احببت قاتل ابي

15

{احببت قاتل ابي }
الحلقة الخامس عشر
غمض تميم عيونه شوية داخ ورجع ناض
شهد:حبيبي واخيراً لقيتك معقولة نقتلك
تميم:شهد ياسرك
كان تميم تاعب هلبا بدات انه متصاوب
شهد قربت منه
شهد:الخلاص قرب
تميم:شهد ابعدي عليا
شهد:اقسم باالله اني وانت ح نكونو لبعض عن قريب
تميم:شهد ارجوك ابعدي
عطت شهد اليبرة لي تميم
شهد:ياممرضه دخلي اللي بعده وخلوه يتريح
___________________
انس:صباح الخير حلمي يوم نجي لشركة ونلقاك جاية امخر
نورا:حبيبتك نشيطة
انس:امتى بتكملي حاجات العرس
نورا:كل شي واتي نوصي من النت
انس:اووف تعرفي تاعب من الشغل تعالي اني وياك نطلعو اليوم
نورا:ان شاء الله خير حبيبي
وباسته وبصدفة احمد خاطم
انس:نحبك يادنيتي
نورا:اني بعد الظهر طالعه
انس:نفهم منك مش ح تطلعي معاي
نورا:اسفه حبيبي
انس:تمام
وطلع انس
________________
اما عند شهد
نجم الدين:بعد المغرب ح نصفوهم كلهم
نسرين:اي كويس والعمليات تبدا في الليل امخر
نجم الدين:تمام وانتي مدام شهد شن رايك
شهد:ممتاز عن ادنكم
نجم الدين+نسرين:اذنك معاك
شهد:الو كيف حالك
مجد:انتي اللي كيف حالك
شهد:تاعبه هلبا المهم عندي ليك مفاجاة
مجد:شن هيا
شهد:تميم هني وشفته
مجد:بجديات تتكلمي
شهد:بس متقولش لي افنان مزال
مجد:تمام شهد بنقولك المكان محاصر
شهد:واني عطيت يبرة فيتامينات لكل السجناء
مجد:قاعد مش مصدق انه تميم هني لين نشوف بعيوني
شهد:توا مش وقته الكلام هدا اول ما توصلك من رسالة اهجمو
مجد:تمام شهد
صكرت شهد من مجد اتصلت بي افنان
اما شهد ف طلعت تلفونها الثاني
شهد:الو
افنان:احسن شي درتيه انك كلمتيني من هدا
شهد:اي مهو مراقب لازم هكي ندير
افنان:المهم شوشو اني عندي شغل توا طمنيني عليك
شهد:تمام
______________________
اما مريم ف كانت عند مصطفى
مصطفى:حبيبتي قرارك ممتاز
مريم:عارفه بس منبيش توا لين نشوف خوي انس عريس
مصطفى:امتى عرسه انس
مريم:الاسبوع الجاي
مصطفى:تمام
مريم:وانت معاش بنشوفك
مصطفى:ديما ح نزورك انتي فترة وبترجعي
مريم:ح نعاقب كل شخص معدلش عليا
مصطفى:ايوا هدا الصح حبي
______________
ليلى:صحة
الجدة اسيا:سلمك يابنتي نوضي افتحي الدولاب وجيبيلي الصندوق اللي على جنب
ليلى:حاضر
وطلعت ليلى الصندوق
فتحاته الجدة
ليلى:شن فيه
الجدة اسيا:شوفي هدو صوركم انتي وشهد وانس واحمد وافنان وتميم
ليلى:اي عليك ايام
الجدة اسيا:من قال تميم يتغير هكي حسبته كانه حفيدي قلبي موجوع منه
ليلى:انتي اكثر وحدة عارفة ومتاكدة انه تميم على صح
الجدة اسيا:ره اني ام
ليلى:انتي عارفه ومتاكدة انه ولدك مجرم اميمة خالي مجرم حتى امي ماتت وهيا تحاول تفهمك
الجدة اسيا:عارفه اقسم بالله ياليلى اني مقتنعه وعارفه بس منقدرش نقول لحد انه نعرف انه ولدي مجرم
ليلى:خلاص اميمة امسحي دموعك
_______________
اما نورا ف كانت بتطلع خلاص
نورا:اني اليوم مش ح نرجع
السكرتيرا:تبي تعطي ايا ملاحظة في حالة حد جي وسال عليك
نورا:لا جبتي رقم التلفون اللي قتلك عليه
السكرتيرا:اي اي تفضلي
وطلعت نورا تلفونها واتصلت
الجدة اسيا:ردي على تلفونك
ليلى:رقم غريب
الجدة اسيا:اها
ليلى:الو
نورا:اهلين اكيد معرفتنيش
ليلى:لا والله من حضرتك
نورا:اني نورا خطيبة انس
ناضت ليلى من جنب حناها وطلعت من الدار
ليلى:اها اهلين نعم شن تبي
نورا:نبي نتكلم معاك
ليلى:بصراحة توقعتك اتصالك بس مش بسرعه هادي ههههه
نورا:امتى نتلاقو
ليلى:اني توا مش فاضية خليها المغرب
نورا:في اما كافي
ليلى:انتي تعرفي الشالي متاعنا
نورا:اي نعرفه اكيد
ليلى:هوا مش بعيد نتلاقو غادي
نورا:تمام
وصكرو الخط
الجدة اسيا:مني طمنيني
ليلى:صديقة ليا عن ادنك بنشوف سيرين وين
اما نورا ف خشت للمصعد لقت احمد تصكر عليهم المصعد
احمد:بصراحة فكرت في كلامك
شدها من خصرها
نورا:اها حلو
احمد:تصدقي انك احلا شي في حياتي
نورا:مش وقته الكلام هدا توا اني طالعه
ونفتح المصعد وطلعت تجري
___________________
خالد:في حركة غريبة وسيارة اسعاف طالعين من المستشفى اللي شهد شريكة فيها
حكيم:عادي مرات في حالة
خالد:متجهين برا المدينة السيارت وحتى مركز الشرطة فيه شي غريب
حكيم:شن قصدك
خالد:متجهين للموقع متاع نجم الدين
حكيم:واعلاش مقلتش من الاول
وقام حكيم تلفونه واتصل بنجم الدين بس لقاه خارج التغطية
ويتصل بيهم كلهم يعطي خارج التغطية
_____________
السكرتيرا:السيد توفيق رجع وبيشوف حظرتك
افنان:دخليه
توفيق:اهلين انسة افنان كيف الحال
افنان:تمام الحمد لله انت كيف حالك شن كيف كانت السفرة معاك
توفيق:تمام وكملت كل الاوراق وكل شي جاهز
افنان:ممتاز
توفيق:اني عارف انك قاعدتي تعاني بروحك اهو جيت نساعدك
افنان:واحلا مساعدة والله
ورن تلفون افنان
افنان:الو
مجد:اليوم عندي ليكم مفاجاة
افنان:مفاجاة شن
مجد:توا تعرفي بعدين المهم حبيت نسمع صوتك
افنان:اها شكراً
مجد حس روحه مش مرغوب في مكالمته وصكر
توفيق:هدا اكيد حبيبك يسال عليك
افنان:هههههه ضحكتني تي اما حبيب هدا مجد المحقق
توفيق:اه اللي مع تميم
افنان:بالزبط
توفيق:عرفته
خشت السكرتيرا
افنان:شن في
السكرتيرا:المدام هبه بتشوفك
توفيق:دخليها
وخشت هبه
افنان:نورتي
هبه:منور بوجودك
افنان:نعرفك هدا توفيق حتى هوا عضو في الشركة
هبه:تمام اني جاية بنعطيك الملف هدا وبنتكلم معاك
افنان: الملف تمام وكل شي زي ما نبو مدام
هبه:من صاحبة هادي الشركة
افنان:شن تقولي مفهمتش
هبه:انتو داسيين شي واني متاكدة وشن قصتها معقولة لهدرجة تكره عائلة حكيم
افنان:خلاص مدام نوعدك اللي تبيه يصير
هبه:كيف يعني
افنان:الايام الجاية ح نعرفك عليها
هبه:قد كلامك
افنان:اي
هبه:تمام امالا اني بنمشي ونستنا في التعارف
افنان:مع السلامة
هبه:عن ادنك سيد توفيق تشرفت بمعرفتك
توفيق:اذنك معاك
وطلعت هبه
توفيق:خير ما عملتي
افنان:اليوم تنتهي الخطة الاولى
توفيق:ان شاء الله مايكشفوهاش
افنان:ح تنكشف صدقني
توفيق:على اعصابي
_____________________
[ بعد المغرب ]
نسرين:عطيهم الامر بتصفية
نجم الدين: تمام
اما شهد ف كانت قريبا من مكان المسجين طلعت تلفونها وبعتت رسالة لي مجد
{ الوقت وقتنا والساعه ساعاتنا وادقيقه بعد الرسالة }
وطلعت شهد المسدس متاعها
مجد:تقدم هجووووم
وبدت المعركة
نجم الدين:شن هدااا
الارهابي:هجوم قوي علينا
نسرين:شن ها المصيبة
نجم الدين:انسحبو
نسرين:كيف وحني
نجم الدين:تعالو معنى
وكانت المعركة قوية خشت شهد جيهة السجناء وكان واحد يحرس فيهم والباقي كانو في المعركة
حطت شهد المسدس في راسه
شهد:حط سلاحك على الارض وعطيني مفتاح السجن
الارهابي:تفضلي
وضرباته في رجليه
وفتحت الباب
شهد:اهربوووو بسرعه
بس تميم كان مش قادرة يتحرك من مكانه
جاته شهد تجري
شهد:حبيبي نوض معاي
تميم:مش قادر
شهد:انت قوي ارجوك نوض هيااا لازم نهربو
واستند على شهد وطلعو من السجن وهيا المعركة قايمه
نسرين تشبح لشهد من بعيد
نسرين:هادي البنت اكيد هبلت
وركباته لجبل
شهد:هادي المغارة امان خلينا هني لين تهفت الدنيا
تميم:الف مبروك الزواج
شهد:شني
تميم:هه الدبلة في يدك
شهد:تميم
تميم:تعرفي شن يوجع انك قاعدة للحظة هادي تقوليلي ح نكونو لبعض ونحبك وحبيبي بطلي كذب
شهد:اسمعني وافهمني
تميم:شهد نكرهك والله من كل قلبي نكرهك
شهد:امتى بتسمع الحقيقة
تميم:منبيش نعرفه الحقيقة اللي نعرفه انك وحدة مجرمة
طلعت شهد من المغارة لقت مجد في وجها
مجد:ربحنا المعركة قدرو يشدو مجموعة الارهابين والباقي مقدروش عليهم
شهد:تميم في المغارة اسعفه
مجد:تمام
وركبت شهد في سيارة مجد
وتميم فقد الوعي
مجد:هي بنمشو
شهد:بنرجعو للمدينة ولا
مجد:شي اكيد هني مفيش مستشفى كويس
شهد:قداش في جريح
مجد:هلبا
شهد:تمام
وطلعت شهد تلفونها
فاطمة:فنونة تعالي ماما تلفونك يرن
افنان:الو شهد
شهد:تعالي وجيبي امك للمستشفى اللي اني شريكة فيها لقينا تميم
افنان:تبصررري لا ولولولي كيف حاله قوليلي
شهد:متصاوب
فاطمة:شن في
افنان:تميم تميم لقوه زغرطي ياامي هي تعالي بنمشي للمستشفى
فاطمة:الحمد لله واخيراً ولدي رجعلي كيف حاله
افنان:جروح خفيفة
فاطمة:ياخالتي اسيا ياخالتي اسيا
للجدة اسيا:شن في
فاطمة:تميم تميم لقوه
الجدة:لولولولي
افنان:هي مش نمشو يبو ساعه ونص في الطريق
____________________
اما شهد ف كان وجها اصفر وتاعبه
مجد:خيرك
شهد:منعرفش حاسه روحي بنرجع درس على اليمين
درس السيارة ورجعت حشاكم
مجد:انتي كويسة
شهد:لا بس ممكن لانه شفت الدم دخت
مجد:بس مش اول مره تشوفيه انتي
شهد:مجد ارجوك منيش تميم يعرف انه اني نساعد فيكم
مجد:اطمني
شهد:لو مهما صار اصلاً اني انتهيت
مجد:علاش
شهد:اكيد عرفو انه اني ضدهم
مجد:شهد خليك هاديه
شهد:مكنتش نتوقع روحي ننكشف بهادي الطريقة
مجد:بس عندك من ينقدك شكلك نسيتي
{قبل شهر }
شهد:من اول ما سيبني تميم والخطه هادي في دماغي
افنان:نفهم منك ح تتزوجي احمد مش يحميك من بوه
شهد:بالزبط احمد مستحيل يخلي حكيم يضرني
مجد:يعني لو نكشفتي احمد يكون معاك
شهد: بالزبط
_______________
وصلت نورا لشالي ودقت على الباب فتحت ليلى
ليلى:تفضلي
نورا:كانت زحمة الطريق
ليلى:اها خشي
خشت نورا
ليلى:شن تبي
نورا:ابعدي على خطيبي اني منتحملش نشوف حد قريب منه فهمتي
ليلى:واو تعجبيني نوضي معاي
ناضت نورا
ليلى:شوفي هادي الدار اني فقدت فيها كل شي حلو
نورا:شن قصدك
ليلى:اني وانس في هادي الدار قاعدنا ليلة كاملة
نورا:كدااابة
ليلى:اني اول انسانه انس رقد في حضنها
نورا:صكررررري فمك
ليلى:اول انسانه حبها وعشقها مهما اديري مش ح يحبك زيني
رن تلفون نورا
نورا:نعم انس شن تبي
انس:لقو تميم وحالياً جايبينه للمستشفى تعالي
نورا:لقو تميم
ليلى:كيف امتى
نورا:منعرفش
وطلعت تجري
ليلى:نورا
تلفتت نورا
نورا:نعم
ليلى:خوديني معاك جاية بتاكسي
نورا:تمام
___________________
اما عند حكيم ف كان يتعشى هوا وكارول
حكيم:نتصل بيهم يعطي خارج التغطية
كارول:ان شاء الله خير
حكيم:اسمعي الشنطة اللي فيها الفيديوات والمستندات عندك ولا
كارول:اي كل شي عندي
حكيم:ضحي بروحك ولا اضحي بيهم
كارول:تمام
واتصلت نسرين بحكيم
نسرين:صار هجوم
حكيم:كنت عارف واتصلت بيكم يعطي خارج التغطية
نسرين:بس الحمد لله مفيش خسرات هلبا
حكيم:مفيش اثبات لينا ولا
نسرين:اي اي الحمد لله بس بنقولك
حكيم:ها
نسرين:شهد طلعت الخاينه
حكيم:توقعت تمام تمام صكري توا
كارول:خير حبيبي شو صاير
حكيم:صار الهجوم وشهد هيا الخاينه
كارول:ياالله
حكيم:اني طالع وزي ما قتلك المستندات ردي بالك عليهم
كارول:اطمن
وطلع حكيم يجري
___________________
اما تميم كان في غرفة العمليات وشهد كانت موجودة معاه
شهد:دكتور النبض ضعيف
الدكتور:الصدمات الكهربائية بسرررعه
شهد:حبيبي متسبنيش ارجوك
الدكتور: النبض وقف
شهد:شغلو الصدمات الكهربائية
شهد 123 مره
قوية 123هادي 2
الممرضة: رجع النبض طبييعي بس صاير هبوط ضعط
_____________
وكلهم كانو يستنو برا انس جميلة لطيفة فاطمة الجدة اسيا وافنان
فجاة خشو ليلى ومعاها نورا الكل مصدوم كيف جايين مع بعض
وطلعت شهد
فاطمة:طمنيني شهد كيف حالة ولدي
شهد:في العناية المشددة نزف دم هلبا
افنان:نقدرو نشوفوه
شهد:اي بس انتي وافنان فقط
وخشو شافو ولدهم
جي اتصال لشهد من حكيم
شهد:الو
حكيم:نستنا فيك في المكتب متاعك
لطيفة:مش كنتي مسافرة
شهد:لا اول ما عرفو انه في هجوم اتصلو بيا لغيت السفر
ومشت لحكيم
شهد:نعم
وحكيم كان بيضربها كف شدتله يده
شهد:احترم نفسك
حكيم:ياخاينه
شهد:انت انتهيت
حكيم:ح تدفعي ثمن كل شي شهد
وخش احمد
احمد:منسمحش انك تمد يدك على مرتي
حكيم:مرتك خاينة
احمد:مرتي من اللحظة هادي معاش نبيها تشتغل معاك
حكيم:تمام تمام الايام بينا شهد
وطلع حكيم
احمد:شهد انتي كويسة
شهد:حاسه روحي دايخه
صبلها ماء
احمد:شوشو
شهد:اووف هادي ثاني مره
احمد:اني جنبك متعدليش عليه
_____________
انس:شن كنتي اديري انتي وياها
نورا:تلاقينا عند الباب
انس:متاكدة
نورا:اي حبيبي متاكدة
___________
{ بعد مرور اسبوع }
تميم:امتى بنطلع من المستشفى
افنان:ح تطلع اسكت بس
تميم:امي وين
افنان:انت عارف اليوم عرس انس اكيد مشغولة
تميم:اي صح بس امس نهدرز اني ونورا قتلي انه عرس بسيط
افنان:اي عرس عائلي
تميم:باهي باهي ربي يهنيهم
افنان:الو شهد
شهد:فنونة كيف حال تميم
افنان:تمام انتي وين
شهد:في الحوش نضت على الدوشة الحوش ومررريضة البارح طول الليل نرجع
افنان:ان شاء الله مش اللي في بالي
شهد:شن اللي في باك
افنان:والله كان حمار ره فهم
شهد:شن دخلني لو انتو الحمير تفهمو على بعض
افنان:بيبي بيبي
شهد:قصدك حااامل
افنان:الحمد لله
شهد:مستحسل وردي بالك تميم يسمعك
افنان:تمام شن بديري توا
شهد:بنمشي للكوافير
افنان:قصدي في الموضوع هدا
شهد:توا ناخد فاحص حمل باي توا
افنان:باي
وصكرت افنان الخط
نورا كانت تبكي
ندى:نورا خيرك تبكي
نورا:مشو من غير حتى يودعوني
ندى:ميبوش يزعلوك
نورا:معقولة مفيش حد جنبي في يوم عرسي
ندى:هي نوضي الكوفيرة جت
نورا:تمام
________________
تميم:فنونه صبيلي مية
افنان:حاضر حبيبي
وهيا متلفته يخشو شهرزاد وهبه
تميم:مدام شهرزاد
شهرزاد:حبيبي استاحشتك
وحضناته
شهرزاد:مقدرتش نزوك سامحني
طبعاً افنان مصدومة مش قادرة تتلفتهم
تميم:عادي
شهرزاد:اكيد نورا حكيتلك وقتلك شن ادير
تميم:اي اي
شهرزاد:اه نسيت اسفه هادي اختي هبه
هبه:اهلين تميم الحمد لله على سلامتك
تميم:الله يسلمك مدام
شهرزاد:من هادي اللي متبيش تورينا وجها
تميم:هادي اختي افنان
وتلفتت افنان
افنان:اهلين
هبه نصدمت
تميم:هادي اختي حبيبتي
شهرزاد:اهلين
هبه:كانه شايفه ها الوجه قبل هكي
افنان:حبيبي اني بنطلع نشم هواء خليك مع ضيوفك انت
وطلعت افنان تجري
تميم:مدام شهرزاد منبيكش تقولي على نورا قدام افنان نخاف توصلهم شي
شهرزاد:نسيت ياولدي اني طيررتي توا مهو
هبه:عن ادنكم
وطلعت هبه وراء افنان
هبه:افنان
افنان:نعم
هبه:انتي تابع مني
افنان:ولاحد
هبه:اني ح نفسخ الشراكة معاك
افنان:مدام
هبه:اني توا مسافرة واول ما نرجع خلاص
ومشت وسيبتها
هبه:شهرزاد تاخرنا على الطيارة
شهرزاد:حبيبي رد بالك على نفسك
تميم:حاضر تمشو وتجو بالسلامة
هبه:باي والحمد لله على سلامتك مره ثانية
___________________
اما نورا ف وصلت للفيلا متاع عائلة انس
ندى:علاش بتمكيجي وتلبسي هني
نورا:اسكتي ندى
جميلة:شن عماتك سافرو
نورا:اي والله سافرو
جميلة:لهدرجة ميبوش الخير ليك
نورا:الله غالب
لطيفة::خلي البنت تمكيج
نورا:تمام
وبدو في المكياج ومشي هدكة اليوم بسرعه
{في المساء }
شهد:حبيبي الف الف مبروك ياروحي
انس:الله يبارك فيك يااحلا شوشو
شهد:مرتك في الدار خش شوفها
خش انس لي نورا
انس:طالعه تهبلي
نورا:شكراً حبيبي
انس:بديتي مرتي
نورا:بجديات
انس:اي اي مرتي مرتي مرتي
وحضنها
نورا:الحمد لله
انس:مبروك علينا
وشد في يدها ونزلو
كلهم كانو يستنو فيهم
شهد واحمد جميلة حكيم لطيفة الجدة اسيا وليلى وسيرين
وباقي العائلة صغار خالتهم ولاد عمهم
نورا:عائلتك كلهم هني
انس:عرس بسيط جداً زي ماتبي صار حني عائلتك الثانية
نورا:ربي مايحرمني منك
ليلى كانت تشبحلهم بنظارت حقد وكانت لابسة جوم سودابيض وقصدت تلبس ابيض
حكيم:الف مبروك ياكنتنا
نورا:الله يبارك فيك
حكيم:انتي من اللحظة هادي كنتي تعتبري
وقاملها يده يبيها تبوسها
نورا باست يده وهيا في غصة في قلبها وهيا وشبح لعيونه
{ انت السبب انه اني يتيمه انت كان ليك يد في دمار حياتي }
الجدة اسيا:الف مبروك يابنتي
نورا:الله يبارك فيك
ولبستها خاتم قديم
الجدة اسيا:هدا الخاتم من نصيبك
نورا:ربي يخليك لينا ومايحرمنا منك
وجت شهد
شهد:مرت خوي حبيبتي الف الف مبروك
وحضنتها
شهد وبصوت واطي
شهد:حاولت نوقفك ومنخليكش تغرقي في هدا المستنقع بس انتي خشيتي لطريق مش طريقك ياجوري
نورا:كيف
شهد:انتي انتهيتي ورسمتي نهايتك بيدك ياجوري علي
____________
مرام:بس في هدكا اليوم شن صار
شهد:من يوم خشت على عائلتنا وبدت الاحداث
مرام:تمام
شهد:دكتورة امتى ح ينتهي علاجي
مرام:شهد مفيش شي يجي بالساهل انتي مريتي باصعب ايام انتي دبحو اغلى انسانه عندك قدامك
شهد:اي
دق الباب
شهد:مني
الجدة اسيا:اني ياشهد
خشت الجدة اسيا
مرام:اني كنت نقول لي شهد انه نبي نتكلم معاك
شهد:اي قتلها اني ح نوض نديرلكم قهوة
مرام:تمام شوشو
الجدة اسيا:شن تبي تعرفي يابنتي
مرام:القصة هادي مرت عليها 5سنين وشهد بدت تتحسن الكاوبيس ليها
اسيا:الحمد لله
مرام:اني مقدرتش نسال شهد شن علاقتكم ببعض عائلة نورا و حكيم
الجدك اسيا:كنا مع بعض في منطقة صغيرة عايشين وحكيم كان عمره 5سنين وقت جبت ولدي علي ونفس الليلة صديقتي جابت فيها ولد ف قالت انه بتسمي ولدها علي واني نفس الشي وتربو مع بعض زي الاخوة وحكيم كان يغار منهم وكان ولدي علي يحب بنتهم هبه لكن بوه خلاه يتزوج جميلة زمرد كانت صديقتنا وتربي في يتيمة ف زوجي اختار يزوجها لي علي وتزوجو وفتراق هوا وهبه اما علي خو هبه ف هدا دكتور وبدي هوا وحكيم يخدمو مع بعض وبدت المشاكل
خشت شهد
شهد:لقيت افنان تسخن في الحليب لي ولدها وادير في القهوة
مرام:تسلم يدها
الجدة اسيا:اني خلي نطلع وانتو كملو العلاج
شهد:حسبتك في القهوة اشربي
مرام:اشربي خير ماتشربها شهد
الجدة اسيا:شهد انتي ممنوع تشربي القهوة يا ح نحرش فيك زوجك
مرام:شوشو تحسنتي هلبا ولا اهو قدام حناك
شهد:هلبا وياريت من زمان بديت في العلاج ......
يتابع....
_______
رايكم في حلقة اليوم وتوقعتكم للحلقة الجاية ونبي نشوف صاحبة اطول تعليق هكي الرواية تكون وصلت لنص متاعها
ديرو تاقات لعشاق الروايات
#يقين_البشتي