انا: قمر😳😳
قمر: ايوة زميلة راشد وامجد ☺
انا عاينتا لي راشد طوالي .. وخلاص الغضب ملا عيوني وحوليني الناس والعرس ماقدرتا اعمل شي لكن اتمنيييت لو اقوم عليها واضربها واهرسها بسنوني وادفنها بي يدي تحت الارض .. والغاظني انو راشد ساكت وبعاين لي ... امجد عايز يسيطر على الجو .. قال لي سندس ليث وينو اشتقتا ليهو ياخ !؟
انا: نايم هناك مع امي .. ارح وصلنا البيت ..
راشد : سندس انا بوصلكم 😡
انا: لالا انتا مافاضي .. وعاينتا ليها من فوق لي تحت نظرات اشمئزاز وقرف وهي ولا همها تتبسم وتكاوي فيني ..
امجد قال لي راشد خلاص مرتك امانه عندي بوصلها .. عشان الجو مايتوتر تمام ☺ ... ومشينا ركبنا معاهو انا و ولدي عشان يوصلنا البيت ... في الطريق امجد يشيل ويعاين لي وانا صااااره وبس بتسن اصل وابكي عشان اتفشى لانها حرقت قلبي شديييد ووجعتني ..
وصلتا وقعدنا والعرسان سافرو بدون ما اودعهم .. راشد حاول يغطي علي وقال ليهم مرهقه من جري العرس ...
....
عدى اسبوع وانا في بيتنا وبعد جا الخميس امي نادتني ..
سندس بعد ده امشو بيتكم انتي وولدك
انا: امي طارداني ولا شنو ههههه ...
امي: لا يابتي طبعا ما كده .. لكن راجلك ده خلاص كفاهو خليتيهو اسبوع براهو وماصاح منك تهمليهو ..
انا: امي كدي خليني عليك الله بلا راجل بلا قرف معاهو
امي: يابت في شنو بسم الله😳
انا:مااافي شي
امي: خلاص قومي يلا على بيتك وشوفي راجلك وين خلي يجي يسوقكم .. القعاد ماكويس الكتييير ده
انا: امي انا ماراجعه ..
امي: ليه؟؟
انا: امي انا دايرة اتطلق من راشد
امي: قلتي شنو😳😳
انا: السمعتيهو.. دايرة اتطلق
امي: يابت جنيتي انتي .. الحصل شنو
انا: راشد بحب وحدة وداير يعرس فيني
امي: وووب علي.. عين وصابتنا . اخووك عرس بي جاي ودايرة تطلقي .. بي جااي .. دي عيون الناس
انا: امي خليك من الكلام البتسوي فيهو دا .. عيون الناس ولا غيرها انا دايرة اتطلق
امي: سندس اهدي وفهميني ..
انا: افهمك شنو ياامي .. وطوالي اتفجرتا بالبكا لاني كنتا مكتومه😭😭😭 .. دينا اختي كانت نايمه وصحت مخلوعه بتسال في شنو مالكم . خير😳😳 في زول مات ..
امي: سندس اهدي اهدي الله يهديك ..
واتفجرتا وحكيت وانا ببكي .. 😭😭 قلتا الحاصل لي كلووو وكميه الالم الانا عايشه فيهو .. امي واختي دينا سمعو القصه مني وامي قالت لي طيب كدي هسي الليله امشي بيتك وانا بكلم ابوك ..
انا: مابمشي😡 مابمشي للراجل الضربني ومدا يدو علي 😡😡 وطلعتا بكورك من الغرفه لي ابووي ابوووي😡 ..
وانا زعلانه وبهرج وبكورك ومنفعله حكيت لي ابوي الحاصل وانو ضربني كف وانو عمل وعمل ... ابوي قال لي ماحترجعي تاني هناك .. وغضب شديييد منو .. ونادى امي وقال ليها .. سندس تقعد هنا شهر كامل وبعدها حنطلقها وماداير اي نقاش في الموضوع ده 😡😡 ..
امي: بس بتك كمان غلطت .. كيف تقل ادبها وتقول ليهو ماراجل
ابوي: وعشلن المشاكل دي وليث مايكبر فيها لازم نلقى حل
امي: بس ما الطلاق
ابوي: سندس كدي اطلعي بره شويه ..
طلعتا وقفلو الباب عليهم وابوي قال لي امي:
انا قلتا ليها كده عشان تهدا خليها تقعد هنا وبراها عقلها برجع لي راسها .. وانا بجيب راشد واتكلم معاهو .. لحدي ما الامور تهدا ... لو ماكنتا قلتا ليها حاطلقك كانت حتجن وتركب راس براها .. واتفقو الاتنين يمشوني بس ..
.....
اتصل ابوي على راشد وقال ليهو دايرك تجينا المسا .. وجانا فعلا وانا من شفتو دخلتا وماطلعتا ...
ابوي: راشد ياولدي .. انا لما اديتك سندس اديتها لراجل صح
راشد: اي يا ابوي
ابوي: طيب الحصل شنو ..؟!
انا عارف بتي عصبيه ومتنرفزة عشان كده حابي اسمع الحكايه منك .
راشد: طيب يا عمي ..
حكى ليهو الحصل كلو من البدايه وووصل لي مرض قمر .. وكلمو وقال ليهو سندس لو عرفت انو قمر مريضه ممكن تمشي تكاويها وكده انتا عارف النسوان ياابوي .. ما بفكرو قبل مايتصرفو وبعملو تصرفات طفوليه جدا ..عشان كده انا حاولت اهدي الامور كلها بس طلعت من سيطرتي وقالت طالبه الطلاق .. وانا والله ماشاري غير بتك وماداير غيرها ..
ابوي: ايوووة ده الحصل!
انا عااارف ياولدي انك راجل وقدر مسؤوليتك .. سندس ماحتفهم ليك اي شي من البتقولو لانها عنيدة وراسها قوي .. خليها تقعد هنا لحدي ماتهدا ومتاكد انها حتاخد القرار السليم لما تروق .. وهي زاتها متوتره الايام دي خليها بس واتحملها
راشد: انا لو ما استحملتها .. حاستحمل منو..
القول قولك يا ابوي والدايرو بحصل وبتم .. حاخليها تقعد لانو سندس دي انا مابفكها لاي سبب من الاسباب..
ابوي: الله يقدم الخير ياولدي .. هسي اقعد مع ليث شويه وارجع والقلتو ليك اعملو . ومهما سندس ضغطتك واتكلمت ماتسمع كلامها ومشيها بس .. لانها زي ماقلتا ليك عصبيه الفتره دي
راشد: وانا عارف الجواها وعااارف حنيتها قدر شنو .. ولو ما متاكد من طيبتها كنتا فرطتا فيها بس عارفها حنييينه❤...
.....
انتهى نقاشهم على كده وفعلا راشد نفذ كلام ابوي وطلع ..
" ولحظة الصبر❤ في لحظة الغضب💔 بتمنع الف لحظة ندم💔 سيدنا علي بن ابي طالب"
راشد ما حاول يضغطني بس انا كل يوم كنتا ببق نار .. وبقول هسي حااايم ويتفسح مع قمر وهو مرات كان بطلع معاها ومرات كان بقعد في البيت .. وهي كل مرة بتسالو حنعرس بتين .. وانا كنتا بسال ابوي حنتطلق بتييين؟!
كمية الضغط والنقاشات اثرت علي ... حتى بقيت برعف كتير مرات💔 وبدوخ فجاة .. وراشد عرف بالحاصل لي واني عيانه بقيت 💔💔 .. لحدي ما يوم كنتا نازله للسوق ...
وفي الطريق رجعتا وشويه شويه بقيت احس الدنيا سووودة وماشايفه .. ووقعتا من طولي 💔💔 ..
طوالي نقلوني للمستشفى وابوي ضرب لي راشد وجا جاااري وهو خااايف شديييد ... علي وخايف يحصل لي شي ..
في ثواني المستشفى اتملت اهلي واهلو .. والدكتور سحب دم مني وعمل لي فحوصات شاااامله ..
وطلع بره عشان يكلم اهلي ...
راشد: سندس مالها يادكتور في شنو !! بي خوووف ولهفه شديدة
" خوفو علي من وقعه بس .. اكبر كان من خوفو على قمر؛"
الدكتور: يا راشد .. شنو ياولدنا تتجرس كده 😂😂
مرتك كويسه .. والله لكن ياجماعه طلعتو خوافييين شديييد ..
ابوي: الحمد لله يعني بتي كويسه
الدكتور: بتك كويسه وصحتها كويسه فل بس في حاجه ..
راشد: اتكلم يادكتور
الدكتور:😂😂😂 والله لكن سندس دي مجنناك ..
ياخ الففف مبروووك مرتك حااامل
راشد: حااامل😍😍😍
صدمة الفرحه خلتو يبكي ويحضن ابوي .. وكلهم فرحو لي شدييييد
الدكتور: يا ولدنا من هسي دموع الفرح نزلت
راشد:والله يفرح قلبك ودموعو نااازله
الدكتور: اهاااا .. طيب لو قلتا ليكم بتكم حااامل بي تؤام ..
عشان كده تعبت شدييد الفتره دي..
" كمية الفرح والسروور والسعادة والبسطه الكانت في وشوشهم كلهم .. حتى عمة راشد الكانت بتكرهني .. حضنت راشد وبكت معاهو من الفرح ❤❤❤"
