صحيت من النوم .. لقيت راشد مافي 😳 استغربتا انو صحى وماصحاني معاهو... المهم قمتا مبسوووطة شدييد ❤😍 .. ضربتا لي امي وقلتا ليها حامر عليكم اسوق ليث وامشي لي نسيبتي❤ فعلا مشيت لي بيتنا وسقتا وبدي وطلعتا لي ام راشد ...
ام راشد: حبييبتنا😍😍 .. اشتقنا ليييكي شديييد وين انتي
انا: وانا. والله يا امي .. معليش كنتا مشغولة شويه .. انتو كيفكم وعروستنا وينها 😉
رنا: مرة اخوووي السمحه جاتنا ❤ وجات سلمت علي وحضنتني
انا: يازولة انا حماتك من هسي ما تعملي لي بكش وحركات
ام راشد: ههههههه سمح حمات رنا بس لكن بالنسبه لي بتي ❤
انا: حبيييبتي انتي😘😘😘
رنا: هووووي ياسندس انا بغييير كده ..
ام راشد: يابت هوووي دي مرت الغالي❤
انا: كدي تعالي وريني اشتريتي شنو😍😍 ارح اشوف الشيله
رنا: انتي فاضيه لي لكن .. امبارح بضرب ليكي تجيني السوق وكنتي مااافاااضيه .. عارفه عيد زواجكم بتكونو حتيتو حت امبارح😉
انا: 👋👊😒 يا بت اتادبي
ام راشد: يابت عيييب دي مرت اخوووك 😂😂
انا: ليث خليك مع امي.. وانتي يا. ام لسان يا قصيرة ارح معاي💪👊👋 اشوووف شيلتك .. تلقيها كلها هدووم قصيرة 👋
....
راشد طلع من الصباح ومشى لي امجد وحكى ليهو الحاصل .. وقعدو الاتنين ايدينهم فوووق راسهم والدنيا سوداااء في وشهم 😞 ..
امجد: والله يا راشد ماعارف اقوول ليك شنو راسي ضرب زاتو من قلتا لي الخبر الكعب ده
راشد: وانا اقول شنو طيب ..
امجد: قمر طيب حيحصل ليها شنو!!
راشد: ماعارف والله ماعااارف ..
امجد: كدي امشي شوفها هسي وماتفتح معاها موضوع
راشد: خايف امشي ويحصل شي
امجد: راشد الاعمار بيد الله .. انت ماعارف قمر تعيش ولاتموت
راشد: الدكتور قال حالتها خطيييرة شديييد
اتكلمتا معاهو وشرحها لي وقال لي ماافي امل
امجد: يازول اتوكل على الله
راشد: والنعم بالله
امجد: خلاص هسي امشي شوفها
راشد: طيب
....
مشى راشد عشان يقابل قمر وامها طبعا سمحت ليهو... قعد معاها في غرفتها وسلم عليها وسالها من احوالها وكده ...
قمر: راشد انا اتوصلتا لي حل
راشد: قولي
قمر: اي صاح انتا متزوج وعندك طفل بس ربنا حلل ليك اربعه بعدين مرتك ماحتجيب اولاد .. يعني ده سبب مقنع ليها وللاهل .. وانا ماعندي مشكله اكون مرتك التانيه المهم اكون معاك ❤ راشد انا حبيتك شديييد ❤ وما بقدر ابعد عنك ولا يوم ..
ام قمر كانت ورا الباب وسمعتها وبكت .. وراشد ابتسم ليها بس ماعرف يقول ليها شنو .. غير الموضوع وقال ليها ..
يازوله خلينا من جو النسوان ده .. بكره انا الصباح عازمك سمك❤ البتحبيهو وفي الروابي كمان😍 .. اها موااافقه ؟!
قمر: اي طبعا 😍😍 .. رغم انو الايام دي بحس بي تعب وارهاق .. ماعارفه من شنو
راشد: تاني بتحسي بشنو؟؟
قمر: والله بقيت برعف كتيير ياراشد .. ودي حاجه جدييدة..
غايتو ده يكون من الارهاق وتعب الشغل ..
راشد: وعشااان كده قررتا اغير ليك جو النكد ده 😍😍 .. هسي ارح قومي نمشي السوق
قمر: راشد مالك😂😂
راشد: ياخ امك دي كانت واقفه في حلقي ومانعاني من حبييبتي😉
قمر: هييي هس هسي بتسمعك😂😂😂😂
راشد : حاستناك بره غيري ونمشي السوق
قمر: طيب ❤
راشد: وجيبي قروشك معاك .. يازوله انتي موظفه ☺
قمر: 😂😂😂 حيوان .. ياخ امشي من وشي👋👊
*طلع بره وقفل الباب .. وام قمر قالت ليهو شكرا ليك على البتعملو ده .. راشد قال ليها .. المهم قمر ماتزعل وماتضايق .. ☺_ قمر لبست وطلعوا السوووق واتفرجو واشترت حاجات .. اتبسطت شدييييد معاهو .. واتمنت انو يكون معاها الوقت كلوو❤*
....
انا كنتا برتب مع رنا لانو العرس كان باقي ليهو يومين ❤ وجيت مهووودة من التعب 💔 ... لقيت راشد لسه ما رجع ... نمتا انا وليث وهو رجع متاخر بالليل .. نام بره في الكنبه .. صحيت الصباح وصحيتو معاي ..
راشد راشد قووم حبييبي.. ليه نمتا هنا .. وجيت بتيين انتا .. ضربتا ليك امبارح وتلفونك مابدخل معاي كان الشبكه قمتا نمتا ..
راشد: ما كنتا داير اصحيك .. لقيتك تعبانه وليث نايم جنبك .. قلتا اخليكي ترتاحي
انا: ااي والله .. كنتا مع رنا .. جهزنا الحاجات .. العرس باقي ليهو يوميين بس لاازم ننتهي سريييع ..
راشد: الله يعينك حبييبتي .. مسكني من راسي 😘 وقال لي انتي دنيتي كلها ❤ ..
انا: يازول ماالك انتا بتحب فيني الايام دي كتير 😂😂
راشد: مش مرتي .. احبك في اي وقت ❤❤
يلا انا حاقوم اجهز عشان اطلع وانتي اجهزي اوصلك لي بيتنا ..
انا: قصدك بيت العرس
راشد:،😂😂😂 اي اي قوومي
..
لبسنا وطلعنا وصلني ومشى الشغل ... ومن الشغل مشى لي قمر ..
متفقين كانو يقضو اليوم كلووو سوا ويفرحها ويخفف عنها التوتر والزعل رغم انو ماداير يعمل كده بس القدر جبرو يعمل كده ..
فطرو سوا وطلعوا حضرو فيلم ودي كلها اوامر قمر .. لحدي العصر تاني اتغدو سوا وقالت نفسها تمشي شارع النيل بعد المغرب مشو سوا وقعدو .. اتونسو برضو وهي بتحكي ليهو عن روحها وايام كانت في المدرسه وراشد كانت بيسمع فيها بكل صدر واااسع ☺
رنا قالت لي :
سندس اضربي لي راشد شوفيهو وين خليهو يجي يودنا سعد قشره عندي حاجات ما تميتها ....
قلتا ليها طيب .. ضربتا ليهو وماردا لي وطبعا قمر شاافت مكالمتي ..
سالت راشد ده منو .. وقال ليها مامهم هسي واصلي لي عملتي شنو تاني بعد طردوك من الحصه😂😂..
تاني اتصلتا وماردا .. طبعا قمر حست بالغيرة شديييد .. وبقت انااانيه فيهو ووجعها انو يكون متزوج يادوووب .. قالت ليهو راشد ممكن تجيب لي موية .. قال ليها طبعا ... في المسافه دي شالت رقمي من تلفونو ورسلت لي من تلفونها راشد معاي يا سندس لو سمحتي ماتزعجينا وهو ماحيرد عليك.. قمر..
طبعا اتخلعتا لما وصلتني رسالتها وقريتها😳 تاااني ضربتا وقاكت قفلت في وشي 😳😳 ..
وخلاص النار ولعت فيني .. وبقيت بضرب وهي بتقفل فيني الخط ..
لحدي ماجا راشد وقعد جنبها قامت قالت ليهو الانتصور حبييبي لو سمحتا نفسي في صورة لينا سوا ..
وراشد ماداير يزعلها شال تلفونها واتصورو .. وهو الماسك التلفون ..
قمر بعد اتصورو قالت ليهو نرجع عشان الوقت ..
قال ليها طيب .. وقامو ركبو عشان يوصلها وفي الطريق .. رسلت لي الصورة وقالت لي .. عليييك الله خلي الراجل يرتاح ماتنقي في راسو وتضربي كتييير💔 .. ياخ هو مابرتاح الا جنبي ماتحرميهو الحاجه دي. ما كفايه انك حارماهو من العيال ..قمر"
...
ومتخيلييين الجرح السببتو لي بكلمتها دي💔 .. ومقدار الصدمات والالم الجاني من الحصل ده... الوقت داك الدنيا سوودت في وشي .. 💔💔💔💔 حتى ناس العرس البتكلمو معاي ما وعيت ليهم 💔 بس بقيت بعاين للناس وكاني في دنيا تانيه .. بعد اتاكدت انو راشد خاني💔
