عمار: سندس .. انا داير رنا اخت راشد
انا: عمار بجد 😍😍😍
عمار: اي وفاتحتها في الموضوع ده .. لينا زمممن كده بنتكلم مع بعض
انا: الففففف مبروووك ياخ فرحتا ليكم.. رنا بنت مافي زيها بجد .. اخلاق وادب واحترام محظووظ بيها يا اخوي وهي زاتها محظوووظة بيك😍تلقى زي اخوي وين ❤
عمار: 😘😘😘 قريب ان شاء الله حاتكلم مع راشد وافتح معاهو الموضوع ...
.....
طبعا الموضوع كان فجأة بالنسبه لي وبسببهم اضطريت اقعد .. عشان ما اخربها عليهم .... انتظرتا راشد يرجع للبيت ... بس مارجع ونام بره عند امجد صحبو ... وانا كنتا مقلقة عليهو بس ما قدرتا اضرب ليهو بعد العملو فيني هو ... راشد قرر يحكي لي امجد صاحبو الحصل معاهو ..
وقرر يصارحو عشان يكون في الصورة ..
راشد: امجد كدي تعال اقعد .. داير اكلمك بي موضوع
امجد: خيير ان شاء الله!
راشد: قمر علاقتي معاها بقت اكتر من زماله
امجد: مافهمتا .. اشرح لي
راشد: سندس جات المكتب لانها شااكه فينا بس مالاقت قمر الحمد لله الله ستر
امجد: راشد اتكلم معاي عديل عشان افهم
" وبدا راشد يحكي ليهو القصه من اولها ومن ما جات قمر .. وكيف حياتنا اتغيرت وانا كيف بقيت نكديه وممله 💔 حكى ليهو الحاصل كلو"
امجد: ماقادر اصدق😳 راشد دي ام ليث .. سندس دي حبييبتك انتا ؟!
راشد: سندس اتغيرت
امجد: ما اتغيرت سندس معاك انتا الاتغيرتا .. والحصل ده كلو في لحظه زعل بس
راشد: انا بالجد مرتاح مع قمر
امجد: راشد الحصل ده كلو عشان انتا وسندس مشاكلكم زادت
انا بقول ليك ابعدو شويه وراسك يهدا وبعدها حتعرف انو انتا غلطتا بس ما اكتر.. عليك الله ماتهدم زواجك ..
راشد: 😡😡 قلتا ليك ما غلطه .. انا داير قمر .. وبعدين الله حلل لي اربعه .. ومن حقي وهي ما بتجيب اولاد تاني 😡😡😡
امجد: 😳😳 ما ممكن يكون القدامي ده راشد .. لالا انتا بقيت ما طبيعي .. راشد البعرفو مستحييل يتكلم كده وعن سندس كمان؟!
راشد: انا حر ودي حياتي ... وشال مفتاح العربيه وطلع زهجان من امجد...
.....
عدا اليوم التاني وانا برضو ما عارفه شي عنو .. لحدي مارجع المسا البيت.. دخل وسلم على ليث ولا كأني قاعدة في البيت ... لحدي ماليث نام حتى جا وقعد جنبي في الصاله وانا فتحتا معاهو موضوع عمار.. وكلمتو بيهم .. وابتسم كده واداني احساس انو فرح ليهم وقال لي عايز انوم تعبان ودخل جوووة ينوم ...
انا اليوم داك مانمتا وقضيتو كلو ببكي وبتخنق وكاتمه الزعل جواي لما حسيت قلبي بيوجعني وبقيت خااايفه شدييييد من اي شي ...
لحدي ما جا الصباح بنفس الحاله علي ... 💔💔💔
راشد: سندس انا ماشي لي عمتي سكينه وحاسوق ليث ..
انا: تمام طيب ..
وطلع بدون مايقول لي اسوقك معاي .. كتمتا الزعل وصبرتا وقلتا الموضوع زاااد عن حدو بس انتظر لحدي ما عمار يتم عرسو...
.....
قمر واماني كانو قاعدين وطبعا اماني لازم تعرف قرارها شنو..
اماني: قمر اها حتعملي شنو؟؟
قمر: امبارح قعدتا افكر كتييييير براي لما راسي وجعني
اماني: ان شاء الله وصلتي لي حل
قمر: اي ... اماني انا حبيت راشد شديييد ومابقدر اسيبو
اماني: حتى بعد عرفتي انو متزوج ؟!
قمر: اي مابقدر اخليهو حتعب شديييد لو بعدتا عنو ...
اماني: اها الحل شنو..
قمر: حاقول ليهو نعرس هسي ...
اماني: يابت جنيتي .. اصبري شويه انتي .. امك لو عرفت انو متزوج
قمر: ماحتوافق بعرفها .. ماحوريها
" وجات ام قمر قاطعتها ..."
ام قمر: يابت 😡😡 السمعتو ده صاح
قمر: امي😳😳
ام قمر: دايرة تخربي ليك بت وحدة... انتي قايله لو ابوك مافي انا ماحقدر اربيك
قمر: امي انا يا اعرس راشد يا ما حاعرس
اماني: ياخالتو اهدو .. ما تتكلمو لحظه غضب
ام قمر: اماني.. قولي لي صحبتك اني ماحاخليها تخرب بيت مرة .. ولو دايره. تموت وهي بايره تمووت ..
وطلوع من البيت تاني مااافي 😡😡
اماني: ياخالتو اهدي عليك الله ..
قمر: انتي ماحتمنعيني ... وبقت بتكورك وتبكي واناني بتسكت فيعا.. وامها طلعت غضبانه منها ومشت قعدت بره وهي غضبانه من تصرفات بتها وحركاتها 😡😡
....
راشد وصل لي عمتو ...
سكينه: ياولدي زارتنا البركه😍😍
راشد: عمتي كيفك ان شاء الله بخير
سكينه: بخييير واشتقنا لييك ... ليث حبييبي كيفك😘😘
قعدو شويه ولما عمتو وهو بقو براهم .. لاحظت ليهو مهمووم ومضايق كده ... فسالتو: خير ياراشد في شنو؟
راشد: المشاكل ياعمتي المشاكل كترت💔
سكينه: مافي بيت خالي من المشاكل ..
" سكينه من زمان كانت دايره راشد لي بتها وكل مرة كانت بتطعني بي حاجه .. فدي كانت فرصتها انو اول مرة يجي ويشكي ليها مني واني بقيت قالبه ليهو البيت نكد وهم .. وردها ليهو كان:
راشد ولدي هسي كان عرستا وجبتا ليك اخوان لي ليث ده .. ماكان اخير ☺
راشد سرح مساااافه كده وقال ليها:
تاني ياعمتي العرس تاااني!
سكينه: ياولدي انتا لسه صغير .. ومالك بتقدر تفتح كم بيت .. تجيب ليك مرة تفرفش.روووحك دي وتسعدك ...
وبدت الفكرة تدخل في راس راشد ... وانا هناك مرضتا بالنزله والالتهاب وتعبتا وكنتا قاعدة في البيت براي .. ماقدرتا اقول ليهو لانو متشاكلين لحدي ماجا راجع المسا وليث نااايم...
بعد استحما وغير ملابسو ودخل الغرفه مالقاني ..💔 استغرب .. ومشى غرفة الضيوف ولقاني ..
مرميه في السرير وتعبااانه وحتى ما واعيه للحوليني ... وكنتا محمووومة ومولعه نار .. وراشد البريد سندس ماقدر يشوفها كده ومايخاف ويقلق عليها ...
رمى تلفونو من يدو وجا جاري وبقى بصحي فيني .. ويسالني سندس مالك ؟؟ انتي كويسه؟!
اول مرة يشوفني بالحاله والتعب ده وما كنتا قادرة اتكلم معاهو زاتو .. بس سامعه صوتو الحنييين وهو بقول لي.:
انا جنبك ما تخافي حتبقي كويسه ... وجا يشيلني للغرفه عشان انوم بس لقا يديني كلها اثار وشخوط حمر .. اتذكر نفسو لما كان بيلوي في زراعي وزعل شديييييييد اللحظة ديك 💔💔
وداني للحمام وبموية باااردة كباها في راسي .. عشان الحمى تروح ... وبعدها جابني رقدني وبقى بقرا لي في قران ...❤
كنتا سااامعه صوتو .. وبديت اصحى شويه شويه.. لحدي مافتحتا عيوني وقلتا ليهو: رجعتا بتييين انتا؟!
راشد: رجعنا قبيل .. وليث نايم انتي بقيتي كيف؟
انا: احسن ...
"وسكتا وهو لسه خاتي يدو في شعري وبمرر بيها وبقرا لي في ايات ❤"
انا: راشد انا كويسه .. خلاص حاقوم
راشد: لالا اوووعك ماحتقومي .. حتنومي هنا
انا: طيب انتا امشي نوم
راشد: لا حاقعد جنبك ..
انا: راشد .. بقيت كويسه والله
" وماسمع كلامي ... ورقد في طرف السرير وبحضن دافيء طولنا منو شديييد ❤.. "
انا:☺☺☺ طيب ليث حينوم براهو
راشد: ماحيجيهو شي .. خلاص غمضي نوومي انا راجييك .. .
ونمتا على صوتو وهز بقرا لي في شعري وماسك زراعي اللواها لي 💓 وقبل ما انوم .. همس لي في اضاني .. انا بعتذر شديييد ...
وانا الوقت داك ما اهتميت بي شي .. يكفيني حضنو وصوت تلاوتو❤
