احببت قاتل ابي

{احببت قاتل ابي }
الحلقة الاولى 1️⃣
في سنة 1999 كانت نورا عمرها 8سنين
كانت بنت الوحيدة مدللة اهلها بوها دكتور جراح وامها ربة منزل كانت ام نورا حامل في الشهر الثامن
ونورا عندها عمتها اسمها شهرزاد عايشه في منطقه قريبة ليهم وعمتها الثانيه هبه مسافرة

في يوم 8/4/1999 الخميس
12:30م
كانت نورا راجعة من المدرسة فرحانه بعطله نهاية الاسبوع فجاة تشوف سيارات جنب الحوش مشت من الباب الخلفي وخشت وسمعت امها تعيط
ام نورا:لااااا بالله عليكم لا سيبوني في حالي
ابو نورا:مرتي مليهاش ذنب مش اضيعولها شرفها ياكلاب
حكيم:هه انت اللي بديت درت العملية وتبي تبلغ عليا الشرطة
ابو نورا:ياخوي ياحكيم التجارة بالعضاء البشرية حرام انت تعرف ربي
حكيم:اليوم نهايتك وانت عارفت اللي بيلعب مع حكيم شن يصير فيه
{كانت نورا تشوف من بعيد وتبكي}
حكيم: احمد انس
انس:نعم عمي
حكيم:اقتله
انس:عمي اني منقدرش نقتل روح
احمد:خلاص اني نقتله
انس:استنا
فجاة نورا طلعت من الحوش بسرررعه وتبكي وهيا طالعه سمعت صوت رصاص وقفت وسمعت صوت امها تعيط
الارهابي نجم الدين :شن صار قتلته
حكيم: انتهي اطمن
الارهابي نجم الدين:تنظيمنا يبي سلاح
حكيم:اطمن ح ندعمكم جاي مبلغ كويس عن قريب
6:44م
الشرطي:انسة شهرزاد مفيش ايا دليل انه اللي قتل خوك يكون حكيم
شهرزاد:شكله حكيم شراكم بفلوسه صح اي اي اكيد
الشرطي:حني مش مهبله مش نصدقو بنت عمرها 8 سنوات
شهرزاد:حسبي الله ونعم الوكيل فيكم
وجي محمد خطيب شهرزاد
محمد:شهرزاد لازم تطلعي برا البلاد
شهرازد:مستحيل ودم خوي
محمد:حكيم انتي مش قده
شهرزاد:بالك حتى انت شراك بفلوسة
محمد:شهرزاد خودي جوري واطلعي
شهرزاد:ومرت خوي
محمد:مرت خوك خسرت البيبي اللي في بطنها وحالياً خشت في غيبوبة
شهرزاد قعدت تبكي
محمد:حجزتلكم وانتي لو تحبي بنت خوك وتبي تحافظي عليها اطلعي برا البلاد
_______________________
عند حوش حكيم
جميلة:اكيد انت لعبة بصغار
حكيم:صكري فمك
جميلة:انس من لمه روح حابس روحه في الدار و ولدك احمد مضايق
شد حكيم جميلة من شعرها
حكيم:كانت صدقتي نفسك ره اني وياك ع علاقه بالسر وعلاقه محرمة
جميلة:كان مش منك وه راجلي قاعد عايش
حكيم:جميلة صكري فمك
جميلة:مش ح نسكت وابداً اطمن ح نقعد نتكلم ولي امتى بتقعد داس الموضوع انك ع علاقه مع مرت خوك وانك انت اللي قتلت خوك
طلع حكيم وسيب جميلة تدوي ولقي شهد قدام الباب
حكيم:شهد
شهد:صح اللي سمعته انت على علاقه بماما
حكيم شهوده
مشت شهد تجري لدرها وتبكي خش عمها حكيم
حكيم:شهد انتي لو تبي عائلتك اسكتي
شهد:لاااا مش ح نسكت ح نحكي كل شي لي مرت عمي لطيفة
ضرب حكيم شهد كف
حكيم:شهد بمجرد مع تقولي حرف ع هدا السر اعتبري خوك انس مات
{ جميلة هيا مرت خو حكيم وعلى علاقه هيا وحكيم ببعض وهوا حكيم قتل خوه لمه كشف علاقته بمرته ولطيفة جميلة تكون ام انس وشهد ومريم اما لطيفة ف هيا ام احمد وزوجة حكيم }
____________________
تميم:ماما اليوم عطونا هلبا واجبات في المدرسة
الخدامه:باهي برا العب في الجردينة وبعدها اني نكمل خدمتي في الحوش ونجي
تميم:به
وتميم نازل لقي شهد تبكي
تميم:شوشو خيرك تبكي
شهد:مخيرنيش فوتني
تميم:شهد
شهد:تميم تاعبه من القراية
تميم:عمرك 8سنين وتقولي هكي امالا شن نقول اني توا 3اعدادي
ناضت شهد وسيبت تميم
اما انس فكانت حالته صعبة ودخلوه مستشفى الامراض النفسية
__________________
شهرزاد:نورا
نورا:نعم عميمة
شهرزاد:حبيبتي انتي لازم تاكلي
نورا:منبيش
شهرزاد:غدوا ورنا يوم طويل جنازة بوك وبنسافرو
قعدت نورا تشبح لي عمتها وتبكي
نورا:نبي نودع اللي كنت نقراء معاهم ونبي نودع صحبتي شهد
شهرزاد:نوررا كلمتي وقلتها
قعدت نورا تبكي
______________________
بعد مرور 10سنوات
شهد:واخيراً خديت الشهادة الثانوية
جميلة:الف مبروك يابنتي
شهد:عن ادنك ماما
ونزلت شهد لي تميم
شهد:شن يعني مفيش مبروك
تميم:علاش
شهد:خديت الشهادة الثانوية
تميم:تحكي جديات
شهد:اي واخيراً وبنبدا محامية
تميم:المحامية شهد زوجة المحقق تميم
شهد:ياحليلي فرحانه
تميم:الف مبروك ياروح روحي
________________