مشينا نقيل مع ناس امي وفي طريقنا غشينا اخت راشد رنا وسقناها معانا .. وصلنا واتونسنا مع ناس البيت .. ولاحظت لي رنا بتعاين لي اخوي عمار كل دقييقتين ونحنا بنتونس. ونفس رفعه التلفون كانو اتنيين وبتونسو سواا .. طبعا طوالي اشرتا لي راشد بعيوني 👀 عشان يلحقني للمطبخ .. وهو زي الغبي مافااهم شي 😳 ينطط لي في عيونو من بعيييد يعني مالك في شنو 😳😳 .. لحدي ما قلتا ليهو رااااشد بحميره كده 😒 ممكن تجي تساعدني اقطع البطيخه 😒 .. حتى قام واتنفض وجاني سريييع..
راشد: في شنو يامره بتنقي ..
انا: انتا ما ملاحظ رنا وعمار دييل😕😕
راشد: في شنو مااالهم😪
انا: ياخ زي الفي حاااجه بيناتهم 😍😍😍
راشد: قلتي كده 😕😕
انا : اااي حاسه في حاااجه ..
اشم رااائحة عرس قرييب يا حبييبي💃💃
وانا وهو اتكلنا في الباب نعاين ليهم بتونسو وسرحنا معاهم لما الموضوع كيفنا شدييييييد .. لحدي ماقطعت اللحظه اختي دينا جنها اكل وجات تاكل وكرووو وقعت الغطا .. انا وهو نطينا من الخلعه 😳😳 في شنوو يا بت بتدبي كده 😒😒
دينا: جييت اكل انتو بتسوو في شنو 😪
راشد: تاكلي السم يادينا .. 😒 غي زول بدخل كده بالتخفي 😒😪
دينا:😒😒😒 هووي هااا
كان ما بيتنا لمو شافعكم ده واطلعو عمل لي صدااع زاتو تاني ماتجونا يوم الجمعه نهااائي .. 💦💦
راشد؛: شفتي اختك السمييينه دي مابتعرس كلوو كلوو كلميها خليها تضعف تبقى زي قمر ..
انا: قمر؟!
دينا: قمر منو يا ابو النسب
راشد: انا قلتا قمر!! .. ياخ بتهيأ ليكم .. قلتا لي خليكي زي رنا ❤
" طبعا دينا مافاهمه حاجه وانا مشيتها ليهو عشلن اختي كانت واقفه .. بس اصلو ما نسيتها ليهو .. وكملنا يومنا ضحك وونسه ورجعنا بيتنا .. والليل كلو انا بتقلب وبفكر في قمر ومن هنا بديت اشك .. وماقدرتا اسكت واكتم الموضوع لانو كان واجعني شدييييد فقمتا عليهو بالليل "
انا: راشد قمر القبيل قلتها دي مش البتشتغل معاك
راشد: سندس ده ما وقت نقه بكره شغال
انا: راشد قوم رد علي 😡😡
قمر دي منو !!! ومن بتييين علاقتك عمييقه معاها كده؟!
راشد: عليك الله ماتخربي لي مزاجي وخلي اليوم يعدي على خيير
انا: ابيييت ما حارتاح الا اعرف ..
راشد: سندس😡 ماتعلي صوووتك الولد نايم بتصحيهو
انا: راشد جاوبني بصراحه انت بتعرف بت غيري!!
راشد: استغفر الله .. ماناويه تعدي الليل مش .. انا طالع زاتو وخالي ليك الحيط .. اقعدي كسري راسك فيها تمام!!
انا: رااشد...
" وطلع الساعه ١٠ مساء وخلاني بكورك وماهماه شي .. مشى دور العرييه ووصل شارع النيل وقعد هناك يشرب قهوة ..
واتصل المرة دي براهو على قمر واتكلم معاها .. قالت ليهو انها قريبه وفي مناسبه وحتمر عليهو وفعلا جات وقعدت معاهو وشربو سوا القهوة .. تاني واتونس معاها وهو مبسوط وبقى برتاح في وجودها يمكن اكتر مني .. "
وانا النيران تغلي جوااي وماقدرتا انوم .. لحدي الساعه وحدة بالليل جا راجع بعد وصل قمر .. ودخل وما اتكلم معاي نام والصباح مشى الشغل " قلتا انا ما لازم اقعد كده ومفروض افتش وراهو عشان اتاكد منو .. انتظرتو لحدي مارجع وكنتا زعلانه شديييد منو ... ما اتكلمنا كتيير لحدي ما نام شلتا تلفونو وفتشتو ما لقيت ولا مكالمة ولا رساله من اي رقم حتى رقم قمر مافي 😞 .. قلتا خلاص مافي حاجه بينهم وانا بتهيا عشان بغير عليهو شديييد .. وبعد هو نام وانا كنتا مشتاقه ليهو .. مشيت ختيت راسي في كفة يدو 💓 ونمتا .. صحى الصباح لقاني كده ❤ ابتسم ورجع رقد ويعاين لي ويهبش شعري وانا نايمه لحدي ماصحيت بيهو .. وما كنتا دايره اتكلم بس قلتا ليهو صباح الخير ورد لي صباح الحب حبييبي❤ .. وجات رساله في تلفونو وكانت تحتي .. رفعتو وانا مطمنه عشان اديهو ليهو بس لقيتها من فوق بدايتها حبييبي طوالي فتحتها وقريتها " حبييبي مشتاااقه ليييك ياريت لو كان يوم امبارح اطووول بس ماعارفه ليه الوقت بمر قدامك ثواني .. حبييبتك قمر❤" طبعا قريتها بصوت عالي وبديت اتخنق والعبره مسكتني .. وهو جنبي سمعها وماقدر يقول ولا كلمه ..
وقمتا من جنبو جريت الحمام وتميت بكيتي وهو سمعني ببكي .. طلع من البيت طوااالي ...
.....
عدت تلااته ايام ونحنا مابنتكلم .. اي زول فينا في حالو وهو بقى بزهج من جو البيت والنكد والمشاكل وبهرب لي قمر عشان برتاح هناك .. وانا طبعا كاتمه جواي وزعلانه لانو مافكر يبرر لي او يعتذر حتى ..
لحدي اليوم الرابع ماقدرتا اصبر اكتر وجيتو الصباح ...
راشد عايزة اتكلم معاك !
راشد: وانا كمان بس قولي انتي
انا: عايزة افهم ده شنو البحصل ده وليه !!
راشد: سندس انا مابحب بنت غيرك في الدنيا دي
انا: راشد ما تكذب علي وبديت ابكي
وهو كان بضعف لمايشوف دموعي .. ومابقدر يعمل حاجه
بقى بسكت فيني وبقول لي اي شي حيتصلح والله دي غلطه
انا: راشد انت بقيت ماحقي براي؟
راشد: سندس ماتقولي كده
انا: قصرتا معاك في شنو وريني؟؟
راشد: بس اهدي وانا حوريك اااي شي ..
انا: مادايره اسمع حاجه ...
وطلع طوالي خلاني ببكي لانو مابحب يشوفني كده ..
وانا بعد ده ما اتخيلتا انو يكون قال ليها بحبك وافتكرتها هي الجاريه وراهو .. وقلتا في سري لازم احافظ عليهو وعلى بيتي وما اسيب راجلي لانو انا اهملتو اخر فتره .. فقلتا اقفل الموضوع مع راشد عشلن ما يزهج مني ومن البيت
وقررت امشي الشغل بكره واشوف قمر دي منو ...
استنيت الصباح بتييين يجي .. ولبست بنطلون اسود وقميص ابيض وجكت اسود .. رااقي جدا .. يعني بدله بسيطه وانيقه مع الجسم وفكيت شعري مع الاستشوار وصل اخر الضهر .. ومكياج خفييف .. وركبتا عربيه راشد وهو لسه نااايم خليتو مع ليث ومشيت اشوف قمر دي منو !!
