راشد مدا يدو لي قمر وسلم عليها ... وهي ابتسمت وعندها غمازات اتنييين جمالها كان غرييب .. ممكن اقول انها جذابه ومبهرة .. وبدوا يتعارفو على بعض. ..
راشد: استاذه قمر كيف صحتك واخبارك
قمر: الحمد لله بخييير وانت ؟
راشد: الحمد لله .. اسف على التاخير .. اتفضلي اعرفك على القسم
" وطلعو سوا يتعرفو على الشغل ... ولاني بعرف راشد كوويس ممكن تعجبو الحاجه بس مابركز معاها ... بس الكانت مركزة عليهو قمر .. وما سمعت الشرح زاتو لانها كانت بتعاين لي اسلوبو وظرافتو في الكلام .. ولحدي ماوصلت المكتب واستلمت المفتاح .. خلاها راشد ونزل لي شغلو .. بس قمر كانت مبسووووطه شدييد وجاتها صحبتها اماني الجابت ليها الشغل "
اماني: قمررر حبييبتي نورتي 😍😍 اها يامزة لقيتي الشغل كيييف قمر: حلووو ومريح حبيبي تسلمي لي❤
اماني: راشد وراك التفاصيل.. لو احتجتي اي شي اساليهو هو .. .
قمر: اكييد طبعا .. اماني بس ماعرفني على نفسو .. ولا اي شي غير اسمو ..
اماني: راشد يااخ الحب 😍 صاحبي شديييد هنا وظرييف وسمح ومكسر ليك كان بنات المعمل .. اخلاقو عاااليه وزول مهذب ومحترم نفسو ... ياخ لو ما كان...
" وقبل ماتقول ليها انو لو ماكان معرس .. ناداها المدير وقطعت كلامها ومشت ليهو جاااريه .. وقمر سرحت ومبتسمه كده .. وقالت في سرها بالجد شخصيه شكلها مريحه😍"
.....
في المساء .. انا طبعا من الجري والتعب بتاع ليث ومكاوااتو لي بقرررب اجن ...
انا: ليث وحاات الله ماتشرب الحليب وتنوم اجي ادقك لمن تقول بس
تعال هنا ياود الكلب ..
ليث: اصبلي لي بابا بتلموووو ليييت 😝
انا: ليث 😡😡
والجرس دقا ... وجرا لي ابوهو حضنو وطوااالي حكى ليهو .. كان بفضحني وبقول يومي كلووو في الباب .. 😂😂 لسانو خفييف زي امو مابتتبلى في خشمو الفوووولة😂😂 ..
راشد: حبييب بابا حضن سرييييع .. عاين امك مستنيا دورها
انا:☺☺☺ خجلتا
ليث:😡 ماما تالت لي ود الكلب ...
راشد:😳😳😳😳 سندس .. اخر الزمن بقيت كلب😒
انا: 😁 ياخ ما قااصداك انت ياخ
راشد: 😳😳😳 اها قاصدة منو كمان
انا:😂😂😂راشد قاصداك .. ياخ ماتعذبني .. راسي ضااارب من ولدك ده 👊👋 عذبني .. تعال يلا اشرب وامشي النوووم سريييع .. ومسافه اشرب ليث وينوم .. كان راشد اخد حمامو و جا عاين لينا غفينا سوا ... قعد في السرير وبقى يهبش في شعري عشان اصحى .... وصحيت لقيتو بعاين بنظرات حب كده ..
انا: حبييبي ☺
راشد: مشتااق ليييك كتييير ...
انا: تعال ☺ .. وختى راسو في رجليني وبقيت بهبش في شعرو وبقول ليهو .. حصل شنو الليله ..
راشد: ☺ شفتا بت مززززة
انا: راشد 😡😡😡 وقطعتا ليهو الرومانسيه طواالي وصريت ..
راشد: اهدي اهدي ياغيووورة😂😂
انا: دايره انوم .. زح مني ..
ورقدتا في السرير وقبلتا على ليث واديتو ضهري✋
راشد: تتذكري اول ماشفتك في الجامعه وكنتي صغييييرة كده ..
عارفه اكتر شي عجبني فيكي شنو !؟
" طبعا انا سااامعاهو بس بتغااتت ومادايره ارد وعامله فيها نايمه"
راشد: عجبتني ضفورك 😊😍 كنتي عاملاها بطريقه حلووة والاحلى انك مامربياها .. كانت نضاااف شديييد ولفتتني ليييكي ..
سندس انتي ماسامعاني؟! ..
" وانا ابيييت ارد عليهو.. لحدي ماقرب من اضاني ورفع شعري الطويييل وغزيير وهمس لي بصووت حلوو .. " لحدي الان انا معجب بيك ومعجب بي اي شي فيييك " وقررب شووويه وماقدرتا امنعو .. اتلفتا عليهو وعاينت في عيونو وقلتا ليهو .. انا بحبك شديييد ❤"
" وقطعت جهيزة قول كل خطيب ❤"...
....
جانا صباح يوم تاني .. بعد الليله الحلوة ❤ .. وصحيييت مبسوووطه
جهزتا الشاي بي بسطه شدييدة .. وليث نااايم .. ولبستا فستان قصيير ابيض على الجسم ❤ .. وفكيت الشعر ومكياج خففيف .. ومشيت اصحي راشد ... وابى يصحى لي ..
قرربتا منوو وعضيت اضانو ... وكده بنصحي بعض😂✋ ... وصحى مخلوووع .. بس اتخلع لما شافني متغيييرة .. 😍😍.. حتى بكل جدية قال لي . انتي منو!!
انا: راشد 👊😡
راشد: ياخ في زول عندو ملاااك في البيت بمشي للجحيم 😍😍
انا:😍😍 ياخ خجلتني هس هس وقوم جهزتا ليك الحمام ..
" وقام وليث قام بي وراهو ... وشربنا الشاي وجا طالع .. وحلف مايمشي ... جنب الباب قال لي .. السكرة❤ ماممكن اخد حاااجه ..
وانا بكل غباااء 😕 حاجه شنو!! ..
راشد: 😒 حاجه حلوووة يعني بي حرف الباء ..
انا: راشد بي الجد ماعرفتا اللغز 😕😕
راشد: 😒😒 لغز اليخنقك .. قلتا لييك حاجه حللوة في الخدوود او..
انا: ايوااا راااشد 😂😂😂
ما كفااك يوم امبارررح .. مافي خلاص امشي ليث زاتو مراقبنا
راشد: يابت انتي مرتي ولا صحبتي .. وليث شنو كمان الأخت ليهو حذر 😒😒 ..
انا : راشد خلاص حتتأخر .. 😒👊
ليث: ياماما في ثنوو
انا:😂😂😂😂 ياخ الولد ده
راشد: خليك في اكلك انت .. بلا ياماما في شنو معاك .😒😒
انا: زعلان كده مالك 😂😂 حبيبي
راشد: 😒 انتي ماتضحكي ليهو كمان .. ماشي زاتو خلي يشبع بيك
انا: تعال تعال 😂😂😂
راشد: في شنو مااالك !؟
انا : قرررب شووويه ياخ ☺
راشد: اها☺☺☺.
انا: ماتتأخر المساء عشان انا مشتاااقه لي عطرك ده ❤
راشد: 😍😍 ياخ كده ماحاقدر اشتغل زاتو
" وقفلتا الباب سرييع لانو الشوق ممكن يرجعو تااني ونتمو سوا"
ووصل الشغل .. وبعد ساعتييين جات قمر .. وكل يوم حلاوتها بتزيييد واول ماوصلت المكتب سالت من راشد .. والعمال استغربو😕 وقالو ليها شغال في المعمل تحت ..
وما صدقت جات استراحه الفطور .. اشترت سندوتشات ونزلت لي راشد ... سلمت عليهو وقالت ليهو:
يا استااذ ممكن اشكرك على تعب امبارح وتسمح لي ..
راشد: اتفضلي☺☺ .. " ما اتوقعها قاصدة تفطر معاهو "
قمر: حابه نفطر سوا ❤ اذا ما عندك مانع .. وبعدين مافي زول معاي فوق ومابحب افطر براي .. مابقدر اكل والمدير طلع بره ..
راشد: ولايهمك .. ماعندك مشكله ..
" مشى غسل يدينو وطلع .. جهز المكان في المكتب والفطور وقعدو سوا فطرو وشربو الشاي سوا .. وهي مبسوووطة شديييد .. وراشد كان بعاين لي اسلوبها وحركاتها ورقتها وحنكشتها في الكلام .. "
قمر: ما اتعرفتا عليك امبارح ..
قمر عمري ٢٢ زي ماعارف ولا في دبله باليمين ولا الشمال زي ماشايف😂😂
راشد: 😂😂😂😂 راشد عمري ٢٩ ..
وقاطعتو طوالي .. ومافي دبله في اليمين ولا الشمال ؟!
راشد: اي 😊 وسكت وما وراها انو متزوج وعندو ولد ..
قمر اتبسطت وفهمت انو ما عندو حبيبه في حياتو وفرحتها ظهرت في ملامحها .. وراشد مشاها وابتسم .. وكملو ونسه واخدو ارقام بعض ..
......
وانا المساء نومة ليث وجهزتا عشا ظااابط وشموع وكنتا منتظراهو ولبستا كاني عروس من الريحه والبخور ..
بس راشد اتاخر لانو في الشغل...
قمر: راشد معليش ممكن اطلب طلب
راشد: اتفضلي طواالي انتي تامري
قمر: عربيتي اتعطلت والعمال طلعو والوقت اااتاخر .. ممكن تساعدني فيها ..
راشد: والله انتي شايفه الكليك بتاعتي تعبانه كيف😂😂
قمر: مامشكله☺
راشد: لا ماابيت ليك انا ممكن اقفل عربيتك واوصلك؟!
قمر: ممكن😍
"وركبو سوا ولما وصلها حلفت عليهو الاتدخلو وتعرفو على امها وكانو عايشين في البيت هي وامها وابوها متوفي ..
امها وهي حلفو على راشد يدخل ويشرب حاجه .. ودخل واتونس معاهم والوقت كان ماشي وسرح بيهم .. وانا هناك انتظرتو كتير وكنتا بضرب بس مابرد علي لانو نسى تلفونو في العربيه .. لحدي ماخلصو ونسه كلهم سوا .. وودعهم وطلع عشان يجيني ونسى انا كنتا منتظراهو لي في البيت ... وانا هناك زهجتا من الانتظار .. لحدي ماوصل البيت "
راشد: سندس انتي لسه صاحيه للوقت ده 😳
انا: اي حبيبي اتاخرتا ليه قلقتني!؟
راشد: قمر كان عندها مشكله في العربيه والوقت اخدنا .. بس انتي ليه انتظرتي ومانمتي مع ليث !؟
انا: ايوااا تماام
" وما تنييت كلمتي ودخلتا الغرفه قفلتها وانا زعلانه وغيرتا ملابسي .. كيييف ينساني ويجي يسالني صاحيه ليه كمان ؛!"
وراشد فعلا نسى وما كان بهظر .. وما اتذكر الا لما دخل الصالون ولقى العشا والشموع والتظبيطه .. وختى يدو في راسو .. وقال .. الله ياخدني ياخ نسيييت كييف ..
بس انا هناك نمتا زعلااااانه جنب ولدي .. ولما جا يدخل لقاني قفلتا الغرفه علي انا وليث .. وواتراجع ونام بره الغرفه التانيه ..
