احببت قاتل ابي

5

{ احببت قاتل ابي }
الحلقة الخامسة5️⃣
تميم:الو الو شهد
شهرزاد:شن في
صكر تميم الخط
تميم:منعرفش
شهرزاد:معاش ترد عليها مره ثانيه وهيا مش بتمشي للمركز
تميم:اي اجازتي اليوم اخر يوم فيها لازم نمشي وبنبدا في القضية بشكل رسمي
شهرزاد:ربي يوفقك
وطلع تميم
_____________________
اما شهد ف كانت فاقدة الوعي
افنان:مزال
نورا:اهو قريب نوصلو
افنان:بننصحك نصيحة
نورا:تفضلي
افنان:انس ابعدي عليه لانه ليا
نورا:ههههه شن كتبتيه بإسمك
افنان:مستحيل تاخديه
نورا:هادي مش سيارة شهد
افنان:اي وهيا نفس الطارقه ترا درسي
درست نورا ونزلو
افنان:شهد
نورا:شهد نوضي شهد
افنان:بسررررعه اتصلي بالسعاف
اتصلت نورا بالسعاف
_________________
انس:نقدرو نقولو هكي كل شي حاهز
احمد:اي خلينا نمشو اكيد البنات يستنو فينا
ورن تلفون انس
انس:الو
نورا:تعالى بسرررررعه اختك لقينها واخدة كمية من الحبوب وفاقدة الوعي في السيارة
انس:مستحيل شهد لااااااااا
احمد:شن في
انس:شهد حاولت تنتحر
احمد:كيف
انس:تعالى وراي وتوا نفهمو في الطريق
____________________
عند مريم
مريم:مصطفى انت وين جايبني
مصطفى:شقتي
مريم:لاااا
مصطفى:انزلي
مريم:حبيبي منقدرش
فتح مصطفى الباب ل مريم
مصطفى:انزلي
نزلت مريم وهيا خائفه
مصطفى:لمه قتلك موافق نرتبط بيك مش قتلك اديري اللي نبيه
مريم:شن قصدك
مصطفى:انت ليا
وصار اللي صار 💔
______________________
حكيم كان مقعمز يتغداء هوا ومرته لطيفة ومرت خوه جميلة
حكيم:كيف استعددات العرس
لطيفة:بالنسبة ليا جهزت كل شي
جميلة:اي وحتى اني مزال الفيلو هدا تختاره شهد
حكيم:باهي كويس
رن تلفون لطيفة
لطيفة:الو احمد
احمد:ماما شهد في المسشفى
لطيفة:خيرهاااا
احمد:حاولت تنتحر
لطيفة:اما مستشفى
احمد:متاع عمي الله يرحمه
_______________
نورا:انس انت قوي
انس:علاش دارت هكي شن ناقصها
نورا:انس مش ضروري يكون ناقصها مش نعرفو علاش اختك دارت هكي مرات يكون حد
انس:شهد من اقوى الناس اللي شفتهم في حياتي
نورا شدت يد انس
نورا:حالتها ح تتحسن وعد
انس:منقدرش نعيش بدونها
________________
[ بعد ساعتين ]
الدكتور:درنا تنظف وتوا حالتها مستقرة
جميلة:نقدر نشوفها
الدكتور:مزال خلي تزيد تفيق بس نبو واحد اسمه تميم لانه اول ما فاقت قالت تميم ورجعت فقدت الوعي
كلهم قعدو يشبحو لبعض
انس:وين عمي حكيم مجاش
لطيفة:قال عنده شغل وتوا يجي بعدين
نورا:انس اني بنمشي
انس:شكراً ليك
نورا:على شن تشكر فيا هدا واجبي
لطيفة:جميلة شوفي محلاها البنت شكله يبيها
جميلة:اي حلوة وطالعين على بعض
افنان تشبحلهم شبحت غيرة وحقد
افنان:انوس تعالى ننزلو للكافي نشربو شي
انس:به خليني نودع نورا
نورا:خلاص انس امشي ورد بالك على روحك
وطلعت
نورا:ياربي تي وين حطيت التلفون
هيا كيف بتركب في المصعد وموطيه راسها لوطه ادور في شنطتها ويطلع منه حكيم وهيا تخش
حكيم:كيف حالها
انس:قالو فاقت ورجعت رقدت
حكيم:تمام اني بنخش ومحد يلحقني
جميلة:حكيم الله يربحك متقساش عليها في الكلام
خش حكيم
حكيم:شهد ياشهد
شهد فتحت عيونها بشويه
حكيم:الحمد لله على سلامتك
شهد:الله يسلمك
حكيم:انتي عارفه انك فتحتي على روحك جبهة
شهد:سيبني في حالي معاش نبي نشتغل معاك ومش ح نتزوج ولدك
شد حكيم شهد من شعرها وخنقها
حكيم:انتي عارفه ومتاكدة انك تلعبي بالنار وح تنحرقي
شهد:حرررام عليك سيبني في حالي
حكيم:ح نقتلك بدون شفقاء انتي لين عزرائل ياخد روحك ح تكوني دكتورة الاعضاء البشرية
شهد:مستحيل نكون مجرمه
حكيم:انتي بديتي مجرمه من لمه سكتي وبديتي تتعلمي وتوا لمه بديتي شاطرة في الحاجات هادي تبي تنسحبي
شهد:تفوو
حكيم:ح تندمي ياشهد
وطلع وسيبها وبدت شهد تبكي
___________________________
اما مريم ناضت وكانت فاقدة الوعي لقت نفسها كلها دم
مريم:مصطفى لاااا علاش اضيعلي في شرفي علاش
وبدت تعيط بااعالى صوت
مصطفى:مريومة حني نحبو بعض
مريم ضربت مصطفى كف
مريم:هدا مش حب هدا اسمه ارضى لشهوات
ولبست مريم وخدت تلفونها فتحاته ولقت هلبا مكالمات فائته رجعت صكراته متبيش تتكلم مع حد قارفه من روحها
___________________________________
وصلت نورا للحوش وكيف درست سيارتها وصل تميم
تميم:نورا اهلين
نورا:وين كنت
تميم:في الخدمة
نورا:تميم لازم نتكلم معاك
تميم:تمام
نورا:انت علاش وافقت انك تعيش عندنا
تميم:لانه عمتك اقنعتني مش تبي تنتقم
نورا:عمتي وثقت فيك انك انت مش ح يشروك بفلوسهم
تميم:اي
نورا:انت متاكد تبي تشد هادي القضية
تميم:عقلي يبي بس قلبي مش قادر
نورا:بسبب شهد ولا
تميم:مع الاسف
نورا:شهد اليوم حاولت تنتحر
تميم:كيف اليوم شهد كلمتني
نورا:شفت انت اخر اتصال اني خديت تلفونها
تميم:كيف حالها بالله عليك طمنيني
نورا:تمام
تميم:بنمشي نشوفها اما مستشفى اكيد مستشفى بوها صح
نورا:اي بس توا كلهم جنبها خليك غدوا الصباح رباح
تميم:كيف بنصبر الليله
نورا:تميم
تميم:نعم
نورا:خودها واهرب
تميم:بس
نورا:متخلوش شي يفرق بينكم اللي يحب يسامح يسامح ياتميم
تميم:اي اكيد مش عارفه ح نفكر
نورا:بدون تفكير اختك افنان صح
تميم:اي
نورا:كلمها تجيبلك حاجات شهد
تميم:شهد ممنوعة انها تطلع برا البلاد
نورا:خلاص اني ندبر جواز سفر مزور
تميم:نورا
نورا:وغدوا اهربو برو لمكان بعيد لين يجهز كل شي
تميم:بجديات تتكلمي
نورا:اي اكيد
تميم:مش عارف كيف بنشكرك
نورا:لا شكر على واجب
تميم:يعني نلم حوايجي
نورا:اي بس متجيبش سيرة لعمتي
تميم:حاضر
نورا:تصبح على خير
تميم:وانتي من اهلو
_______________
اما مريم وصلت للحوش لقت فيه لطيفة وحكيم
حكيم:وين كنتي
مريم:مع صحباتي
حكيم:تلفونك علاش مقفل
مريم:كمل شحنه
حكيم:اي ماشاء الله كمل شحنه تي اخترعو كذبة جديدة هادي موضتها طاحت
لطيفة:حبيبتي معاش تتاخري
مريم:وين اهل البيت
لطيفة:طالعين هي خشي ارتاحي
مريم:تمام مرت عمي تصبحي على خير
لطيفة:وانتي من اهلو ياروحي
__________________
اما نورا ف كيف جاية بترقد اتصل انس
نورا:الو
انس:الو
نورا:نعم
انس:ان شاء الله مش راقدة
نورا:لا والله راقدة ونكلم فيك من وسط الحلم
انس:تاعب تعرفي
نورا:معاك حق شن وينك
انس:مقعمز فوق حيط المستشفى نتفرج على القمر
نورا:اها
انس:هادي المستشفى ياما نصدمت فيها
نورا:هيا لي بوك
انس:لالا بوي كان يخدم فيها عنده اسهم فيها
نورا:اها
انس:صح ملياش هلبا نعرفك بس انتي
نورا:اني شن
انس:خليها في وقتها
نورا:اممم متاكد
انس:اي
نورا:به
انس:محلاك توا
نورا:توا
انس:انتي ديما حلو بس توا نشوف فيك قدامي
نورا:كيف
انس:اهيا القمر قدامي
نورا:انس
انس:ضاوية ومضوية عليا الدنيا
نورا:اممم
انس:ربي يحفظك ليا بجديات
وبصوت واطي
نورا:تصبح على الف خير انوس
انس:وانتي من اهل الخير نورتي
صكرت نورا الخط وخدودها ولو حمر دقات قلبها تسمع فيهم
نورا:حي شكلي بديت نحب
وغمضت عيونها وهيا مبتسمه ورقدت
_______________________
في صباح اليوم الثاني
انس:ماما روحي للحوش وجهك اصفر
جميلة:امتى بيديرو خروج
انس:بعد الظهر
جميلة:شهد خليك عاقله اني بنروح
شهد:تمام
جميلة:وانت رد بالك على اختك حبيبي
انس:حاضر ماما
وطلعت جميلة من المستشفى وهيا طالعه حست بدوخه
الممرضه:مدام انتي كويسه
جميلة:وين الحمام بسرعه
الممرضه:في اخر الممر على يدك اليمين
وخشت جميلة ترجع حشاكم
_________________________
اما نورا ناضت من النوم لبست وجهزت روحها وطلعت تستنا في تميم
تميم:صباح الخير
نورا:صباح النور بسرعه خلي نمشو لانه انس غادي بس
تميم:من قالك
نورا:توا كلمته سالته على شهد
تميم:هي
وركبو في السيارة ومشو
_________________
اما عند احمد هوا كيف طالع
حكيم:احمد
احمد:نعم بابا
حكيم:وين
احمد:بنمشي نشوف شهد بعدين لشركة
حكيم:اليوم عندنا عملية اعضاء بشرية قوية
احمد:قداش تكلف
حكيم:مبلغ كبير
احمد:تم المطلوب
حكيم:تجيب شهد ادير العمليه
احمد:مستحيل شهد مريضه
حكيم:نسرين ليها سنين وهيا ادرب في شهد وتوا وقت الجديات تقولو لا
احمد:يصير خير
وطلع احمد
_____________________
وصلو نورا وتميم المسشفى
نورا:لمه نديرلك رنه انزل
تميم:حاضر
ونزلت نورا
نورا:صباح الخير
انس:صباح النور
نورا:كيف حالك شهد
شهد:الحمد لله
نورا:خوفتينا عليك
شهد:تسلمي بس ياريت سيبتوني نموت
نورا:انس ممكن تخليني اني وشهد شوية
انس:تمام
وطلع انس
نورا: بعمرك ما تستسلمش قوي روحك تميم معاك
شهد:وانتي منين تعرفي تميم
نورا:صديقه نجيب كان ولد خالتي ويوم يوم عرفني عليه وبدينا اصدقاء
شهد:غريبة بس تميم معنداش اصدقاء بنات
نورا:مش مهم توا هدا
{ قبل ساعات }
تميم:اكيد نورا بتسالك عليا ومنين عرفتيني
نورا:اي صح شن نقوللها
تميم:اني عندي صديق قريب ليا اسمه نجيب قوليلها انك بنت خالته  يبي يعرفنا ع بعض وهكي
نورا:تمام
---------------
شهد: الملخص
نورا: ح تعرفي الملخص بعد شوية
وطلعت وسيبتها
نورا:انس خلينا نمشو نشربو قهوة شهد قالت تبي ترقد شوية
انس:تمام
وطلعت تلفونها نورا ورنت لي تميم
عرف تميم وخش ونورا بعدت انس من الدار
تميم:شهد
شهد:كيف انت شن ادير هني
تميم:نوضي مفيش وقت هياااا
شهد:بس
تميم:هيا قتلك مفيش وقت
شهد:به خليني نكتب ورقه لي خوي
تميم:بسرعه
وكتبت
{ اني بنهرب مع الشخص اللي نحبه لانه هني نلقى راحتي اسفه }
وحضنت شهد تميم
تميم:اني اسف ياعمري على كل شي
شهد:نعشقك
تميم:وانا متيم بيك عشقاً
تميم:انتي حبي انتي الانسانه اللي منقدرش بدونها
شهد:كنت عارفه انك مش ح تسيبني
تميم:ح نحارب الدنيا على خاطرك
شهد:سامحني على كل شي حبيبي
تميم:شوشو اني وياك لي بعض
شهد:ولي اخر العمر لي بعض
تميم:الشرع حلل اربعة بس انتي الاربعة متاعي
شهد:اصابك عشقاً ام رميت بااسهمي
تميم:صابني عشقك اني كا المريض بيك ورميت بااسهمك و وجعني
شهد:هل الاصابة كانت قوية
تميم:كل شي منك حلو لو كان رصاصة
شهد:اغار عليها من فمي المتكلمي
تميم:منتحملش حد يجيب سيرتك منقدرش نشوف حد يتغزل فيك غيري انتي عشقي ومناي
شهد:ااغار عليها من ثيابها اذا لبستها فوق جسماً مناعماً
تميم:جسمك الناعم ليا وروحك ليا كلك ليا نغار عليك من كل شي
شهد:اغار عليها من ابيها وامها اذا حدثة بالكلام المغمغمي واحسد كاستن تقبل تغرها اذاوضعتها موضع الثم في الفمي
تميم:نغار عليك من امك وبوك وخوك وعائلتك كلها نغار نغار عليك من صحباتك نغار عليك ره ونحسد كاس تشربي فيه الميه انه يقرب منك
{ اصابك عشقاً }
تميم:تتزوجيني
شهد:موافقه
وشدها من يدها وطلعو يجرو وهما طالعين واحمد كيف خاش من الباب
شهد:احمد
احمد:فكرك نسمحلك تهربي........
يتابع....
رايكم وتوقعتكم تهمني نبي تفاعل هلباااا ونشوف صاحب اطول تعليق وسامحوني على الاخطاء  قداش بنصلح لنصلح
#يقين_البشتي