رجعنا البيت وابوي كان زهجااان من راشد شديييد ... وانا زاتي زهجتا من الوضع الفيهو ده ..
عدى اسبوع وراشد ما سأل عننا حتى .. ولا ضرب تلفون كان مع قمر كل يوم بيجي بطلها فيهو وبطمن على صحتها وبرجع ...
الكل كانو مهتمين بي وضعها وصحتها وانا مافي زول جايب خبري .. بس كنتا بحاول ما اتوتر عشان البييبيهات .. 💔💔 اشتقتا لي راشد شديييد وكنتا محتاااجه ليهو كتييير الفتره ديك .. كنتا محتاجه ليهو جنبي ويكون معاي في الفترة دي بالذات 💔 وكنتا بحاول اقنع في نفسي اننا حنتطلق بعد كده ومافي رجعه ولازم اتعوود على غيابو .. ورغم اني عارفه انو مع قمر عشان صحتها بس برضو بزعل من جوووة .. لانو راشد راجلي انا ومفروض يكون جنبي ما جنبها في الوقت ده 💔💔
....
عمار ورنا جو راجعين من السفر ❤❤ .. قعدو معانا وعرفو طبعا اننا حننفصل خلاص .. رنا حاولت تصلح الوضع بس خلاص الباب اتقفل ومافي طريقه نرجع .. مر شهر وراشد برضو بعيد كنتا بطمن على اخبارو من امجد ودينا .. وكنتا مشتااقه ليهو كتيير بس ما بقدر اقول لي اي زووول كده .. ده غير ليث البسال من ابوهو كل مرة يجيني بابا وين وبابا مشى وين يا ماما ..
وبتعذر ليهو كل مرة بي عذر جديييد .. ما كان في حاجه بتفرح في بيتنا لحدي ما جاتني دينا جاااريه 😍😍
سندس سندس😍😍
انا: اي يا دينا خير
دينا: بصراااحه جاني عرييس 😍😍
انا: عريس😍😍😍 اخييييرا يابايره
دينا: هييي كان نا اخر العنقود .. بايرة شنو كمان 😒
انا: اها العريس منو .. واهلو من وين واتعرفتي عليهو كيييف
دينا: العريس جايي يتقدم الليله .. ومعاهو اهلو .. كلمتا ابوي وامي .. وقالو لي موافقييين طوالي😍😍
انا: يا بت ده منو ده .. وليه انا ماعارفه من الاول
دينا: انتي بتعرفيهو .. ابينا نوريك لحدي ما تولدي قال .. بعد تلاته شهور نعمل العرس .. بس انا ما صبرتا ياخ دايرة اعرس قبل السنه الجديييدة تجي😍
انا : دينا قولي ياخ ده منو ..
دينا: يعني ما اشحتف رووووحك شوووويه كده
انا: دينا انا حامل احسن لييييك 😡
دينا: العريييس امجد❤😍
انا: كذاااااابه😍😍😍😍 ايوووووي يووووي ...
دينا: يامجنونه هههه اسكتي اسكتي ...
انا: قومي قومي سريييع نمشي الكوفير.. الوقت ما يتاخر ..
دينا: جد حتمشي معاي😍😍
انا: يابت انتي هبله .. تعالي هنا ده 😘😘😘
دينا: الحمل خلاك عاااطفيه شديد ياهنايه 💔😂😂
انا: 👋👊 اسكتي ياعويرة ...
دينا: سندس ... عايزة اقول حاجه قبل ما نمشي
انا: قولي سريييع ... اها😍
دينا: بصرااحه امجد قال لازم يجي معاهو راشد لانو اخوهو وصاحبو وكده .. حاولتا اقنعو ما يجي. بس هو...
انا: دينا ☺ راشد ابو ليث حتى لو اتطلقنا ما حنعادي بعض اكيد
دينا: بس ابوي عشان مادايرو كان يجي البيت وانتي على زمتو لسة
انا: يابت ياعبيييطه .. انا بتفاهم مع ابوكي .. ما تخافي .. يجي ويتقدم لييك ويطلبك راشد زاااتو لي امجد 😍هسي قومي يلا قدامي نمشي نعمل شعرك ...
.....
عمار ورنا كانو مشغوليين في البيت وبحضرو وبجهزو لخطوبة دينا .. وانا كنتا معاها في الكوفير وجهزناها وانا كمان عملتا شعري وظبطتو .. والكرشه ظهرت خلاص .. لبستا فستان فضفاااض باللون الزهري وسرحتا شعري وكمان سمنتا حبه بس ماكتير ☺ ... لحدي المساء جاء عمار اتكلم مع ابوي وقال ليهو ماتفتح موضوع مع راشد .. جو ناس امجد وراشد وكلعم قعدو في الصالون ... ضيفوهم وطلبو يد دينا من ابوي والزغاريييت ملت بيتنا بعد طووول غياب 😍😍 ...
طبعا انا الحادخل دينا للصالون .. راشد كان منتظر اللحظه دي وانا كمان منتظره اشوفو شهر ماشفتا ملامحو الحلوة 💔 طولتا منو شدييييد ...
دخلنا الصالون واول ما لمحنا بعض انا وراشد .. دقات قلبي زادت كانو اول مره اشوفو .. كانو اول مرة يلمحني .. وكانو اول لقاء بينا كان الليله .. ابتسمتا ليهو وبس .. وليث فكا يدي وجرا ليهو بابا بابا اشتقتا لييك .. قعدنا وانا متوتره .. الناس بتكلمو وانا وهو كل ما نلقى فرصه بنعاين لي بعض بالسر .. وابوي مراقبني 😒 كل مايقبضني بعاين ليهو يديني عييين 😒😒... راشد عيونو مليااانه حب وشوق وحنيه وبعاين لي ولي كرشتي وهو مبتسم .. اتبسط شديييد اول ماشافني وده كان باااين جوووه عيونو..
انتهت الخطوبة وودعناهم .. وسلمتا عليهم من بعيييد ودخلتا البيت جوة سرييع عسان ما احس اني حارجع ليهو تاني ...
.....
قمر كانت بتعيش اجمل ايام حياتها وهي قربو .. بتجي الصباح تشوفو وتقعد معاهو .. وبفطرو سوا وبتغدو سوا وكل يوم مقضينو سوا ..
والبعد ما قدر ينسي راشد لي .. يوم السبت قمر جات لي راشد في البيت وكانت قااعدة بتتونس كالعادة بعد شوية حست بي دوخه ولفت راس ..
راشد: قمر مالك؟؟
قمر: حاسه اني حاقع ..
راشد: دقيقه اعمل لسك عصير ..
" وبس قام كده هي وقعت .. جا جاري وداها المستشفى .. عملو ليها تحليل .. وراشد بس كان معاها في المستشفى .. "
راشد: بقيتي كييف ..
قمر: كويسه بس دختا شويه لكن هسي احسن
الدكتور: قمر لابأس عليك ... اتحسنتي ؟؟
قمر: الحمد لله يادكتور
الدكتور: استاذ راشد ممكن دقيقتين ..
" طلعو بره عشان يتكلمو وقمر قامت وراهم تتنصت ورا الباب "
الدكتور: يا راشد ... قمر حالتها اتاخرت شدييد
انا بقترح انكم توروها بعد ده ..
راشد: مابقدر يادككتور اصارحها وامها برضو ما بتقدر
الدكتور: بس قمر لازم تعرف في حاله زي دي .. خوفا عليك برضو..
قمر مصابه بالايدز ما اي مرض
" الصدمة كانت لقمر لما سمعت الكلام ده .. ما قدرت تقيف وقعدت في السرير وبقت بتبكي وخاته يدها في راسها .. الدكتور اتكلم مع راشد وجا راشد داخل لقاها بتبكي .. "
راشد: قمر مالك؟؟
قمر: مافي شي بس عايزة اطلع مابحب المستشفيات..
راشد: تامري ياست الناس❤
... عاينت ليهو قمر عيين حنيييه كده ☺ .وحبتو واتعلقت بيهو اكتر . وطلعو ..
مر يومين على طلوعها وهي بتراقب في تصرفات راشد وامها واماني .. كانت عارفاهم بتعاملو كده ليييه ..
....
وبعد تلاته ايام وانا نايمه في البيت جاني تلفون الصباح ...
انا: الو منو معاي
قمر: انا قمر
انا: عايزة شنو
قمر : عايظة اشوفك ضروووري
انا: مابقدر اجي
قمر: سندس عايزة اشوفك😡 ..
انا: الموضوع شنو ..
قمر: طلاقك من راشد .. طول .. لازم تطلقو سريييع .. انا حاجيب ليك الورقه نتلاقى في شارع النيل المكان البقعد فيهو راشد ..
وقفلت الخط ..
انا لبستا وماشه. ليها 😡😡
