرزاد:اممم معندكش شغل هني
هبه:عندي شركات وحاجات نقلتهم لهني
شهرزاد:اهااا
________________
نسرين:اهلين حكيم علاش معاش جيت
حكيم:تي غبت يومين
نسرين:في مجموعة من التنظيم الارهابي عندنا
حكيم:خيرهم
نسرين:يبو فلوس وتمويل سلاح
حكيم:احمد يحل الموضوع جاي
نسرين:تمام
__________________
جميلة:شن مني على الخط
حكيم:نسرين تقول انه الارهابين كانو ياخدو فلوس
جميلة:اها معاش سلموكم ناس جديدة
حكيم:عطونا اخر دفعة صغار وبنتك هربت
جميلة:خلاص حل الموضوع
حكيم:احمد ماشي غادي قالو يبو يمولو الارهابين اللي عندهم في الجبل
جميلة:حكيم انت واقف مع الارهاب
حكيم:اني الارهاب اللي يساعد فيا انتي كان مش منهم ره مفلسه
جميلة:طبعاً الارهاب عايشين ومضيعين حياتهم وانتو الروس الكبيرة تحركو فيهم زي ما تبو امتى بيفيقوا
حكيم:جميلة خلينا صحاب احكيلي شن عندك
جميلة:اني حامل
حكيم:كيف
جميلة:اي حامل حامل
حكيم:لااا ناقصني اني
جميلة:حبيبي ح يجينا بيبي
حكيم:الاسبوع الجاي ح نحجزلك عند دكتور شاطر وتنزليه
جميلة:حرام عليك منبيش نجهد
حكيم:قلت اللي عندي
__________________________
احمد:اهلين دكتورة نسرين
نسرين:في ناس
احمد:اي عارف في من قالي
وخش احمد
نجم:اهلين اكيد انت ولد عبد الحكيم
احمد:اي
نجم:بوك من طول عمره يدعم فينا
احمد:واكيد ح يستمر في دعمكم بس حني نسبة الارهابين في بلادنا مش هلبا
نجم:وكان مش هلبا لمه يكون في فلوس وسلاح ح نقدرو نكبروهم
احمد:اني مدخليش في الموضوع اني ح نعطيك المبلغ اللي تبيه قداش تبي
نجم:8 مليون
احمد:علاش هدو بتحرارو بيهم فلسطين ولا شني
نجم:مليكش علاقة
احمد:تمام غدوا الصبح يكون المبلغ جاهز
نجم:يا ولدي حني نجهزو لهجوم قوي وفي اشخاص خاطفينهم نبو الدكتورة تجي معانى
احمد:الموضوع هدا اتفق بيه مع بوي
نجم:باهي تمام
_______________________________
اما شهد خشت غسلت وكيف جاية بترقد رن تلفونها
دكتورة هناء: كيف حالك شهد
شهد:تمام هنو وانتي
هناء:تمام بنقولك
شهد:خير ان شاء الله
الدكتورة هناء:نتايج تحليل سرطان الثدي طلعو
شهد:قاعدين في المانيا ولا وصلو
الدكتورة هناء:الاسبوع الجاي يكونو عندي
شهد:اول ما يوصلو ابعتيلي رسالة وبالغيني
الدكتورهناء:حاضر حبيبتي
شهد:تمام
الدكتورة هناء:تصبحي على خير
شهد:وانتي من اهلو
____________________
بعد مرور اسبوع وكل شي تمام الكل مقعمز يتعشى
شهد مريم انس احمد حكيم لطيفة جميلة
لطيفة:شهد كملتي حاجات العرس ولا مزال
شهد:لا مزال
لطيفة:يابنتي معاش مزال شي
شهد:اليومين هدو نكملهم
انس:مريم اليومين هدو حالك نحسه باهي
مريم:الحمد لله
انس:الحمد لله نبيكم ديما تضحكو انتي وشوشو
شهد:ان شاء الله حبيبي
مريم:انوستي
انس:اعيون عيون انوستك ياعيوني
مريم:امتى بيبدا عندي مرت خو
شهد:واتيه ره
جميلة:من هيا
شبحت شهد لي انس وضحكت
احمد تغير لونه واضيق
شهد:ح تعرفوها قريباً
مريم:هي تصبحو على خير
شهد:وين مزال
مريم:الساعه 11:30 مفروض راقدة من بكري
لطيفة:الله غالب اليوم كلهم روحو امخر كان هدا من بكري تعشينا
شهد:تمام
مريم:شوشو تعالي بنرقد معاك الليله عادي
شهد:اي هي وتعالي
شهد+مريم:تصبحو على خير
____________________
اما عند نورا
ندى:اني خائفه
نورا:من شني
ندى:اطمني اني نعرف بكل شي اني منبيش هادي البلاد والله مرعوبة من المجرم حكيم
نورا:اهدي حبيبتي
ندى:ماما عندها شي في دماغها ونبي نعرفه
نورا:خلاص ارقدي
__________________
اما عند هبه
شهرزاد:رقدتي
هبه:خشي
شهرزاد:هبه قاعدتك هني مش مريحتني
هبه:انتي اكثر وحدة عارفه شن سبب قاعدتي هني
شهرزاد:هبه بنتك ماتت قلت
هبه:من سنين فاتو صدقتك لكن توا لا هيا اطلعي من داري بنرقد
شهرزاد:هبه
هبه:زي ما انتي جاية بترجعي اموال فؤاد لي تميم وجاية بتنتقمي لخوك اني جاية ندور في بنتي
شهرزاد:بنتك مااتت افهمي
هبه:علاش عندي امل انها عايشه
شهرزاد:قدامه حكيم عمها معناها ميته من زمان
هبه:واااك
شهرزاد:توا خطر في بالك بنتك وين كنتي طول هاالسنين
هبه:نجمع قوتي مش نوجها
شهرزاد:اني تعذبت اني وجوري عشنا ايام سودة وتزوجت وراجلي ماات وانتي ولا يوم فكرتي فيا عايشه مع راجل الاعمال بس
هبه:انتي اللي زوجتيني وبعدتيني عليك اني ملياش ذنب في شي وانتي مشيتي تزوجتي وبعدتي
شهرزاد:مريت في اصعب ايام ماسعدتيني في قرش
هبه:واهو الاملاك هادي كلها والقصر اللي عايشه فيه توا
شهرزاد:من رزق زوجي الله يرحمه
هبه:هه مش من رزق فؤاد
شهرزاد:فؤاد فلوسه واملاكه قاعدين وكبرتله فلوسه وح نعطيهم لصغاره والباقي كله اني راجلي وقف معاي واني كبرت نفسي
هبه:اطلعي من داري لو سمحتي بنرقد
_________________________
مريم:استحشت نرقد اني وياك في دار وحدة
شهد:اي هي تعالي نرقو ونهدرزو
وهما جاين بيرقدو خشت امهم
جميلة:بنات
مريم:نعم ماما
جميلة:عادي نرقد معاكم الليله
شبحو البنات لي بعض نظرة استغراب لانه من طول عمرها متبيهمش جنبها
فجاة جميلة بدت تبكي ىجرت حضنت بناتها
شهد:به خلاص ماما خيرك تبكي
مريم:هي تعالي نرقدو
ورقدو البنات وامهم
_______________
في صباح اليوم الثاني
ناضت شهد لقت مريم جنبها وامها لا
طلعت من الدار
شهد:وين ماما
الخدامة:توا من 5دقايق فاتو طلعت من الحوش
شهد:تمام
خشت شهد لقت رسالة من الدكتورة هناء
{ النتيجة عندي تعالي استلميها تلقيني في قسم النساء و الولادة }
خشت شهد تجهز في روحها
_________________________
اما عند نورا وانس
نورا:ووووه دهشت
انس:معقولة انتي كسولة لهدرجة
نورا:انس نوضتني الساعه 6وقلت باهي لكن ليا ساعه نجري عييت
انس:تمام تعالي نفطرو
نورا:به لكن بشرط
انس:شن هوا
نورا:تخليني ناكل كل شي نبيه
انس:حاضر
__________________
وصلت شهد للمستشفى
وهيا بدرس سيارتها لقت سيارة امها ونفس رقم الوحة
خشت للستعلامات
شهد:صباح الخير
الموظفة:صباح النور دكتورة شهد تفضلي الدكتورة هناء تستنا فيك
شهد:بنسالك من شوية المدام جميلة خشت هني خيرها شن في
الموظفة:سامحيني دكتورة شهد منقدرش نعطي ايا معلومات المدام جميلة امك وقوليلها هيا تقولك
شهد:تمام
وخشت شهد لي هناء
هناء:تاخرتي
شهد:هناء نبي منك مساعدة
هناء:شن في
شهد:امي شفت سيارتها و الاستعلامات متبيش تقولي خيرها
هناء:توا نمشي نشوفها
________________________
نورا:انس كانه في شي بتقوله
انس:اي
نورا:شن هوا
انس:اني الصراحة
نورا:اي به
اني نحبك
نورا:حتى اني😂

___________________
اما عند شهد خشت لي امها
الدكتورة:توا حالها باهي خليها الليله تقعد هني افضل
هناء:تمام شوشو خشي شوفي امك
خشت شهد لي امها
جميلة:شهد
شهد:ماما انتي حااااامل .........
يتابع ...
توقعتكم للحلقة الجاية اليوم كان ظهور لشخصيات مهمه في الرواية وختفاء لشخصية مهمه بنفس الوقت
سامحوني على الاخطاء رايكم يهنمي وتوقعتكم ومن صاحبك اطول تعليق
#يقين_البشتي